ᓇᑯᕐᒦᒃ ᐃᓚᐅᒍᓐᓇᕋᑦᓯ 2017 ᐯᓯᑯᕐᓱᑎᒃ ᐃᓕᒌᑦᑎᑐᓂ!


ᓇᑯᕐᒦᒃ ᐃᑲᔪᕐᓯᒍᓐᓇᓯᓚᐅᕐᑐᑦ ᐃᑲᔪᕐᑎᒋᓲᖏᓪᓗ ᑲᑎᕕᒃ ᐳᓖᓯᒃᑯᑦ, ᐊᒥᓱᐊᓗᐃᑦ ᓵᓚᖃᐅᑎᐅᓚᖓᔪᑦ ᑐᓂᔭᐅᓚᐅᕐᑐᑦ, ᐃᓚᐅᑎᓪᓗᒋᑦ ᐯᓯᑯᐃᑦ, ᓂᐊᕐᖁᐊᕇᒃᑯᑏᑦ ᓇᓭᑦ, ᐯᓯᑯᐃᑦ ᐹᓓᕈᑎᖏᑦ, ᐊᒻᒪᓗ ᑲᑎᕕᒃ ᐳᓖᓯᒃᑯᑦ ᓇᓄᐊᐱᖕᖑᐊᖏᑦ ᐃᓅᔦᑦ.

ᔪᓓ 7, 2017-ᒥ, 1-ᒥᑦ 4:30-ᒧᑦ, ᐅᕕᒐᕐᑐᐃᑦ ᐃᓚᖏᓪᓗ ᐃᓚᒋᔭᐅᓚᐅᕐᑐᑦ 2017-ᒥ ᐯᓯᑰᕐᓱᑎᒃ ᐃᓕᒌᑦᑎᑐᓂ ᑕᒪᓐᓇ ᑲᔪᓯᑎᑕᐅᓚᐅᕐᑐᖅ ᑲᑎᕕᒃ ᐳᓖᓯᒃᑯᓄᑦ. ᓇᑯᕐᒦᒃ ᐃᑲᔪᕐᓯᒍᓐᓇᓯᓚᐅᕐᑐᑦ ᐃᑲᔪᕐᑎᒋᓲᖏᓪᓗ ᑲᑎᕕᒃ ᐳᓖᓯᒃᑯᑦ, ᐊᒥᓱᐊᓗᐃᑦ ᓵᓚᖃᐅᑎᐅᓚᖓᔪᑦ ᑐᓂᔭᐅᓚᐅᕐᑐᑦ, ᐃᓚᐅᑎᓪᓗᒋᑦ ᐯᓯᑯᐃᑦ, ᓂᐊᕐᖁᐊᕇᒃᑯᑏᑦ ᓇᓭᑦ, ᐯᓯᑯᐃᑦ ᐹᓓᕈᑎᖏᑦ, ᐊᒻᒪᓗ ᑲᑎᕕᒃ ᐳᓖᓯᒃᑯᑦ ᓇᓄᐊᐱᖕᖑᐊᖏᑦ ᐃᓅᔦᑦ.

ᓂᕿᓂᒃ ᐆᑦᑐᕋᖃᑦᑕᕇᕋᒥᒃ ᐅᓲᔭᕐᓂᒃ ᐃᑭᐊᕐᒥᐅᑕᓕᓐᓂᒃ, ᖃᕐᖁᓛᓂᒃ, ᖃᕐᖁᐊᓗᐊᐱᓐᓂᒃ ᓰᓰᓂᒃ, ᐱᖕᖑᐊᓃᑦ ᑲᔪᓯᑎᑕᐅᓯᓚᐅᕐᑐᑦ ᑲᑎᒪᔨᒃᑯᑦ ᓄᓇᒃᑰᔪᖏᑦᑕ ᓄᕐᖃᖓᕕᖓᓐᓂ. ᐃᓚᖓ ᐱᖕᖑᐊᕈᑕᐅᓚᐅᕐᑐᑦ ᓱᑲᓕᐅᑎᑎᑦᓯᓂᖅ ᓄᓇᒃᑰᔪᖕᖑᐊᒥᒃ ᐊᑐᕐᓱᓂ ᐃᒥᐊᓗᑦᓯᒪᔫᔭᕐᑎᓯᐅᑏᓐᓂᒃ ᐃᒡᒑᓂᒃ ᐃᑉᐱᒋᔭᐅᑦᓱᑎᒃ ᐳᓖᓯᓄᑦ.


ᐊᕐᖁᑎᒥ ᖃᓄᐃᖕᖏᓯᐊᕆᐊᖃᕐᓂᒧᐊᖓᑎᓪᓗᒍ ᑎᒥᒧᓪᓗ ᐃᖃᐃᓕᓴᕐᑎᓯᓂᐅᑦᓱᓂ, ᐅᕕᒐᕐᑐᐃᑦ ᐃᓚᖏᓪᓗ ᐱᖕᖑᐊᓂᕐᓂᒃ ᐊᓕᐊᖕᖑᐊᕈᑎᖃᓚᐅᕐᑐᑦ ᐃᒃᑮᓇᓚᐅᖕᖏᒪᑦ ᓯᓚ. ᓯᕗᓪᓕᐹᑦᓯᐊᒥ ᑲᑎᒪᔨᒃᑯᑦ ᐊᓪᓚᕕᖓᑕ ᓯᓚᑖᓂ ᐱᖕᖑᐊᕆᐅᓚᐅᕐᑐᑦ.

ᐯᓯᑰᕐᓱᑎᒃ ᓱᑲᓕᐅᑎᔪᑦ ᐃᓱᓕᓂᖃᓚᐅᕐᑐ ᓄᓇᓖᑦ ᐃᓗᐊᓂ ᐱᓱᑦᓱᑎᒃ: ᐱᐊᕃᑦ ᐯᓯᑯᕐᑐᑦ ᒪᓕᑦᑎᑕᐅᑦᓱᑎᒃ ᐳᓖᓯᒃᑯᑦ ᓄᓇᒃᑰᔪᖓᓂ ᐋᓐᓂᑐᖃᕐᒪᓗ ᐅᐃᒪᓇᕐᑐᓯᐅᑎᒥᒃ ᑰᑦᔪᐊᑉ ᐊᕐᖁᑎᖏᑎᒍᑦ.


ᐅᐱᒍᓲᑦᔨᕗᒍᑦ ᓵᓚᖃᓚᐅᕐᑐᓕᒫᑦ, ᓇᑯᕐᒦᑐᒍᑦ ᐃᓚᐅᓚᐅᕐᑐᓕᒫᓂᒃ ᑕᑰᑎᓛᕆᕗᒍᑦ ᐊᕐᕌᒍᓛᕐᑐᖅ ᓵᓚᓐᓃᒍᑎᖃᑦᓯᐊᓚᐅᕐᒥᒪ ᐊᓕᐊᓱᖕᖑᐊᓗᑎᓪᓗ!