ᐃᓕᒐᓱᐊᕐᓗᑎᑦ ᑲᑎᕕᐅᑉ ᐳᓖᓯᖏᓐᓂ ᐳᓖᓯᖕᖑᓂᕐᒧᑦ

 

ᐃᓕᒐᓱᐊᕆᑦ ᑲᑎᕕᐅᑉ ᐳᓖᓯᖏᓐᓂ ᐳᓖᓯᐅᓂᕐᒧᑦ

ᐃᓕᒐᓱᐊᕐᕕᒃ ᐃᓱᓕᕕᖃᖕᖏᑐᖅ. ᑲᑎᕕᐅᑉ ᐳᓖᓯᖏᑦ ᑌᒪᖕᖓᑦ ᐱᓇᓱᐊᕈᒪᔪᓄᑦ ᐅᒃᑯᐃᖔᕐᑐᑦ. ᐃᓕᒐᓱᐊᕈᑎᓂᒃ ᐱᑕᑦᓯᑐᐃᒍᓐᓇᕆᕗᑎᑦ ᐳᓖᓯᐅᓂᕐᒧᑦ ᐃᓕᓴᕐᓗᑎᑦ ᐱᔭᕇᒍᑎᑖᕋᓱᐊᖏᓐᓈᓗᑎᑦ ᐅᕙᓂ ᐃᓕᓴᕐᕕᒥ (ᐳᓖᓯᑦ ᐃᓕᓴᕐᕕᖓ ÉNPQ).

ᐱᓇᓱᒐᕐᑖᕋᐊᓱᓯᒍᕕᑦ, ᐱᑕᑦᓯᑐᐃᒋᐊᖃᕐᑐᑎᑦ ᐱᓇᓱᒐᕐᒧᑦ ᐃᓕᒐᓱᐊᑎᒥᒃ (PDF-ᒦᑦᑐᑦ) ᐊᒻᒪᓗ ᓚᕚᓪ ᐃᓕᓴᕐᕕᔪᐊᖓᓂᑦ ᐱᔪᓯᔪᒥᒃ ᐃᓄᐃᑦ ᐃᓗᒡᒍᓯᖓᓂᒃ ᑐᑭᓯᑎᑕᐅᓂᕐᒧᑦ ᐃᓕᓴᕐᖄᓗᑎᑦ (ᓇᓗᓀᕐᑕᐅᒍᑏᑦ ᐱᑕᑦᓯᑐᒉᑦ).

ᓱᑲᓐᓂᓴᐅᓚᖓᒻᒪᑕ ᓇᓪᓕᑳᕐᑕᐅᒋᐊᕈᑎᑎᑦ, ᐃᓕᓐᓂᒃ ᕿᓄᕕᖃᕐᑐᒍᑦ ᐅᑯᓂᖓ:

  • ᑐᓂᓗᒋᑦ ᐃᓘᓐᓇᑎᒃ ᓯᑯᑦᓴᔭᖁᑎᐅᒋᐊᓖᑦ;
  • ᓇᓪᓕᑐᐃᓐᓇᖏᓐᓂᒃ ᓯᑯᑦᓴᔭᖁᑎᒋᒋᐊᓕᓐᓃᕕᑦ ᐱᑕᖃᖕᖏᑯᕕᑦ ᐅᕙᑦᑎᓂᒃ ᑐᓴᕐᑎᓯᓗᑎᑦ;
  • ᑐᓴᕐᑎᓯᒋᐊᖃᕋᔭᕐᒥᔪᑎᑦ ᖃᓄᑐᐃᓐᓇᖅ ᓯᓚᑎᑎᑦ ᐅᖄᒍᑏᓪᓘᓃᑦ ᐊᓯᑦᔨᐸᑕ;
  • ᐊᑯᓂ ᐃᓕᕐᖃᔭᓚᖓᖕᖏᑯᕕᑦ ᐅᕙᑦᑎᓂᒃ ᑐᓴᕐᑎᓯᒋᐊᖃᓚᖓᒻᒥᔪᑎᑦ.

ᓯᑯᑦᓴᔭᖁᑎᐅᒋᐊᓖᑦ (PDF-ᒦᓪᓗᑎᒃ ᖃᕆᑕᐅᔭᒃᑯᑦ ᐊᓪᓚᓯᒪᒋᐊᓖᑦ):

  • ᐃᓅᓕᕐᓯᒪᓂᕐᒥᒃ ᓇᓗᓀᕐᓯᐅᑎᒃ ᐅᕝᕙᓘᓐᓃᑦ ᓄᓇᖃᓪᓚᕆᓐᓂᒥᒃ ᓱᕐᖁᐃᓯᑎᑦᓯᐅᑎᒃ (ᐃᓄᓐᓄᑦ ᑳᓇᑕᐅᑉ ᓯᓚᑖᓂᑦ ᐃᓅᓕᕐᑐᕕᓂᕐᓄᑦ);
  • ᐊᑐᕐᓂᓕᒃ ᓄᓇᒃᑰᔫᒥᒃ ᐊᖁᒍᓐᓇᐅᑎᒃ (ᑕᒪᖏᒃ ᓯᕗᐊ ᑐᓄᐊᓗ ᐊᑦᔨᓕᐅᕐᓗᒋᒃ);
  • ᑐᑭᓯᐅᑎᑦᓭᑦ ᐊᖁᒍᓐᓇᓂᕐᓃᕕᑦ ᓇᓗᓀᕐᓯᐅᑏᑦ. ᑖᒃᑯᐊ ᐱᒍᓐᓇᑕᑎᑦ ᑭᒡᒐᑐᕐᕕᒥᑦ ᑐᑦᓯᕌᕆᓗᒋᑦ ᐅᑯᓇᖕᖓᑦ [Société de l'assurance automobile du Québec (SAAQ)] ᐅᕝᕙᓘᓐᓃᑦ ᐃᖏᕐᕋᐅᑎᓕᕆᓂᕐᓄᑦ ᐊᓪᓚᕕᒻᒥᑦ ᐳᔮᕓᓐᓯᒥ ᓄᓇᖃᕐᕕᓃᕕᑦ;
  • ᐊᓂᒍᐃᒍᑎᒃ(ᑏᑦ) ᐃᓂᓴᕐᓂᓃᕕᑦ ᐊᒻᒪᓗ ᐊᓪᓚᓯᒪᔪᕐᑕᖓ(ᖏᑦ): ᐱᓇᓱᒐᖃᓪᓚᕆᓚᖓᓂᕐᒧᑦ ᐃᓕᓐᓂᐊᕕᒃ, ᐃᓕᓴᕐᕕᔪᐊᖅ ᐊᒻᒪᓗ ᐊᑦᔨᓗᐊᖏᓐᓂᒃ ᐃᓕᓴᕐᕕᒃ ᑯᐯᑉ ᓯᓚᑖᓂ ᓄᐃᑕᐅᓯᒪᓗᑎᒃ Ministère de l'Immigration, de la Francisation et de l'Intégration-ᒧᑦ (ᐃᓚᐅᒋᐊᖃᕐᐸᑕ);
  • ENPQ ᐳᓖᓰᑦ ᐃᓕᓴᕐᕕᖓᓂᑦ ᐃᓕᓴᕐᓂᒥᒃ ᐊᓂᒍᐃᒍᑎᒃ ᐊᒻᒪᓗ ᐊᓪᓚᓯᒪᔪᕐᑕᖏᑦ ᐅᕝᕙᓘᓐᓃᑦ ENPQ ᐊᑦᔨᓗᐊᖏᓐᓂᒃ ᐃᓕᓴᕐᓂᒥᒃ ᐱᔭᕇᕐᑐᑦ ᓱᕐᖁᐃᑕᐅᒍᑎᖏᑦ ᐳᓖᓰᑦ ᐱᓯᒪᔪᑦ ᐊᓯᖏᓐᓂᑦ ᑳᓇᑕᒥ ᐳᔮᕓᓐᓯᓂᑦ;
  • ENPQ Fiche d'appréciation comportementale (FAC);
  • M-Pulse ᖃᐅᔨᓴᕐᑕᐅᔪᑦ ᖃᓄᐃᒻᒪᖔᑕ ᓱᕐᖁᐃᓯᑎᑦᓯᐅᑏᑦ;
    • ᖃᐅᔨᒪᔭᐅᒋᐊᓕᒃ: ᖃᕆᑕᐅᔭᒃᑯᑦ ᐅᒃᑯᐃᓯᒍᓐᓇᐅᑎᓄᑦ ᑭᓯᐊᓂ ᐅᒃᑯᐃᑕᐅᒍᓐᓇᑐᓂᒃ ᐊᓪᓚᖁᑎᓂᒃ ᐊᖏᓲᒍᖕᖏᑐᒍᑦ (ᐅᒃᑯᐃᓯᒍᑎᒥᒃ ᙯᑦᓯᒐᓗᐊᕈᕕᑦ).

      ᐊᓪᓚᖁᑏᑦ ᙯᓚᖓᓗᒋᑦ ᐱᔭᑎᑦ ᖃᕆᑕᐅᔭᒃᑯᑦ ᐅᒃᑯᐃᑕᐅᒌᒃᑯᑎᒥᒃ ᐱᑕᓕᒻᒥᑦ ᐱᓯᒪᒋᐊᖃᖕᖏᑐᑦ.
  • ᑎᒥᑎᒍᑦ ᐱᔪᓐᓇᓂᕐᓄᑦ ᖃᐅᔨᓴᕐᑕᐅᒍᑎᒃ (TAP) ᖃᐅᔨᓴᕐᑕᐅᒍᑎᕕᓂᑎᑦ ᖃᐅᔨᓴᕐᑕᐅᑎᓗᑎᑦ ᑕᕐᕿᑦ 12 ᐊᓂᒍᓚᐅᕐᑎᓇᒋᑦ;

ᐅᖄᕕᐅᒍᓐᓇᑐᓄᑦ ᑐᑭᓯᐅᑎᑦᓭᑦ

ᐃᓕᓐᓂᒃ ᕿᓄᕕᖃᕐᑐᒍᑦ ᑐᔪᕐᑕᐅᒍᒪᑦᓱᑕ ᐊᓪᓚᓯᒪᔪᖁᑎᓐᓃᕕᑦ ᖃᕆᑕᐅᔭᒃᑯᑦ ᑐᕌᕐᑎᓗᒋᑦ ᐅᕗᖓ: KRPFHumanResources@krpf.ca. ᑖᒃᑯᐊ ᑐᔫᑎᒋᒋᐊᖃᑐᐃᓐᓇᕆᐊᖃᓚᖓᔭᑎᑦ ᒪᕐᕈᕕᑦᑕᓗᒋᑦ ᐊᑕᐅᑦᓯᑰᕈᓐᓀᓗᑎᒃ, ᐱᑐᑦᓯᒪᔪᑦ ᐊᓪᓚᑕᕐᓅᕕᑦ ᐅᓄᕐᓂᖏᑦ ᐃᑉᐱᒋᓗᒋᑦ. ᓇᓗᓀᑦᓯᐊᓗᒋᑦ ᐊᓪᓚᓯᒪᔪᖁᑎᑎᑦ ᐊᒻᒪᓗ ᖃᕆᑕᐅᔭᒃᑯᑦ ᐊᐅᓪᓚᑎᓯᒍᕕᒃᑭᑦ ᐃᑉᐱᒋᑦᓯᐊᓗᒋᑦ.

ᐃᓘᓐᓇᑎᒃ ᓯᑯᑦᓴᔭᖁᑎᒋᒋᐊᓕᓕᒫᑎᑦ ᐱᓇᓱᒐᕐᒧᑦ ᐃᓕᒐᓱᐊᕐᓗᑎᑦ ᐱᔭᐅᓯᒪᓕᕐᐸᑕ, ᐱᓇᓱᑦᑎᓕᕆᕕᖓ ᑲᑎᕕᒃ ᓄᓇᓕᓕᒫᓂ ᑲᕙᒪᐅᑉ ᐃᓕᓐᓄᑦ ᐅᖄᒐᔭᕐᑐᖅ ᖃᓄᐃᓕᒋᐊᖃᓕᕐᒪᖔᑉᐱᑦ ᑐᓴᕐᑎᓯᓗᓂ.

ᐊᐱᕐᓲᑎᐅᓗᑭᓲᑦ

ᑕᑯᒐᓱᐊᕈᓐᓇᑕᑎᑦ ᐊᑐᐊᕋᑦᓭᑦ ᐊᐱᕐᓲᑎᐅᓗᑭᓲᓄᑦ ᖃᕆᐅᔭᒃᑯᑦ ᓄᐃᑕᑎᑦᓯᕕᑦᑎᓂ, ᐃᓗᓕᓖᑦ ᐊᐱᕐᓲᑏᑦ​ ᑭᐅᒍᑎᑕᖏᓐᓂᒃ. ᐊᐱᕐᓲᑎᑦᓴᖃᕆᐊᓪᓚᑯᕕ, ᐱᓇᓱᕝᕕᓕᕆᕕᒃ ᖃᕆᑕᐅᔭᒃᑯᑦ ᐊᓪᓚᕕᒋᒍᓐᓇᒥᔦᑦ ᐅᕗᖓ KRPFHumanResources@krpf.ca​​.