Latest News

ᐊᑦᑕᓀᑦᑐᒦᓪᓗᓯ ᕿᑲᕐᓇᓯᐅᑦᓯᐊᓂᐊᕋᑦᓯ ᖁᕕᐊᓱᕝᕕᒥ 2017-2018-ᒥ

Tuesday, December 12, 2017
 
ᖁᕕᐊᓱᕝᕕᒃ ᕿᑲᕐᓇᐅᒪᑦ ᐊᒻᒪᓗ ᑲᑎᒪᑦᓯᓇᐅᑦᓱᓂ ᐃᓚᓐᓂᒃ ᐊᒻᒪᓗ ᐃᓚᓐᓈᓂᒃ. ᐃᑯᐊᓚᒃ, ᑖᓐᓇᓕ, ᖁᕕᐊᓱᕝᕕᐅᓕᕋᓗᐊᕐᒪᑦ ᕿᑲᕐᓇᒥᒃ ᖃᐅᔨᒪᖕᖏᒪᑦ. ᑕᑲᒃᑯᐊ ᒪᓕᓪᓗᒋᑦ ᐃᑯᐊᓪᓚᑎᑦᓯᑌᓕᒍᑏᑦ, ᐃᓪᓗᓯᓐᓂᒃ ᐃᑭᑎᑦᓯᑌᓕᖁᔨᓚᖓᕗᒍᑦ.

ᓇᐹᕐᑐᓚᕆᐅᑉᐸᑕ ᖁᕕᐊᓱᕝᕕᓯᐅᑎᓯ ᐃᒻᒥᑐᖃᕐᑕᓗᒋᑦ

ᐃᓪᓗᓯᓐᓂ ᓇᐹᕐᑐᖃᖔᕈᒪᒍᑦᓯ ᓇᐹᕐᑐᓚᕆᒻᒥᒃ, ᕿᒥᕐᕈᖃᑦᑕᓗᒍ ᓇᐹᕐᑐᖅ, ᓇᐹᕐᑐᑖᕋᓱᐊᓕᕈᑦᓯ ᓇᓪᓕᑳᕐᓗᓯ ᐱᕈᕐᐸᓕᐊᑦᓯᐊᑐᒥᒃ ᑐᖁᓪᓗᖓᖕᖏᑐᒥᒃ, ᐃᓕᓗᒍ ᓇᐸᒍᑎᒋᓂᐊᕐᑕᖓᓄᑦ ᐃᓗᓕᒻᒧᑦ ᐊᒻᒪᓗ ᐃᓗᐊ ᑌᒪᖕᖓᑦ ᐃᒪᕐᑕᙯᓐᓇᑎᓗᒍ. ᐃᓕᒪᑎᓪᓗᒍ ᓇᐹᕐᑐᖅ ᐃᑭᑦᓯᒍᓀᑦ ᓴᓂᐊᓃᒍᓐᓀᑎᓗᒍ, ᐆᑦᑑᑎᒋᓗᒋᑦ ᐸᕐᖄᕈᑏᑦ ᐊᒻᒪᓗ ᓇᐸᑌᑦ.


ᐃᑯᒫᐱᓕᒫᑦ ᖁᓱᐊᓱᕝᕕᓯᐅᑏᑦ ᕿᒥᕐᕈᓗᒋᑦ

ᐃᓕᓚᐅᕐᓇᒋᑦ ᐃᑯᒫᐲᑦ ᓇᐹᕐᑐᒧᑦ ᐅᕝᕙᓘᓐᓃᑦ ᐊᓇᕐᕋᓯ ᐃᓗᐊᓃᓚᖓᑉᐸᑕ, ᕿᒥᕐᕈᓗᒋᑦ. ᐃᒋᓗᒋᑦ ᐊᑦᓱᓈᖁᑎᖏᑦ ᖁᐱᓂᐅᑉᐸᑕ ᐅᕝᕙᓘᓐᓃᑦ ᓱᒃᑯᓯᒪᑉᐸᑕ.

 

ᑐᐹᑭᑦᓲᑦ ᓯᓚᒥ ᑐᐹᑭᖃᑦᑕᖁᓗᒋᑦ

ᓄᖑᓐᓂᑯᐃᑦ ᖃᒥᑕᐅᑦᓯᐊᒪᖔᑕ ᐃᑉᐱᒋᖃᑦᑕᓗᒋᑦ ᐊᒻᒪᓗ ᒪᕐᕋᑯᕕᐅᑉ ᐃᓗᐊᓅᕐᑕᐅᓯᐊᕐᒪᖔᑕ. ᐱᐅᓂᕐᓴᖅ, ᓯᓚᒥ ᑐᐹᑭᖃᑦᑕᐸᑕ.

 

ᓂᕐᓯᐅᓕᕈᑦᓯ ᐃᑉᐱᒍᓱᑦᓯᐊᖃᑦᑕᓗᓯ

ᓂᕐᓯᐅᕕᒻᒦᖏᓐᓇᖃᑦᑕᓗᓯ ᓂᕐᓯᐅᕈᑦᓯ, ᐱᓗᐊᕐᑐᒥ ᐊᑐᕈᑦᓯ ᐅᕐᓱᓂᒃ ᐅᕝᕙᓘᓐᓃᑦ ᑭᐊᑦᓴᐅᑎᒥᒃ ᐸᕐᖄᕆᑦᑑᑎᑦᓯᒍᑦᓯ. ᐆᔪᓕᐅᕈᑎᐅᑉ ᐃᓗᓕᖓ ᐃᑯᐊᓪᓚᐸᑦ, ᐆᑦᑌᓕᓗᑎᑦ ᐃᑯᐊᓚᔪᖅ ᖃᒥᒋᐊᕐᓗᒍ ᒪᑐᓗᒍ; ᑌᒪ, ᑭᐊᑦᓴᐅᑎᒃ ᖃᒥᓪᓗᒍ ᐅᕝᕙᓘᓐᓃᑦ ᐃᒐᑦᓱᑎᑦ ᐊᑐᕐᑌᑦ.

 

ᑲᒃᑲᓛᓄᑦ ᑎᑭᐅᑎᔮᒦᒍᓐᓀᑎᓗᒋᑦ ᐃᒃᑭᑏᑦ ᐊᒻᒪᓗ ᐃᑭᑦᑕᑐᐃᑦ

ᐃᒃᑭᑏᑦ ᐊᒻᒪᓗ ᐃᑭᑦᑕᑐᐃᑦ ᑲᒃᑲᓛᓄᑦ ᑲᒪᒋᔭᐅᒍᑎᒃ ᑐᖁᓚᖀᑎᑦᓯᒍᓐᓇᑐᑦ. ᐃᔨᕐᓯᒪᑎᓗᒋᑦ ᐅᕝᕙᓘᓐᓃᑦ ᓇᔪᕐᑎᒌᓐᓇᓗᒋᑦ.

 

ᐃᑯᐊᓚᒧᑦ ᐅᐃᒪᓇᕐᓯᔨᐊᖃᕈᑦᓯ ᐅᕗᖓ ᓯᕙᓂᑦᓴᐅᑎᒋᓗᓯ, 819-xxx-9000.

ᖁᕕᐊᓱᕝᕕᓯᐅᑦᓯᐊᕆᑦᓯ! ᐊᒻᒪᓗ ᐃᓚᓯ ᐊᑦᑕᓇᕐᑐᒦᑦᑎᑌᓕᓗᒋᑦ!