ᒥᓯᐊᓪ ᒪᕐᑌᓐ
Jean-Pierre Larose
ᓄᓇᕕᒻᒥᐅᓕᒫᓄᑦ ᑐᕌᕐᑐᑦ:
ᐅᐱᒪᒻᒪᕆᑦᓱᖓ, ᐱᔪᑦᓴᐅᔮᕐᓱᖓ ᐊᒻᒪᓗ ᐱᒐᓱᐊᑦᓯᐊᕈᑎᖃᓚᖓᑦᓱᖓ ᐱᓇᓱᐊᖃᑎᒃᑲᓂᒃ ᐊᕐᕌᒎᓚᖓᓕᕐᒥᔪᓂ ᑭᒡᒐᑐᖃᑎᖃᓚᖓᓕᕐᒥᔪᖓ ᐃᓱᕐᕆᓯᓐᓇᑐᓂᒃ ᐊᒻᒪᓗ ᐱᔪᕆᑦᓯᐊᓇᕐᑐᓂᒃ ᐅᖑᒪᓗᒋᑦ ᓄᓇᕕᒻᒥᐅᑦ ᓄᓇᓕᖏᑦ.
ᐳᓖᓰᑦ ᐱᓇᓱᐊᕐᑕᖏᑦ ᓄᓇᓕᓕᒫᓂ ᑭᖕᖒᒪᑦᓯᓇᕐᐳᑦ ᐅᒃᑯᐃᖔᖃᑦᑕᐅᑎᑦᓯᐊᓂᕐᓂᒃ, ᓴᖑᒍᓐᓇᓯᐊᕐᓂᓂᒃ, ᐋᕐᕿᓯᒪᑎᑦᓯᒍᓐᓇᓯᐊᕐᓂᓂᒃ, ᐊᒻᒪᓗ ᑐᑭᓯᒪᑦᓯᐊᓂᕐᓂᒃ ᐃᓄᐃᑦ ᐃᓗᒡᒍᓯᖓᓂ, ᐱᐅᓯᑐᖃᖏᓐᓂᒃ, ᐊᓐᓂᓇᕐᑐᖁᑎᖏᓐᓂᒃ ᐊᒻᒪᓗ ᑖᕙᖕᖓᓂᑕᖁᑎᖏᓐᓂᒃ, ᑭᒡᒐᑐᕐᓂᕗᑦ ᐃᓱᕐᕆᓇᕐᓂᓴᐅᖃᑦᑕᖁᒧ.
ᐅᖃᓚᐅᕐᓂᒪᑦ ᓱᕐᖁᐃᑕᐅᒍᑎᑖᕐᑕᐅᓯᒪᔪᖅ ᐅᔮᐸᑦ ᐲᓪ, ᐱᒋᐊᕐᑎᓯᓯᒪᔪᖅ ᓄᓇᓕᓐᓂᒃ ᑐᖕᖓᕕᓕᓐᓂᒃ ᐳᓖᓯᖃᕐᑎᓯᓂᕐᓂᒃ, "ᐳᓖᓰᑦ ᐃᓅᖃᑎᒌᒍᕗᑦ ᐊᒻᒪᓗ ᐃᓅᖃᑎᒌᑦ ᐳᓖᓯᐅᕗᑦ."
ᑕᒪᓐᓇ ᐃᓱᒪᒋᑦᓱᒍ ᑫᓪᓗᑐᐃᒍᑎᐅᒍᓐᓇᐳᖅ ᐃᓚᐅᔪᖁᑎᑦᑎᓂᒃ ᕿᓂᖃᑦᑕᖁᑦᓱᒋᑦ ᓄᑖᓂᒃ ᐊᕐᖁᑎᑦᓴᓂᒃ ᐊᒻᒪᓗ ᑐᑭᓕᕇᑦᓯᐊᕈᑎᑦᓴᓂᒃ ᐊᕐᖁᑎᒋᓗᒋᑦ ᐊᓯᑦᓴᓯᐅᕈᓐᓇᓯᐊᕐᓃᑦ ᐊᒻᒪᓗ ᐱᒋᐊᕈᒪᑦᓯᐊᑎᑦᓯᐅᑏᑦ ᐋᕐᖀᓚᖀᒍᓐᓇᑐᑦ ᐅᖓᑖᓅᕐᓗᑎᒃ ᐱᐅᓯᑐᖃᕐᑎᒍᑦ ᑲᒪᒍᓯᑦᑎᓂᒃ ᐊᒻᒪᓗ ᐊᐅᓚᑦᓯᒍᓯᑦᑎᓂᒃ. ᑌᒣᓕᖓᑎᑦᓯᓂᖅ ᓲᓱᑦᓴᐅᑕᐅᒋᐊᖃᕐᐳᖅ ᐊᒻᒪᓗ ᐃᓓᓐᓈᕈᑕᐅᕙᒍᓐᓀᓗᓂ ᓄᓇᓕᓐᓂᒃ ᑭᒡᒐᑐᕐᑕᑎᓐᓂᒃ.
ᐱᒋᐊᕐᑎᓯᓚᖓᔪᖓ ᐃᓚᐅᔪᖁᑎᕗᑦ ᑐᕌᒐᖃᕐᑎᓯᐊᕐᓗᒋᑦ ᐊᒻᒪᓗ ᐱᒐᓱᐊᕐᑎᓯᐊᕐᓗᒋᑦ ᐳᕐᑐᓂᕐᐹᑎᒍᑦ ᐱᓇᓱᑦᑎᒪᕆᐅᓂᕐᒥᓄᑦ ᑲᔪᓯᑎᑦᓯᒍᓐᓇᓯᐊᕐᑎᓗᒋᑦ ᐱᓇᓱᐊᒐᕐᒥᓂᒃ.
ᐊᒻᒪᓗ, ᐃᖏᕐᕋᓯᑎᑦᓯᒍᒪᓚᖓᑦᓱᖓ ᐊᒥᓱᐃᓂᒃ ᐱᒋᐊᕐᑎᑕᐅᓕᑌᓐᓇᑐᓂᒃ ᑐᕌᒐᖃᕐᑎᓗᒋᑦ 14-ᓂ ᓄᓇᓕᓐᓂ ᐳᓖᓯᓂᒃ ᐊᒻᒪᓗ ᐃᓄᖏᓐᓂᒃ ᓈᒻᒪᒋᐅᑎᓕᕈᑎᑦᓴᖏᓐᓂᒃ, ᐱᕙᓪᓖᒋᐊᕈᒪᒧᑦ ᐊᒻᒪᓗ ᓄᐃᑦᓯᒋᐊᕈᒪᒧᑦ ᑕᒪᖏᑦᑕ ᐱᔪᓐᓇᖃᑎᒌᑦᓯᐊᓂᕐᒥᓂᒃ ᐃᑉᐱᒍᓱᓪᓗᑎᒃ ᐊᒻᒪᓗ ᑐᑭᓯᒪᔭᐅᑦᓯᐊᓂᕐᓴᐅᓕᕐᓗᑎᒃ ᐳᓖᓰᑦ ᐱᓇᓱᒐᖏᑦ.
ᐃᓱᓕᑎᑦᓯᓗᖓ, ᖃᐅᔨᒪᔭᐅᖁᔨᔪᖓ ᑲᑎᕕᐅᑉ ᓄᓇᓕᓕᒫᓂ ᐳᓖᓯᖏᑦ ᐃᑉᐱᒍᓱᑦᓯᐊᒪᑕ ᑲᔪᓯᑎᑦᓯᒋᐊᖃᕐᓂᒥᓂᒃ ᓈᒻᒪᑐᓂᒃ, ᐱᓇᓱᑦᑎᒪᕆᐅᓂᕐᒥᓂᒃ ᑕᑯᑦᓴᐅᑎᑦᓯᔪᓂᒃ ᐊᒻᒪᓗ ᐱᐅᔪᓂᒃ ᐳᓖᓯᐅᓂᕐᒧᑦ ᑭᒡᒐᑐᕐᓂᒥᓂᒃ ᐃᓘᓐᓀᓂᒃ ᓄᓇᕕᒻᒥᐅᓂᒃ. ᐅᕙᑦᑎᓂᒃ ᐅᖄᕕᖃᕈᓐᓇᓯᐊᕐᐳᓯ ᖃᓄᑐᐃᓐᓇᖅ ᐃᑲᔪᕐᑕᐅᒋᐊᖃᓕᕈᑦᓯ.
------------------------------------------------------------
ᐊᖓᔪᕐᖄᑉ ᑐᖓᓕᐊ, ᐊᐅᓚᑦᓯᕕᒻᒥ, ᑭᓇᓕᒫᒃᑯᑦ ᐊᑦᑕᓀᑦᑐᒦᑦᑎᑕᐅᓂᖏᑦ ᐊᒻᒪᓗ ᓴᐳᑦᔭᐅᓂᖏᑦ
ᐱᓄᐊᕐ ᐸᓛᓐᑦ
ᐊᖓᔪᕐᖄᑉ ᑐᖓᓕᐊ, ᐃᖏᕐᕋᓂᕐᓄᑦ
ᐃᓄᖃᙱᑐᖅ
ᐳᓖᓯᓂᒃ ᓯᕗᓕᕐᑏᑦ
ᓂᒡᒋᒦᑦᑐᓂᒃ ᑲᒪᕕᒃ (ᒫᓇᓯᐅᑎᒃ)
ᐳᓖᓰᑦ ᓯᕗᓕᕐᑎᖓ ᓵᓐ ᓛᒡᓯᑐᔩᑦ
ᐊᐅᐸᓗᒃ, ᑲᖏᕐᓱᐊᓗᑦᔪᐊᖅ, ᑰᑦᔪᐊᖅ ᐊᒻᒪᓗ ᑕᓯᐅᔭᖅ
819-964-2095
slongstreet@krpf.ca
ᑕᕐᕋᒦᑦᑐᓂᒃ ᑲᒪᕕᒃ
ᐳᓖᓰᑦ ᓯᕗᓕᕐᑎᖓ ᑑᓂ ᐸᑭᐊᑦ
ᑲᖏᕐᓱᔪᐊᖅ, ᑲᖏᕐᓱᒃ, ᐃᕗᔨᕕᒃ, ᖁᐊᖅᑕᖅ ᐊᒻᒪᓗ ᓴᓪᓗᐃᑦ
819-255-8036
tpaquet@krpf.ca
ᐅᐊᓐᓂᒦᑦᑐᓂᒃ ᑲᒪᕕᒃ
ᐳᓖᓰᑦ ᓯᕗᓕᕐᑎᖓ ᔮᓐ-ᕗᔮᓐᓱᐊ ᒧᕌᓐ
ᐊᑯᓕᕕᒃ, ᐃᓄᑦᔪᐊᖅ, ᑰᑦᔪᐊᕌᐱᒃ, ᐳᕕᕐᓂᑐᖅ ᐊᒻᒪᓗ ᐅᒥᐅᔭᖅ
819-988-2224
jmorin@krpf.ca
