Latest News

ᐊᐅᐸᓗᒻᒥ ᐊᖑᑎᒃ ᐳᓖᓯᓄᑦ ᑎᒍᔭᖅ ᐸᓓᕐᓯᒪᔪᒦᑦᑐᕕᓂᐅᑦᓱᓂ

Friday, September 8, 2017
 
ᓯᑉᑎᒻᐱᕆ 5, 2017-ᒥ ᐊᖑᑎᒃ ᐸᓓᕈᑦᔨᓯᒪᓚᐅᕐᑐᖅ ᐊᐅᐸᓗᒻᒥ ᐊᓇᕐᕋᒥᓂ ᑎᒍᔭᐅᑎᓚᐅᕐᑐᖅ ᐳᓖᓯᓄᑦ ᐊᖏᖃᑎᒋᔭᐅᒐᓱᐊᕐᖄᓱᓂ ᑲᑎᕕᐅᑉ ᐳᓖᓯᖏᓐᓄᑦ.

ᐳᓖᓰᑦ ᐅᑕᕐᕿᑎᓪᓗᒋᑦ ᐃᕐᖃᑐᐃᕕᐅᑉ ᖃᓄᐃᓕᒍᑎᖏᓐᓂᒃ ᑎᒍᓯᒋᐊᖃᕐᓱᑎᒃ ᐃᓕᒪᒋᔭᐅᔪᒥᒃ ᐊᓇᕐᕋᓯᒪᔪᒥᒃ ᐃᕐᖃᑐᕐᑕᐅᒋᐊᖃᕈᑎᕕᓂᖓᑕ ᐊᓯᐊᒍᑦ, ᐃᓄᒃ ᐊᓇᕐᕋᒥᓂᑦ ᐊᓂᓚᐅᕐᑐᖅ ᐊᒻᒪᓗ ᐳᓖᓯᒥᒃ ᓱᒋᐊᕐᓂᓱᓂ.

ᐳᓖᓰᑦ ᑕᒉᓐᓇᖅ ᓴᐳᑦᔭᐅᒋᐊᓪᓚᕈᒪᓚᐅᕐᑐᑦ ᐊᓪᓚᕕᒻᒪᕆᒻᒧᑦ ᑰᑦᔪᐊᒥ, 150 ᑭᓗᒦᑕᓄᑦ ᐅᖓᓯᓐᓂᓕᒻᒦᑐᒥ ᐊᐅᐸᓗᒻᒥᑦ, ᐃᑲᔪᕐᑕᐅᒍᒪᑦᓱᑎᒃ ᖃᓂᓪᓕᕇᒃᑯᑎᓂᒃ ᐃᓕᔨᑎᓪᓗᒋᑦ ᐊᒻᒪᓗ ᐊᖏᖃᑎᖃᕋᓱᐊᓯᑦᓱᑎᒃ ᐸᓓᕐᓯᒪᔪᒦᑦᑐᒥᒃ ᐊᖑᑎᒥᒃ. ᑭᖑᓂᐊᐱᐊᒍᑦ ᐅᖄᖃᑦᑕᐅᑎᒌᕐᓱᑎᒃ, ᐸᓯᔭᖅ ᑐᑭᑖᓚᐅᕐᑐᖅ ᖃᓄᐃᓘᕈᓐᓀᓗᓂ ᑲᑎᕕᐅᑉ ᐳᓖᓯᖏᓐᓄᑦ ᑎᒍᔭᐅᑎᓚᖓᒋᐊᒥᒃ.

ᐸᓯᔭᖅ ᓵᖕᖓᓯᒋᐊᖃᓕᕐᑐᖅ ᓯᑕᒪᐅᔪᖕᖏᒐᕐᑐᓄᑦ ᖃᓄᐃᓕᔭᐅᒍᑎᑖᕐᓯᒪᓕᕐᓂᒥᓂᒃ, ᐃᓚᖃᕐᑎᓗᒋᑦ ᖁᑭᐅᑎᒥᒃ ᓯᒃᑮᓂᕐᒥᒃ ᐊᑦᑕᕈᓱᒐᓂ ᐃᓅᓯᕆᔭᒥᓂᒃ ᐅᕝᕙᓘᓐᓃᑦ ᐊᓯᖓᑕ ᐃᓅᓯᖓᓂᒃ.