ᐅᓐᓂᓗᓐᓃᑦ

 

ᐳᓖᓯᒥᒃ ᐅᓐᓂᓗᒍᑏᑦ

ᑲᑎᕕᐅᑉ ᐳᓖᓯᖏᑦ ᐱᒻᒪᕆᐅᑎᖃᓲᑦ ᑭᒡᒐᑐᕆᐊᖃᕐᓂᒥᓂᒃ ᐃᓄᓐᓂᒃ ᐃᓓᓐᓈᕕᖃᕈᓐᓀᓗᑎᒃ ᐊᒻᒪᓗ ᐱᓇᓱᑦᑎᒪᕆᑦᑎᑐᑦ ᑲᒪᒋᒋᐊᖃᕐᐸᓱᒋᑦ ᖃᓄᑐᐃᓐᓈᕈᓐᓀᓗᒋᑦ. ᐱᓇᓱᒐᖃᕐᒪᑕ ᐳᓖᓰᑦ ᐃᑉᐱᓇᖏᓐᓇᑎᑦᓯᓂᕐᒥᒃ ᓄᓪᓚᖓᓐᓇᑐᒥᒃ, ᑐᑮᕈᓯᒪᖕᖏᓂᕐᓂᒃ ᐊᒻᒪᓗ ᐃᓄᐃᑦ ᐊᑦᑕᓀᑦᑐᒦᒋᐊᖃᕐᓂᖏᓐᓂᒃ. ᐱᓇᓱᒐᕐᒥᓂᒃ ᑲᔪᓯᑎᑦᓯᓗᑎᒃ, ᐳᓖᓰᑦ ᐅᓄᕐᑐᓂᒃ ᓄᑭᓖᑦ, ᑭᓯᐊᓂᓗ ᐱᓇᓱᐊᕆᐊᓕᒥᓂᒃ ᐊᒻᒪᓗ ᒪᓕᒐᕐᓂᒃ ᑲᔪᓯᖏᓐᓇᑎᑦᓯᒋᐊᖃᕐᓱᑎᒃ.

ᐱᓇᓱᐊᕆᐊᓕᒥᓂᒃ ᑲᔪᓯᑎᑦᓯᓕᕈᑎᒃ, ᐃᓘᓐᓇᑎᒃ ᐳᓖᓰᑦ ᒪᓕᒋᐊᓖᑦ ᒪᓕᒐᕐᓂᒃ ᐊᒻᒪᓗ ᐱᐅᓯᕐᓲᑎᓂᒃ. ᑯᐯᒻᒥ, ᑖᒃᑯᐊ ᒪᓕᒉᑦ ᐊᒻᒪᓗ ᐱᐅᓯᕐᓲᑏᑦ ᓄᐃᑕᑎᑕᐅᔪᑦ ᑯᐯᒻᒥ ᐳᓖᓰᑦ ᐱᐅᓯᕐᑑᑎᖏᓐᓂ ᐊᒻᒪᓗ ᐃᓂᕐᑎᑕᐅᒍᑎᐅᒍᓐᓇᑐᓄᑦ ᐱᖁᔭᕐᓂ ᑐᕌᖓᑦᓱᑎᒃ ᑲᑎᕕᐅᑉ ᐳᓖᓯᖏᓐᓄᑦ.

ᖃᐅᔨᒍᕕᑦ ᐳᓖᓯᒥᒃ ᓯᖁᒥᑦᓯᔪᒥᒃ ᐱᓇᓱᐊᕆᐊᓕᒥᓂᒃ ᐊᒻᒪᓗ ᑲᔪᓯᑎᒋᐊᓕᒥᓂᒃ ᐱᓇᓱᐊᕐᓱᓂ, ᐅᓐᓂᓗᒍᑎᖃᕈᓐᓇᑐᑎᑦ ᑖᑦᓱᒥᖓ ᐅᑯᓄᖓ:

Commissaire à la déontologie policière (ᐳᓖᓰᑦ ᐱᐅᓯᕐᓲᑎᖏᓐᓄᑦ ᑭᒡᒐᑐᕐᑎ).

ᑯᐯᒻᒥ ᐳᓖᓰᑦ ᐱᐅᓯᕐᓲᑎᒋᒋᐊᓕᖏᓐᓂᒃ ᐋᕐᕿᓱᐃᓯᒪᕕᒃ ᐃᓚᒋᔭᐅᖕᖏᑐᖅ ᑲᑎᕕᐅᑉ ᐳᓖᓯᖏᓐᓄᑦ.

ᐊᑕᓐᓂᐅᒍᑕᐅᑎᓪᓗᒍ ᐳᓖᓯᓄᑦ ᐱᖁᔭᖅ, ᑐᕌᒐᓕᒃ ᓄᓀᑦ ᐃᓄᖁᑎᖏᑦᑕ ᐅᖑᒪᔭᐅᓂᖏᑦ ᐳᓖᓯᓄᑦ ᑲᒪᒋᔭᐅᓕᕈᑎᒃ.

ᖃᐅᔨᒪᔭᐅᒋᐊᖃᕐᐳᖅ ᐃᓄᒃ ᐳᓖᓰᑦ ᐱᐅᓯᕐᓲᑎᖏᑦᑕ ᒪᓕᑦᑕᐅᖏᓐᓂᖏᓐᓄᑦ ᐅᓐᓂᓗᒍᑎᖃᕐᐸᑦ, ᑲᑎᕕᐅᑉ ᐳᓖᓯᖏᑦ ᒪᓂᒻᒥᒋᐊᓖᑦ ᐳᓖᓰᑦ ᐱᐅᓯᕐᓲᑎᖏᓐᓄᑦ ᑭᒡᒐᑐᕐᑎᒧᑦ ᓵᑕᐅᒍᑎᒃ ᐊᒻᒪᓗ ᓱᕐᖁᐃᓯᑎᑦᓯᐅᑎᑦᓴᖃᕐᓗᑎᒃ ᓯᖁᒥᑕᐅᔪᕕᓂᐅᖕᖏᓂᖓᓂᒃ ᐃᓂᕐᑎᑕᐅᒍᑎᐅᒍᓐᓇᑐᓄᑦ ᐱᖁᔦᑦ ᐳᓖᓯᒧᑦ.

ᐃᓄᒃ ᑭᓇᑐᐃᓐᓇᖅ ᐅᑉᐱᕆᔭᖃᕈᓂ ᐳᓖᓯᒧᑦ ᑲᒪᒋᔭᐅᔪᕕᓂᐅᒋᐊᒥᒃ ᓯᖁᒥᑦᓯᔪᒧᑦ ᑯᐯᒻᒥ ᐳᓖᓰᑦ ᐱᐅᓯᕐᓲᑎᖏᓐᓄᑦ ᐱᖁᔭᕐᒥᒃ ᐅᓐᓂᓗᒍᑎᖃᕈᓐᓇᐳᑦ ᐳᓖᓰᑦ ᐱᐅᓯᕐᓲᑎᖏᓐᓄᑦ ᑭᒡᒐᑐᕐᑎᒧᑦ ᐅᕝᕙᓘᓐᓃᑦ ᓇᓂᑐᐃᓐᓇᖅ ᐳᓖᓰᑦ ᐊᓪᓚᕕᖓᓅᕈᑎᖃᕐᓗᑎᒃ.

ᐅᓐᓂᓗᒍᑎᒃ ᐊᓪᓚᓯᒪᒋᐊᓕᒃ ᐊᒻᒪᓗ ᐱᔭᐅᑎᑕᐅᒋᐊᖃᕐᓱᓂ ᐊᕐᕌᒍᓕᒫᑦ ᐊᓂᒍᓚᐅᕐᑎᓇᒍ ᐅᓪᓗᖅ ᐱᒋᐊᕐᕕᐅᑎᓪᓗᒍ ᑲᒪᒋᔭᐅᓂᕐᓗᕕᕕᓂᖅ ᐅᕝᕙᓘᓐᓃᑦ ᐃᑉᐱᒍᓱᕝᕕᐅᔪᕕᓂᖅ ᖃᓄᐃᓘᕐᑕᐅᓯᒪᓂᕐᒥᒃ ᐅᓐᓂᓗᒍᑎᒃ ᓄᐃᑕᐅᓚᕿᑎᓪᓗᒍ.

 

ᐅᓐᓂᓗᒍᑏᑦ ᖃᓄᐃᓕᔭᐅᒋᐊᖃᕐᓂᖏᑦ

ᐅᓐᓂᓗᒍᑎᒥᒃ ᓄᐃᑦᓯᒍᓐᓇᑐᑎᑦ ᐊᑐᕐᓗᒋᑦ ᐅᑯᐊ ᓇᓪᓕᑐᐃᓐᓇᖏᑦ:

1.  ᖃᕆᑕᐅᔭᑎᒍᑦ ᐊᓪᓚᑕᑎᑦ ᐊᐅᓪᓚᑎᓗᒋᑦ ᐳᓖᓰᑦ ᐱᐅᓯᕐᓲᑎᖏᓐᓄᑦ ᑭᒡᒐᑐᕐᑎᐅᑉ ᐊᓪᓚᕕᖓᓄᑦ ᐅᕗᖓ https://deontologie-policiere.gouv.qc.ca/en/le-commissaire/nos-services/deposer-une-plainte/police-ethics-complaint.html.

2.  ᓯᕙᓂᕐᓗᑎᑦ ᐳᓖᓰᑦ ᐱᐅᓯᕐᓲᑎᖏᓐᓄᑦ ᑭᒡᒐᑐᕐᑎᖓᑕ ᐊᓪᓚᕕᖓᓄᑦ ᐅᖄᒍᑎᒧᑦ ᐊᑭᖃᖕᖏᑐᒧᑦ ᐅᕗᖓ 1-877-237-7897.

3.  ᓇᓂᑐᐃᓐᓈᑐᓄᑦ ᐳᓖᓯᒃᑯᑦ ᐊᓪᓚᕕᖓᓄᑦ ᐁᓗᑎᑦ.

4.  ᐱᑕᑦᓯᑐᐃᓗᑎᑦ ᐅᓐᓂᓗᒍᑎᒥᒃ ᐃᓄᑦᑎᑑᕐᑐᑕᖃᕐᒪᑕ ᓄᓇᓖᑦ ᐊᓪᓚᕕᖏᑦ ᓄᓇᕕᒻᒥ ᓇᓪᓕᑐᐃᓐᓇᖏᓐᓂ.  

ᐱᓇᓱᐊᕐᑕᐅᑐᐃᓐᓇᕆᐊᖃᕋᔭᕐᑐᑦ ᐅᓐᓂᓗᒍᑎᒃ ᐱᑦᔪᑎᒋᓗᒍ

ᑯᐯᒻᒥ ᐳᓖᓰᑦ ᐱᐅᓯᕐᓲᑎᖏᓐᓄᑦ ᐱᖁᔭᖅ ᐳᓖᓯᓂᒃ ᐃᒣᒋᐊᖃᖕᖏᑎᑦᓯᐅᑕᐅᔪᖅ:

  • ᐊᕐᓱᕈᕐᕕᖄᓗᑦᓴᓗᓂ ᐱᓗᐊᕐᕕᖃᓕᕋᑕᕐᓗᓂ;
  • ᐃᓂᕐᑑᒪᓵᕆᓗᓂ ᐅᕝᕙᓘᓐᓃᑦ ᓱᓇᐅᑦᓴᖏᒻᒧᑦ ᒪᓕᑦᑕᐅᑎᒐᓱᐊᕐᓗᓂ ᐅᕝᕙᓘᓐᓃᑦ ᐸᕝᕕᑎᑦᓯᓗᓂ;
  • ᖃᐅᔨᒪᓗᓂ ᓇᐅᑐᐃᓐᓇᒥᒃ ᐃᓄᒻᒥᒃ ᐱᑦᔪᑎᖃᖕᖏᒋᐊᒥᒃ ᖃᓄᐃᓕᔭᐅᒍᑎᑖᕐᑎᓯᓗᓂ;
  • ᐊᖓᔪᕐᖃᐅᓂᕐᒥᓂᒃ ᐊᑐᕐᓂᓗᒍᑎᖃᕐᓗᓂ ᑐᑭᓯᐅᑎᑦᓴᓂᒃ ᐊᓪᓚᓚᕿᒐᓱᐊᕐᓗᓂ ᐅᕝᕙᓘᓐᓃᑦ ᐅᖃᕐᕕᐅᑎᒡᒐᑕᕋᓱᐊᕐᓗᓂ;
  • ᓇᐅᑐᐃᓐᓇᒥᒃ ᐃᓄᒻᒥᒃ ᐊᓂᑎᑦᓯᑌᓕᓗᓂ ᑎᒍᔭᐅᒍᑎᑦᓴᖃᖕᖏᑐᒥᒃ.

    ᑯᐯᒻᒥ ᐳᓖᓰᑦ ᐱᐅᓯᕐᓲᑎᖏᓐᓄᑦ ᐱᖁᔭᖅ ᓄᐃᑕᑎᓯᒥᔪᖅ ᒪᓕᒐᕐᓂᒃ ᑐᕌᖓᔪᓂᒃ ᐱᒋᐊᕈᑏᑦ ᖃᓄᑐᐃᓐᓈᑕᐅᒋᐊᖃᖕᖏᓂᖏᓐᓄᑦ, ᐃᓄᓐᓂᒃ ᐊᓂᑎᑦᓯᑌᓕᓂᕐᓄᑦ, ᑲᔪᓯᑎᑦᓯᓂᕐᓄᑦ ᕿᓈᔭᕐᕕᖃᕐᓂᓂᒃ ᐊᒻᒪᓗ ᖃᐅᔨᒐᓱᐊᕐᓂᓂᒃ, ᐊᒻᒪᓗ ᐊᓯᖏᓐᓂ.

    ᑐᑭᓯᒋᐊᓪᓚᕈᒪᔪᓄᑦ, ᐅᑯᐊ ᐊᑐᐊᕐᑕᐅᒍᓐᓇᑐᑦ ᑯᐯᒻᒥ ᐳᓖᓰᑦ ᐱᐅᓯᕐᓲᑎᖏᓐᓄᑦ ᐱᖁᔭᖅ.