Latest News

ᑲᑎᕕᐅᑉ ᐳᓖᓯᖏᑦᑕ ᐱᓇᓱᐊᕐᓯᒪᔭᖏᑦ 2017-ᒥ

Tuesday, February 6, 2018
 
ᐊᕐᕌᒍᒥ ᐊᓂᒍᕐᑐᒥ, ᑲᑎᕕᐅᑉ ᐳᓖᓯᖏᑦ ᐱᒋᐊᕐᑎᑎᓯᒪᔪᑦ ᐅᕝᕙᓘᓐᓃᑦ ᑲᒪᖃᑕᐅᕙᑦᓱᑎᒃ ᐊᑦᔨᒌᖕᖏᑐᓂᒃ ᐱᓇᓱᐊᕋᑦᓴᓂᒃ ᓄᓇᕕᒻᒥ.

ᐃᓘᓐᓀᓂ ᓄᓇᓕᓐᓂ, ᐱᓇᓱᐊᕐᐸᑐᑦ ᐆᑦᑑᑎᒋᑦᓱᒋᑦ ᐃᓕᓴᕐᕕᓄᑦ ᐳᓛᕆᐊᕐᓃᑦ, ᓄᓇᓖᑦ ᑲᑎᒪᔨᖏᑦᑕ ᑲᑎᒪᓂᖏᓐᓃᓃᑦ ᐊᒻᒪᓗ ᐅᕕᒃᑲᓂᒃ ᑭᒡᒐᑐᕈᑏᑦ ᑲᑎᕕᐅᑉ ᐳᓖᓯᖏᑦᑕ ᐃᓚᐅᕕᒋᕙᑦᑕᖏᑦ. ᐃᓚᐅᕙᑦᓱᑎᓪᓗ ᐅᓪᓛᕈᒥᑕᕐᑎᓯᔪᓄᑦ, ᐅᕕᒃᑲᓂᒃ ᑎᒥᒥᒍᑦ ᐱᖕᖑᐊᖃᑕᐅᓂᕐᓄᑦ, ᓇᓪᓕᐅᓂᕐᓯᐅᑐᓄᓪᓗ ᐃᓚᐅᑦᓱᑎᒃ, ᑲᒃᑲᓛᓂᓪᓗ ᐳᓖᓯᓄᑦ ᐳᓚᕋᕐᑎᓯᕙᑦᓱᑎᒃ ᐊᒻᒪᓗ ᑲᑎᓯᕙᑦᓱᑎᒃ ᓄᓇᓕᓐᓂ ᑭᒡᒐᑐᕐᑎᓂᒃ ᐊᒻᒪᓗ ᐱᓇᓱᑦᑎᓂᒃ.

ᐃᑉᐱᒍᓱᓕᑦᑎᓯᒋᐊᕐᓃᑦ ᐊᑑᑎᑎᑕᐅᕙᒻᒥᔪᑦ ᐱᑦᔪᑎᒋᔭᐅᑎᓪᓗᒋᑦ ᓱᓇᐅᑦᓴᖏᒻᒧᑦ ᐃᕐᓯᓇᕐᕕᖃᕐᓃᑦ, ᐊᕐᖁᑎᒥ ᐊᑦᑕᓀᑦᑐᒦᓐᓃᑦ ᐊᒻᒪᓗ ᐱᖁᔦᑦ ᓯᖁᒥᑦᓱᒋᑦ ᐱᓂᕐᓗᓃᑦ. 2018-ᒥ, ᑲᑎᕕᐅᑉ ᐳᓖᓯᖏᑦ ᑲᔪᓯᑎᑦᓯᓚᖓᔪᑦ ᐱᒐᓱᐊᕈᑎᒋᕙᑦᑕᒥᓂᒃ ᓄᓇᓕᓐᓄᑦ ᑐᓂᕐᕆᓯᐅᑎᒋᓗᒋᑦ ᐊᒻᒪᓗ ᐃᓕᔨᒋᐊᓪᓚᕈᒪᑦᓱᑎᒃ ᐃᑉᐱᒍᓱᓕᕐᑎᓯᒋᐊᕐᓂᓄᑦ ᐊᒻᒪᓗ ᐃᓱᒪᑦᓯᐊᕆᐊᕐᑎᓯᓂᕐᓄᑦ ᐱᓇᓱᐊᕈᑎᒋᕙᑦᑕᒥᓂᒃ, ᐊᒻᒪᓗ ᓄᑖᓂᒃ ᐊᓯᖏᓐᓂᒃ ᓄᐃᑎᕆᓗᑎᒃ.

 

 

ᑲᑎᕕᐅᑉ ᐳᓖᓯᖏᑦᑕ ᐱᓇᓱᐊᖃᑕᐅᒍᑎᒋᕙᑦᑕᖏᑦ:

  • ᐱᓇᓱᒉᑦ: ᐅᓪᓛᕈᒥᑕᕐᑎᓯᓂᕐᓄᑦ ᐱᓇᓱᒐᖅ, ᐳᓖᓯᐊᕈᕐᓄᑦ ᐱᓇᓱᒐᖅ;
  • ᓄᓇᓖᑦ ᑲᑎᒪᕕᖓᓄᑦ ᐊᒻᒪᓗ ᐅᕕᒃᑫᑦ ᐃᓪᓗᖁᑎᖓᓄᑦ ᐳᓛᕆᐊᕐᓂᖅ;
  • ᑕᑯᔭᕐᑐᕈᓐᓇᑎᑦᓯᓂᖅ ᐳᓖᓯᓐᓂᐊᕕᓐᓂᒃ ᐊᒻᒪᓗ ᐳᓖᓰᑦ ᐃᖏᕐᕋᐅᑎᖏᓐᓂᒃ;
  • ᐃᑉᐱᒍᓱᓕᕐᑎᓯᒋᐊᕐᓂᓄᑦ ᐅᖃᐅᓯᖃᕐᓃᑦ ᐃᒣᑦᑐᓄᑦ: ᓂᐅᕐᖃᓂᖅ, ᓱᓇᐅᑦᓴᖏᒻᒧᑦ ᐃᕐᓯᑎᑦᓯᓂᖅ, ᐃᒻᒥᓂᐊᕐᓂᖅ, ᐊᕐᖁᑎᒥᓂ ᐊᑦᑕᓀᑦᑐᒦᓐᓂᖅ, ᖁᑭᐅᑏᑦ ᐊᑦᑕᓇᕈᓐᓀᑎᓗᒋᑦ ᐊᑐᕐᑕᐅᓂᖏᓐᓄᑦ ᒪᓕᒉᑦ;
  • ᑎᒥᑎᒍᑦ ᐱᖕᖑᐊᓃᑦ: ᐃᙯᓕᓴᕐᓂᖅ, ᑎᒥᒃᑯᑦ ᐃᓱᕐᕆᓚᕿᐅᑎᐅᒍᓐᓇᑐᑦ, ᕼᐊᑭᕐᓂᖅ, ᐊᔪᑦᑕᓂᖅ, ᐸᑦᑕᒥᒃ ᐊᓇᐅᓪᓚᓂᖅ, ᐊᓯᖏᓪᓗ;
  • ᐅᑯᓂᖓ ᑲᑎᒪᑦᓯᓂᖅ: ᐃᓕᓴᕐᕕᐅᑉ ᐊᖓᔪᕐᖄᖏᓐᓂᒃ, ᓄᓇᓖᑦ ᐊᐅᓚᑦᓯᔨᖏᓐᓂᒃ, ᓄᓇᓖᑦ ᑲᑎᒪᔨᖏᓐᓂᒃ, ᓄᓇᓖᑦ ᓯᕗᓕᕐᑎᖏᓐᓂᒃ ᐊᒻᒪᓗ ᐊᒥᓱᐃᓂᒃ ᓄᓇᓕᓐᓂᒃ ᐃᖏᕐᕋᑎᑦᓯᔨᓂᒃ;
  • ᓱᖃᑦᓯᐅᑏᑦ: ᐊᓐᓄᕌᕐᓗᓯᒪᓇᖅ (ᐅᖁᒻᒥᐊᑖᕐᑎᓯᓂᖅ), ᖁᕕᐊᓱᕝᕕᒃ (ᖁᕕᐊᓲᓯᖃᑦᑕᐅᑎᓂᖅ, ᓂᕿᑖᕐᑎᓯᓂᖅ ᐊᒻᒪᓗ ᓂᐅᕕᐊᓂᒃ ᐃᑲᔪᕐᓯᐅᑎᑦᓭᑦ), ᐱᓇᓱᒐᖃᓪᓚᕆᒍᑎᓂᒃ ᑕᑯᑦᓴᐅᑎᑦᓯᓃᑦ, ᐱᖕᖑᐊᓃᑦ ᓵᓚᖃᐅᑎᑖᖃᑦᑕᓱᑎᒃ, ᐃᖃᓗᑦᓯᐅᓕᐅᑦᔨᓃᑦ, ᐊᕐᖁᑎᒃᑯᑦ ᐱᓱᓐᓃᑦ, ᑐᓴᕐᕙᓚᑦᑕᐅᒋᐊᓃᑦ, ᖁᕕᐊᓲᑎᖃᕐᓃᑦ, ᓇᓪᓕᐅᓂᕐᓯᐅᕈᑎᖃᕐᓃᑦ, ᐊᑐᐊᕐᓯᒋᐅᕐᓴᑎᑦᓯᓃᑦ, ᑐᓴᕐᓂᔮᕐᑎᓯᓃᑦ.