Latest News

ᓰᑲᔨᐊᕐᓗᓂ ᑳᓈᐲᔅᓂᒃ ᑎᒍᔨᓐᓂᓂᖅ ᑲᖏᕐᓱᐊᓗᑦᔪᐊᒥ

Tuesday, April 28, 2020
 
ᑲᖏᕐᓱᐊᓗᑦᔪᐊᖅ, ᐁᐸᔭᓕ 24, 2020 - ᐃᓄᓐᓂᑦ ᑐᑭᓯᐅᑎᑦᓴᓂᒃ ᑐᓴᕐᑎᑕᐅᑦᓱᑎᒃ, ᐳᓖᓰᑦ ᑎᒍᓯᓚᐅᔫᑦ ᐴᕐᓯᒪᔪᓂᒃ ᑎᑭᑦᑐᓂᒃ ᑰᑦᔪᐊᒥᑦ ᓂᕿᑕᕐᑎᑯᑦ ᑎᒻᒥᔫᒃᑯᑦ.

ᑐᔫᑏᑦ ᐴᕐᓯᒪᔪᑦ ᐃᓗᓕᖃᓚᐅᔫᑦ 69 grams-ᓂᒃ ᑳᓈᐲᔅᓂᒃ ᓰᑲᔨᐊᕐᓗᓂᒃ, ᐱᖁᔦᑦ ᓯᖁᒥᑦᓱᒋᑦ ᓂᐅᕐᕈᑎᑦᓴᒫᒍᒋᐊᕐᑐᓂᒃ.

ᒪᕐᕉᒃ ᐃᓅᒃ ᑎᒍᔭᐅᓚᐅᕐᑑᒃ. ᑕᒪᖏᒃ ᐱᖁᔭᕐᓂᒃ ᓯᖁᒥᑦᓯᓂᕐᒥᓄᑦ ᐸᓯᔭᑦᓴᖑᓚᐅᕐᑑᒃ ᓰᐊᔨᐊᕐᓗᓄᑦ ᑳᓈᐱᔅᓄᑦ ᐱᖁᔭᐅᑉ ᐊᑖᒍᑦ.

ᑲᑎᕕᐅᑉ ᐳᓖᓯᖏᑦ ᐃᕐᙯᑎᑦᓯᒍᒪᔪᑦ ᓄᓇᕕᒻᒥᐅᓂᒃ ᐱᖁᔦᑦ ᓯᖁᒥᒍᓐᓀᓗᒋᑦ ᓂᐅᕕᕐᕕᓴᑑᒻᒪᑦ ᓰᑲᔨᐊᕐᓗᓂᒃ ᑳᓈᐱᔅᓂᒃ ᑯᐯᒻᒥ Société québécoise du cannabis (SQDC). ᐱᖁᔦᑦ ᓯᖁᒥᑕᐅᔪᑦ ᓂᐅᕕᕐᑐᒧᑦ ᓰᑲᔨᐊᕐᓗᒥᑦ ᑖᒃᑯᐊ ᐊᓯᖏᓐᓂᑦ ᐅᕝᕙᓘᓐᓃᑦ ᑭᓇᑐᐃᓐᓇᒥᑦ. ᑐᑭᓯᒋᐊᓪᓚᕈᒪᔪᑦ ᐱᖁᔭᖕᖑᑎᑕᐅᓯᒪᓂᖓᓄᑦ ᓰᑲᔨᐊᕐᓘᑉ, ᐅᕗᖓ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᑦᑎᓂᒃ ᐅᒃᑯᐃᓯᒍᓐᓇᑐᑦ About Cannabis.

ᖃᓄᑐᐃᓐᓇᖅ ᑐᑭᓯᐅᑎᑦᓭᑦ ᐱᑦᔪᑎᒋᓗᒋᑦ ᐃᓕᒪᓇᕐᑐᓂᒃ ᐱᓇᓱᐊᕐᑐᑦ, ᐃᓚᐅᑎᓪᓗᒋᑦ ᐱᖁᔦᑦ ᓯᖁᒥᑦᓱᒋᑦ ᓂᐅᕐᕈᓭᔪᑦ ᐋᖓᔮᓐᓇᑐᓂᒃ ᐊᒻᒪᓗ ᐃᒥᐊᓗᓐᓂᒃ, ᐅᖃᕈᑎᖃᕈᓐᓇᐳᑦ Crime Stoppers-ᑯᓄᑦ ᓯᕙᓂᕐᓗᒋᑦ ᐊᑭᖃᖕᖏᑐᒧᑦ ᐅᕗᖓ: 1-800-711-1800. ᑐᑭᓯᐅᑎᑦᓴᑖᕐᑎᓯᔪᖅ ᐁᑦᑐᑕᐅᓚᕿᒍᓐᓇᑐᖅ ᐊᑭᓕᕐᑕᐅᓗᓂ $2,000 ᑎᑭᓪᓗᒋᑦ.​