Latest News

Death in Inukjuak: The KRPF Investigates

Tuesday, May 19, 2020
 
ᒣ 13-ᒥ, ᑲᑎᕕᐅᑉ ᐳᓖᓯᖏᑦ ᐊᒥᓱᓄᑦ ᓯᕙᓂᕐᑕᐅᓚᐅᔫᑦ ᐃᑲᔪᕐᑕᐅᒍᒪᔪᓄᑦ ᐊᖑᑎᒃ ᓇᐸᕈᑖᓗᒻᒧᑦ ᐃᒪᖃᐅᑎᐅᑉ ᓴᓂᐊᓃᑦᑑᑉ ᒪᔪᕋᕐᓯᒪᓕᕐᒪᑦ. ᐅᐃᒪᓇᕐᑐᓯᐅᑏᑦ ᑐᓴᕐᑎᑕᐅᓯᒪᓕᕇᓚᐅᔫᑦ ᐊᒻᒪᓗ ᑖᕙᓃᓕᕇᕐᓱᑎᒃ ᐳᓖᓰᑦ ᑖᕗᖕᖓᑎᓪᓗᒋᑦ.

ᐳᓖᓰᑦ ᑕᑯᓐᓇᓚᐅᔫᑦ ᓇᐸᕈᑕᐅᑉ ᓄᕗᐊᓄᑦ ᒪᔪᕋᕐᓯᒪᔪᒥᒃ. ᓱᒻᒪᖔᕐᒥ ᓇᓗᔫᔮᓚᐅᔫᖅ ᐊᒻᒪᓗ ᖃᓄᑐᐃᓐᓇᖅ ᓂᒪᖃᑦᑕᓱᓂ. ᓂᒪᕐᓂᒥᓂᒃ ᐊᐅᒡᒉᓯᐊᕐᓯᒪᕐᖃᔭᕐᑑᔮᓚᐅᔪᖕᖏᑐᖅ ᓱᓇᑐᐃᓐᓇᒥᒃ ᐊᔭᑉᐯᒋᐊᖃᑦᑕᓱᓂ ᑎᒥᖓᑕᓗ ᓂᒪᕈᓯᖓ ᑌᒣᑦᓯᐊᑑᔮᕋᓂ. ᐅᐃᒪᓇᕐᑐᓯᐅᑏᑦ ᐊᖑᑎᒥᒃ ᐅᖃᐅᑦᔪᐃᖃᑦᑕᓚᐅᔫᑦ ᐃᓄᑦᑎᑐᑦ ᓇᐸᕈᑕᕐᒥᑦ ᒪᔪᕋᕐᓯᒪᔪᒥᒃ ᐃᓂᕐᑎᕆᒐᓱᐊᕐᓱᑎᒃ ᑲᑕᖁᑦᓱᒍ.

ᑕᑯᑦᓴᐅᓯᓚᐅᔪᒻᒥᔪᖅ, ᐊᖑᑎᒃ ᓇᐸᕈᑕᕐᒦᑐᒥᒃ ᐃᕐᐸᑎᑦᓯᐅᑎᐅᑉ ᐃᕐᓯᕕᖓᓂᒃ ᑎᑭᐅᑎᒐᓱᐊᓯᓚᐅᔪᒻᒥᔪᖅ ᑭᓯᐊᓂ ᓯᐊᕐᕆᓱᓂ ᓇᐸᕈᑕᐅᑉ ᓄᕗᐊᓃᑦᓱᓂ ᐃᔪᒃᑲᓚᐅᔫᖅ. ᐳᓖᓰᑦ ᐊᒻᒪᓗ ᐅᐃᒪᓇᕐᑐᓯᐅᑏᑦ ᐁᕕᖃᑲᓪᓚᒐᓱᐊᓚᐅᔫᑦ ᐃᑲᔪᕐᓯᒋᐊᕋᓱᐊᓯᑦᓱᒍ, ᑭᓯᐊᓂ ᐋᓐᓂᓗᐊᒧᑦ ᐱᕕᖃᓚᐅᔪᒍᓐᓀᑐᖅ ᐃᓅᒍᓐᓀᓴᐅᑎᒋᑦᓱᓂ. ​

ᑲᑎᕕᐅᑉ ᐳᓖᓯᖏᑦᑕ ᖃᐅᔨᓴᕐᓂᖓ ᐅᓪᓗᒥᒧᑦ ᑲᔪᓯᔪᖅ.