ᐊᐱᕐᓲᑕᐅᓗᑭᓲᑦ

 

ᐊᐱᕐᓲᑎᒃ: ᖃᑦᓯᕕᓪᓗᖓ ᑕᙯᕐᓯᒍᓐᓇᖃᑦᑕᕋᔭᕐᑐᖓ, ᐊᒻᒪᓗ ᐊᐅᓪᓚᑫᓐᓇᕈᑎᒃᑲ ᐊᑭᓕᕐᑕᐅᒍᓐᓇᕋᔭᕐᑐᑦ ᖃᑦᓯᕕᓪᓗᑎᒃ?

ᑭᐅᒍᑎᒃ: ᐱᓇᓱᐊᕐᓱᑎᒃ ᑲᑎᕐᓱᐸᓪᓕᐊᓯᒪᑎᓪᓗᒋᑦ, ᐳᓖᓰᑦ 500-ᓂᒃ ᐃᑲᐅᕐᓂᑖᓲᑦ (12 ᐱᓇᓱᐊᕈᓰᑦ) ᐊᑭᓕᕐᑐᑕᐅᓗᑎᒃ ᑕᙯᕐᓯᒍᓐᓇᓯᓗᑎᒃ ᐊᒻᒪᓗ ᐱᖓᓱᕕᓪᓗᑎᒃ ᑎᒻᒥᔫᕈᑎᖏᑦ ᐊᑭᓕᕐᑕᐅᖃᑦᑕᕈᓐᓇᓱᑎᒃ ᓄᓇᕕᒻᒥᑦ ᑯᐯᒃ ᓯᑎᒧᑦ, ᒪᓐᑐᔨᐊᓚᒧᑦ, ᐋᑐᕗᐊᒧᑦ ᐅᕝᕙᓘᓐᓃᑦ ᐃᖃᓗᓐᓄᑦ (ᓇᑭᓂᑕᐅᓃᑦ ᐃᑉᐱᒋᓗᒍ) ᐊᕐᕌᒍᑕᒫᑦ. ᑐᑭᑖᕈᓐᓇᖃᑦᑕᕋᔭᕐᑐᑎᑦ ᖃᖓ ᐊᑐᕈᒪᓕᕐᒪᖔᑉᐱᑭᑦ ᑎᒻᒥᔫᕈᑎᑉᐱᑦ ᐊᑭᓕᕐᑕᐅᒍᑎᖏᑦ. ᐊᑯᓐᓂᖃᓲᑦ, ᐳᓖᓰᑦ ᐱᓇᓱᐊᕐᓯᒪᓕᕋᒥᒃ ᑕᕐᕿᓂ ᐱᖓᓱᓂ, ᑕᕐᕿᓕᒫᒥ ᕿᑲᕈᓐᓇᓯᓲᒍᑦᓱᑎᒃ.

ᐊᐱᕐᓲᑎᒃ: ᐱᓇᓱᐊᕆᐊᖃᕐᕕᑲ ᖃᓄᐃᓕᖓᒐᔭᕐᑐᑦ?

ᑭᐅᒍᑎᒃ: ᐱᓇᓱᐊᖃᑦᑕᕆᐊᖃᓚᖓᔪᓂᑎᑦ 40-ᓂ ᐃᑲᐅᕐᓂᑐᐃᓐᓇᕆᓗᒋᑦ ᐱᓇᓱᐊᕈᓯᑕᒫᑦ. ᐱᓇᓱᐊᕐᕕᒋᖃᑦᑕᓗᒋᑦ 8-ᓂᑦ 10-ᓄᑦ ᐃᑲᐅᕐᓃᑦ, ᒪᓕᓪᓗᒋᑦ ᐃᑲᐅᕐᓂᐅᓲᑦ ᓄᓇᓕᒥ ᐱᓇᓱᐊᕆᐊᕐᓯᒪᕕᓐᓃᕕᑦ. ᐃᑲᐅᕐᓃᑦ ᐱᓇᓱᐊᕆᐊᖃᕐᕕᑎᑦ ᐊᓂᒍᕐᓯᒪᓕᕋᓗᐊᕐᐸᑕ ᓯᕙᓂᕐᑕᐅᒍᓐᓇᕆᐊᖃᕐᒥᓗᑎᑦ. ᓯᕙᓂᕐᑕᐅᓯᔪᑦ ᐱᓇᓱᑦᑏᑦ ᐊᑭᓕᕐᑕᐅᓲᑦ 25%-ᓄᑦ ᐅᓄᕐᓯᒋᐊᕐᓯᒪᔪᓂᒃ ᐃᑲᐅᕐᓂᑐᐃᓐᓇᒥᑕ ᓯᓚᑖᒍᑦ ᐱᓇᓱᐊᕈᑎᒃ. ᐱᓇᓱᑦᑏᑦ ᐱᓇᓱᐊᕐᕕᒥᑕ ᓯᓚᑖᒍᑦ ᐱᓇᓱᐊᕐᑐᑦ ᐊᑭᓕᕐᑕᐅᓲᑦ 3-ᓂᒃ ᐃᑲᐅᕐᓂᓂᒃ ᐅᓄᕐᓂᖃᕐᑎᓗᒋᑦ ᐊᑭᒋᒋᐊᓕᒥᓂᒃ.

ᐊᐱᕐᓲᑎᒃ: ᓄᓪᓕᐊᓄᑦ ᓄᓇᓕᓐᓄ ᑎᓕᔭᐅᓚᖓᔪᖓ?

ᑭᐅᒍᑎᒃ: ᓄᓇᓕᓐᓄᑦ ᑎᓕᔭᐅᓚᖓᔪᑎᑦ ᑐᖕᖓᕕᒋᓗᒋᑦ ᑎᒥᐅᑉ ᑭᖕᖒᒪᔭᖏᑦ. ᑭᖕᖒᒪᓇᕐᑐᑦ ᑌᒪᖕᖓᑦ ᐊᓯᑦᔨᑕᓲᑦ, ᐊᒻᒪᓗ ᐃᓕᓐᓂᒃ ᑐᓴᕐᑎᓯᒍᓐᓇᕋᔭᕐᓱᑕ ᓇᓪᓕᐊᓃᓂᐊᒪᖔᑉᐱᑦ ᐅᓪᓗᓂ ᐊᒥᓲᖕᖏᑐᓂ ᐱᓇᓱᑦᑎᑖᕆᔭᐅᓚᐅᕐᑎᓇᒃ. ᐱᓇᓱᒐᕐᑖᕋᓱᐊᕐᑐᑦ ᐱᓇᓱᐊᕈᒪᒋᐊᓖᑦ ᓄᓇᕕᒻᒥ ᓄᓇᓕᓐᓂ ᓇᓪᓕᑐᐃᓐᓇᖏᓐᓂ ᐳᓖᓯᐅᓗᑎᒃ ᐱᓇᓱᐊᕈᒪᒍᑎᒃ ᑲᑎᕕᐅᑉ ᐳᓖᓯᖏᓐᓂ.

ᐊᐱᕐᓲᑎᒃ: ᓇᓂ ᐃᓪᓗᖃᓚᖓᔪᖓ?

ᑭᐅᒍᑎᒃ: ᑲᑎᕕᐅᑉ ᐳᓖᓯᖏᑦ ᐃᓪᓗᖃᕐᑎᑕᐅᓲᑦ ᐃᓘᓐᓇᑎᒃ. ᑖᒃᑯᐊ ᐃᓪᓗᖃᕐᑎᓯᐅᑏᑦ ᓇᓪᓕᖏᓐᓂ ᐃᓪᓗᐊᕈᓯᖃᕋᔭᕐᑐᑎᑦ ᓇᒻᒥᓂᖅ, ᐳᓖᓯᐅᖃᑎᓐᓃᕕᑦ ᐃᓚᖃᕐᓗᑎᑦ. ᐊᑦᔭᓯᒋᐊᖃᓚᖓᔪᑎᑦ ᐊᑭᑎᓐᓃᕕᑦ, ᕿᐱᓐᓃᕕᑦ ᖄᕐᓃᕕᓪᓗ. ᐃᓪᓗᖃᕐᑎᑕᐅᒍᑎᓃᒌᕐᑐᑦ ᐃᓪᓘᑉ ᐱᐅᒃᑯᑎᖏᑦ ᐊᒻᒪᓗ ᓂᕐᓯᐅᕈᑎᖏᑦ. ᐃᓪᓗᒥᒃ ᐊᑭᓕᕐᑐᐃᒋᐊᖃᓚᖓᖕᖏᑐᑎᑦ.

ᐊᐱᕐᓲᑎᒃ: ᖃᑦᓯᓂᒃ ᓇᒻᒥᓂᕐᓃᕙᖓ ᐱᐅᓕᓂᐊᒐᕐᓂᒃ ᐊᑦᔭᓯᒋᐊᖃᕐᑐᖓ?

ᑭᐅᒍᑎᒃ: ᑎᒻᒥᔫᒃᑯᑦ ᑭᓯᐊᓂ ᓄᓇᕕᒃ ᑎᑭᑦᓴᖅ. ᑎᒻᒥᔫᓚᖓᔪᑎᑦ ᐃᓄᐃᑦ ᑎᒻᒥᔫᖏᑎᒍᑦ ᐅᕝᕙᓘᓐᓃᑦ Canadian North-ᑯᑦ. ᖃᕆᑕᐅᔭᒃᑯᑦ ᑕᑯᒐᓱᐊᕐᓗᒋᑦ ᑎᒻᒥᔫᒥ ᑎᒍᒥᐊᕐᑕᐅᒍᓐᓇᑐᑦ ᐴᖃᑦᑌᑦ ᐊᒻᒪᓗ ᐃᕐᓯᕖᑦ ᐃᓗᐊᓃᑦᑌᓕᖕᖏᑐᓄᑦ ᒪᓕᒉᑦ. KPRT ᐅᑎᕐᑕᐅᑎᑦᓯᒐᔭᕐᑐᑦ ᐅᓄᕐᓂᐸᐅᑎᓗᒋᑦ $100-ᓂᒃ ᐃᕐᓯᕕᓐᓄᑦ ᐅᖁᒣᓗᐊᕈᑎᕕᓂᕐᓄᑦ ᓯᕗᓪᓕᐹᒥ ᓄᓇᕕᓕᐊᕐᑐᓂᒃ.

ᐱᓇᓱᑦᑎᒧᑦ ᓄᑖᒧᑦ, ᑲᑎᕕᐅᑉ ᐳᓖᓯᖏᑦ ᐊᑭᓖᒐᔭᕐᑐᑦ 25 kg-ᓂᒃ ᓇᒻᒥᓂᕆᔭᐅᔪᑦ ᐱᐅᓕᓂᐊᒉᑦ ᐅᓯᔭᐅᒍᑎᖏᓐᓂᒃ ᐱᔪᓂᒃ ᑯᐯᒃ ᓯᑎᒥᑦ, ᒪᓐᑐᔨᐊᓚᒥᑦ, ᐋᑐᕗᐊᒥᑦ, ᑐᔮᓐᑐᒥᑦ, ᒪᐅᒃᑕᓐᒥᑦ ᐅᕝᕙᓘᓐᓃᑦ ᐃᖃᓗᓐᓂᑦ (ᓇᓪᓕᑐᐃᓐᓇᖓᓂᑦ ᖃᓂᓐᓂᐹᒥᑦ) ᐅᓯᔭᐅᑎᓗᒋᑦ ᓄᓇᓕᓐᓄᑦ ᑎᓕᔭᐅᕕᓐᓅᕕᑦ. ᐱᓇᓱᑦᑎᑖᒍᒍᕕᑦ, ᐱᐅᓕᓂᐊᒐᕐᐱᑦ ᐅᓯᔭᐅᒍᑎᖏᓐᓂᒃ ᐁᑦᑐᑕᐅᒐᔭᕐᑐᑎᑦ ᓇᒻᒥᓂᕐᓃᕕᑦ ᐱᐅᓕᓂᐊᒐᕐᓃᕕᑦ ᐅᓯᔭᐅᑎᑦᓯᒍᑎᓐᓃᕕᑦ ᐅᓯᒐᑦᓭᑦ ᓴᓇᕐᕙᑕᐅᓯᒪᕕᖓᓅᕐᓗᒋᑦ ᓇᓪᓕᑐᐃᓐᓇᖏᑦᑕ ᑎᒻᒥᔫᒃ ᐱᐅᓕᓂᐊᒐᕐᓃᕕᑦ ᐅᓯᔫᒃ.

ᐊᐱᕐᓲᑎᒃ: ᐆᒪᔪᖁᑎᓐᓃᕙᖓ ᐊᑦᔭᓯᒍᓐᓇᐳᖓ?

ᑭᐅᒍᑎᒃ: ᐃᓪᓗᐃᑦ ᐃᓪᓗᖃᑎᒌᕝᕕᐅᔪᑦ ᐆᒪᔪᖁᑎᒋᔭᐅᔪᓂᒃ ᐱᑕᖃᕆᐊᖃᖕᖏᑐᑦ.

ᐊᐱᕐᓲᑎᒃ: ᐱᓇᓱᑦᑎᖑᓚᖓᔪᖓ ᑭᒡᒐᑐᕐᓂᒧᑦ ᐊᖏᖃᑎᖃᕈᑎᒃᑯᑦ ᐅᕝᕙᓘᓐᓃᑦ ᐱᓇᓱᑦᑎᖑᕐᓗᖓ ᐃᓕᒣᓐᓇᓚᖓᓕᕐᑎᓗᖓ?

ᑭᐅᒍᑎᒃ: ᑲᑎᕕᐅᑉ ᐳᓖᓯᖏᑦ ᑭᒡᒐᑐᕐᑕᐅᓂᕐᓄᑦ ᐊᖏᖃᑎᖃᕈᑎᒃᑯᑦ ᐱᓇᓱᐊᕐᑎᓯᓲᒍᖕᖏᑐᑦ ᐅᕝᕙᓘᓐᓃᑦ ᐃᓕᒣᓐᓇᓚᖓᔪᓂᒃ ᐱᓇᓱᑦᑎᑖᓲᒍᒐᑎᒃ. ᐱᓇᓱᑦᑎᑖᕆᔦᑦ ᐃᓕᒪᑫᓐᓇᑐᐃᓐᓇᓲᑦ ᐅᕝᕙᓘᓐᓃᑦ ᐃᓕᒣᓐᓇᕈᓐᓇᓲᒍᑦᓱᑎᒃ, ᐊᒻᒪᓗ ᐱᓇᓱᐊᕐᑐᑦ ᐃᓱᕐᕆᐅᑎᖏᑦ ᓇᓗᓀᕐᑕᐅᒪᑦᓱᑎᒃ ᐱᓇᓱᐊᖃᑎᒌᑦ ᐊᖏᖃᑎᒌᒍᑎᖏᓐᓂ.

ᐊᐱᕐᓲᑎᒃ: ᖃᓪᓗᓈᕐᑎᑑᕈᓐᓇᕆᐊᖃᕐᐳᖓ?

ᑭᐅᒍᑎᒃ: ᐃᓄᐃᑦ ᐅᖃᐅᓯᓖᑦ ᓯᕗᓪᓕᐹᒥ ᐃᓄᑦᑎᑑᕐᑐᒥᒃ. ᐊᒥᓲᓂᕐᓭᑦ ᐃᓄᐃᑦ ᖃᓪᓗᓈᕐᑎᑐᑦ ᐅᖃᐅᓯᖃᕐᒥᔪᑦ ᐅᖃᐅᓯᖓᑕ ᑐᖓᓕᕆᔭᖓᓂ. ᑲᑎᕕᐅᑉ ᐳᓖᓯᖏᑦᑕ ᑐᓴᕐᑎᓯᐅᑎᖏᑦ ᐊᓪᓚᑕᐅᓲᑦ ᖃᓪᓗᓈᕐᑎᑐᑦ. ᐃᓗᐃᒃᑲᑎᒍᑦ ᐅᖃᐅᓯᖃᖕᖏᑲᓗᐊᕈᕕᑦ ᖃᓪᓗᓈᕐᑎᑐᑦ ᐊᒻᒪᓗ ᐅᐃᒍᐃᑎᑐᑦ ᖃᓄᐃᖕᖏᑐᖅ. ᑭᓯᐊᓂ, ᖃᓪᓗᓈᕐᑎᑐᑦ ᑐᑭᓯᑦᓴᐅᒋᐊᖃᕐᑐᑎᑦ ᐱᓇᓱᐊᕈᑎᒋᒍᓐᓇᓗᒍ.

ᐊᐱᕐᓲᑎᒃ: ᐃᓘᓐᓀᓂ ᓄᓇᓕᓐᓂ ᓂᐅᕕᕐᕕᓕᒃ, ᐊᒻᒪᓗ ᓂᖀᑦ ᓇᓕᑑᑦ?

ᑭᐅᒍᑎᒃ: ᐃᓘᓐᓇᑎᒃ ᓄᓇᓖᑦ ᐊᑕᐅᓯᕐᒥᐅᓃᑦ ᐃᓚᖏᑦ ᓂᐅᕕᕐᕕᑕᓖᓐᓀᑦ ᓂᐅᕕᐊᑦᓴᓕᓐᓂᒃ ᑭᖕᖒᒪᓇᓲᓂᒃ. ᑳᓇᑕᐅᑉ ᑕᕐᕋᖓᓂ ᓂᕿᑦᓯᐊᑑᒪᓂᕐᓄᑦ ᑭᒡᒐᑐᕐᕕᒃ, ᐊᒥᓱᐃᓂᒃ ᓂᐅᕕᐊᑦᓴᓂᒃ ᐊᑭᑭᓪᓕᑎᕆᓯᒪᓲᖅ ᓂᕿᓂᒃ. ᐊᒻᒪᓗ, ᓂᐅᕕᐊᑦᓭᑦ ᐊᑭᑐᓂᖏᓐᓄᑦ ᐃᑲᔪᕐᑕᐅᒍᑎᑖᕐᑕᓚᖓᑦᓱᑎᑦ. ᑕᑯᒐᓱᐊᕐᓗᒋᑦ ᑮᓇᐅᑦᔭᓵᑦ ᐊᒻᒪᓗ ᐱᕙᓪᓕᖁᑎᑦᓭᑦ ᖁᑉᐱᒐᖓ ᓇᓗᓀᕐᑐᐃᓯᒪᒋᐊᓪᓚᕕᐅᒻᒪᑦ.

ᐊᐱᕐᓲᑎᒃ: ᐃᓘᓐᓇᑎᒃ ᓄᓇᓖᑦ ᐃᙯᓕᓴᕐᕕᓖᑦ?

ᑭᐅᒍᑎᒃ: ᐅᓄᕐᓂᓭᑦ ᓄᓇᓖᑦ ᐃᙯᓕᓴᕐᕕᓖᑦ.

ᐊᐱᕐᓲᑎᒃ: ᓄᓇᕕᒻᒥ ᐅᖄᒍᑎᐊᐲᑦ ᐊᑐᕐᑕᐅᒍᓐᓇᑐᑦ ᑭᒡᒐᑐᕐᑕᐅᕕᓖᑦ, ᐊᒻᒪᓗ ᖃᕆᑕᐅᔭᒃᑰᕈᓐᓇᐅᑎᓂᒃ ᐊᑐᐃᓐᓇᖃᕈᓐᓇᓚᖓᔪᖓ?

ᑭᐅᒍᑎᒃ: ᑰᑦᔪᐊᑉ ᐊᓯᓕᒫᖏᑦ, ᐅᓪᓗᒥ ᐅᖄᒍᑎᐊᐱᖃᕈᑎᓄᑦ ᑭᒡᒐᑐᕐᑕᐅᕕᖃᖕᖏᑐᖅ ᓄᓇᕕᒻᒥ. ᐃᓘᓐᓇᑎᒃ ᑲᑎᕕᐅᑉ ᐳᓖᓯᖏᑦᑕ ᐳᓖᓯᖏᑦ ᖃᕆᑕᐅᔭᒃᑰᕈᓐᓇᐅᑎᑕᓖᑦ ᐊᑐᕋᑦᓴᖏᓐᓂᒃ ᐳᓖᓰᑦ. ᑰᑦᔪᐊᒥ ᐱᓇᓱᒐᕐᒥᒃ ᐱᒋᐊᕐᕕᓕᓯᒍᕕᑦ, ᑐᔪᕐᒥᐅᕖᑦ ᖃᕆᑕᐅᔭᒃᑰᕈᓐᓇᐅᑎᖃᓚᖓᔪᖅ. ᑎᑭᒍᕕᑦ ᓄᓇᓕᒻᒧᑦ ᑎᓕᔭᐅᒪᕕᓐᓅᕕᑦ, ᐊᑭᓕᕐᑐᓗᒋᑦ ᖃᕆᑕᐅᔭᒃᑰᕈᓐᓇᐅᑎᖃᕈᓐᓇᓚᖓᔪᑎᑦ ᐃᓪᓗᖃᕐᑎᑕᐅᕕᓐᓃᕕᑦ. ᑕᑯᒐᓱᐊᕐᓗᒍ ᑕᒫᓂ ᖃᕆᑕᐅᔭᒃᑰᑎᑦᓯᒍᓐᓇᐅᑎᐅᑉ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᖓ ᑕᑯᓂᐊᕋᕕᒃᑭᑦ ᐊᓇᕐᕋᕆᔭᐅᔪᓄᑦ ᐊᑭᓕᕐᑐᑕᐅᓲᑦ. ᐊᒻᒪᓗ, ᐃᓪᓗᖃᑎᒌᕝᕖᑦ ᐃᓪᓗᐃᑦ ᐅᖄᒍᑎᖃᕐᓱᑎᒃ ᐅᖓᓯᑦᑐᒧᑦ ᐅᖄᒍᓐᓇᐅᑎᒋᓂᐊᕐᑕᓃᕕᑦ ᐊᑐᕐᓗᒍ ᐅᖄᒍᑎᒥᒃ ᐊᑭᓖᒍᑏᑦ.​