Latest News

ᑲᒃᑲᓛᓂᒃ ᐃᑦᓯᒍᓱᓐᓂᒧᑦ ᐊᑦᔨᖁᑎᓕᒃ - ᑎᒍᔭᐅᔪᖅ ᐱᔨᑐᔮᒃ ᕆᒥᒃ

Friday, December 8, 2017
 
ᒪᓐᑐᔨᐊᓪ, ᑎᓯᒻᐱᕆ 8, 2017 – ᑯᐯᑉ ᐳᓖᓯᖏᑦ Sûreté du Québec (ᑯᐯᒻᒥ ᐳᓖᓰᑦ) ᖃᐅᔨᓴᕐᑎᖏᑦ ᐃᑦᓯᒍᓱᓐᓂᒧᑦ ᑲᒃᑲᓛᓂᒃ ᑲᒪᒃᑭᓗᓐᓂᒧᑦ ᑲᒪᓂᕐᓗᑐᓂᒃ  ᖃᕆᑕᐅᔭᑎᒍᑦ ᑎᒍᓯᓚᐅᕐᑐᖅ 29-ᓂᒃ ᐅᑭᐅᓕᒻᒥᒃ ᐱᔨᑐᔮᒃ ᕆᒥᒻᒥᒃ ᑎᓯᒻᐱᕆ 6-ᒥ ᑲᒃᑲᓛᓂᒃ ᐃᑦᓯᒍᓱᓐᓂᒧᑦ ᐊᑦᔨᖑᐊᖁᑎᓂᒃ ᓇᔪᕐᑎᓕᒻᒥᒃ.

ᐸᓯᔭᖅ ᐃᕐᖃᑐᕐᑕᐅᓚᐅᕐᑐᖅ ᐱᖓᑦᓯᑐᓂ ᓯᐊᐳᔪᒃᒥ ᑭᐅᒋᐊᕐᑐᓯᒪᑦᓱᓂ ᐸᓯᔭᐅᒍᑎᒥᓄᑦ ᓇᔪᕐᑎᖃᕐᓂᒧᑦ, ᑕᑯᔭᑦᓴᖑᕐᑎᓯᓂᕐᒧᑦ, ᐊᑐᐃᓐᓇᖁᑎᖃᕐᓂᒧᑦ ᐊᒻᒪᓗ ᐊᑐᐃᓐᓇᖑᕐᑎᓯᓂᕐᒧᑦ ᑲᒃᑲᓛᓂᒃ ᐃᑦᓯᒍᓱᓐᓂᒧᑦ ᐊᑦᔨᖁᑎᓂᒃ. ᐸᓯᔭᐅᒻᒥᓱᓂ ᖁᑭᐅᑎᓂᒃ ᓴᓇᕐᕙᓯᒪᑎᑦᓯᓂᒧᑦ ᒪᓕᒐᕐᓂᒃ ᓯᖁᒥᑦᓯᓂᕐᒧᑦ ᖁᑎᐅᑎᓄᑦ ᐱᖁᔭᕐᒥᒃ.

ᐳᓖᓰᑦ ᕿᒥᕐᕕᖃᓚᐅᕐᑐᑦ ᐃᓕᒪᒋᔭᐅᑉ ᐊᓇᕐᕋᖓᓂᒃ ᐊᒻᒪᓗ ᖃᕆᑕᐅᔭᖓᓂᒃ ᑎᒍᓯᑦᓱᑎᒃ ᕿᒥᕐᕈᓚᖓᑦᓱᒍ.


ᖃᐅᔨᓴᕐᑏᑦ ᑲᒃᑲᓛᓂᒃ ᐃᑦᓯᒍᓱᓐᓂᒧᑦ ᑲᒪᒃᑭᓗᓐᓂᓂᒃ ᖃᕆᑕᐅᔭᑎᒍᑦ ᐱᓯᒪᓚᐅᕐᑐᑦ ᑯᐯᑉ ᐳᓖᓯᖏᓐᓂᑦ ᐊᒻᒪᓗ ᐋᓰᐃᐊᒻᐲᒃᑯᓂᑦ. ᖃᐅᔨᓴᕐᑏᑦ ᐃᓚᒋᔭᐅᔪᑦ ᐱᓇᓱᕝᕕᒧᑦ ᖃᐅᔨᓴᕐᓂᓂᒃ ᕿᓈᔭᕐᕕᖃᕐᓂᓂᒃ ᐱᓇᓱᒐᕐᒧᑦ ᐱᒍᑦᔨᓱᑎᒃ ᐱᖁᔦᑦ ᓯᖁᒥᑕᐅᓂᖏᓐᓄᑦ ᖃᐅᔨᓴᕐᕕᒥᒃ. ᐃᖏᕐᕋᓯᑎᑕᐅᓚᐅᕐᓯᒪᑎᓪᓗᒍ ᑯᐯᑉ ᐳᓖᓯᖏᓐᓄᑦ ᐋᕐᕿᓱᐃᓯᒪᐅᑎᒃ ᐃᑦᓯᒍᓱᓐᓂᒧᑦ ᑲᒪᒃᑭᓗᑦᑎᓯᑦᑌᓕᕐᓂᓄᑦ ᑲᒃᑲᓛᓂᒃ 2012-ᒥ, 400 ᓴᓂᐊᓃᑦᑐᑦ ᑎᒍᔭᐅᓯᒪᓕᕐᑐᑦ. ᑖᒃᑯᐊ ᐱᒐᓱᐊᕐᓂᖏᑦ ᓇᓗᓀᕐᓯᒍᑕᐅᓯᒪᔪᑦ ᐊᒥᓱᓂᒃ 100-ᓂᒃ ᐱᓂᕐᓗᕕᐅᓯᒪᔪᓂᒃ.

ᖃᓄᑐᐃᓐᓇᖅ ᖃᐅᔨᒪᔪᑦ ᑖᑦᓱᒥᖓ ᐊᖑᑎᒥᒃ ᐊᒻᒪᓗ ᖃᓄᐃᓘᕈᑎᒋᓲᖏᓐᓂᒃ ᐅᖄᕕᖃᕆᐊᓖᑦ ᐱᖁᔭᕐᓂᒃ ᓯᖁᒥᑦᓯᓂᕐᓄᑦ ᖃᐅᔨᓴᕐᕕᖓᓂᒃ ᑯᐯᑉ ᐳᓖᓯᖏᑦᑕ ᐅᕗᖓ 1-800-659-4264.

ᐃᓄᐃᑦ ᑭᓇᑐᐃᓐᓇᑯᑦ ᑐᓴᕐᑎᓯᒍᓐᓇᑐᑦ ᑲᒃᑲᓛᓂᒃ ᐃᑦᓯᒍᓱᑦᑐᓄᑦ ᑲᒪᒃᑭᓗᑦᑕᐅᔪᓂᒃ ᖃᕆᑕᐅᔭᒃᑯᑦ ᓇᐅᑐᐃᓐᓇᓂᒃ ᐅᕗᖓ ᖃᕆᑕᐅᔭᑎᒍᑦ cyberaide.ca.

 

-30-

ᑐᓴᕋᑦᓴᓕᕆᕕᖓ

Sûreté du Québec

ᒪᓐᑐᔨᐊᓪ - ᐃᓘᓐᓈᓄᑦ ᐊᓪᓚᕕᒻᒪᕆᒃ

514-598-4848

www.sq.gouv.qc.ca