Latest News

$2,500 ᐁᑦᑑᑎᐅᔪᑦ ᓴᑐᕐᕖᑦᑯᓐᓄᑦ

Tuesday, April 30, 2019
ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᑲᒪᔨᒻᒪᕆᖓ ᒣᑯ ᑯᐊᑕ ᐁᑦᑐᑕᐅᓚᐅᕐᑐᖅ ᓯᐊᒃᑭᒥᒃ ᑭᒡᒐᑐᕐᓱᒋᑦ ᓴᑐᕐᕖᑦ ᐱᓯᒪᑎᓪᓗᒋᑦ ᑲᑎᕕᒃᑯᑦ ᐳᓖᓯᖏᑦᑕ ᐊᖓᔪᖅᑳᖓᓂᒃ ᔮᓐ-ᐱᐊᕆ ᓚᕉᔅᒥᑦ
ᓯᐊᒃᑭᒃ ᐅᓄᕐᓂᓕ $2,500-ᓂᒃ ᐁᑦᑑᑎᐅᓚᐅᕐᑐᖅ ᓴᑐᕐᕖᑯᓐᓄᑦ ᐃᓚᔪᕕᓂᐅᑎᓪᓗᒍ ᑲᑎᕕᒃᑯᑦ ᐳᓖᓯᖏᑦᑕ ᐊᖓᔪᖅᑳᖓ ᔮᓐ-ᐱᐊᕆ ᓚᕉᔅ ᐱᓇᓱᐊᕐᓂᖃᕐᑎᓗᒋᑦ ᑲᓇᑕᓕᒫᒥᒃ ᖃᐅᔨᓴᕐᓂᖃᕐᓂᖅ ᐊᓯᐅᓯᒪᔪᓄᑦ ᐃᓄᐊᕐᑕᐅᓯᒪᔪᕐᓄᓗ ᓄᓇᖃᖅᑳᓯᒪᔪᓄᑦ ᐊᕐᓇᓄᑦ.
 

ᔫᓂ 2018-ᖑᑎᓪᓗᒍ, ᐊᖓᔪᖅᑳᖅ ᓚᕉᔅ ᙯᖁᔭᐅᓯᒪᔪᕕᓂᖅ ᐅᔨᐊᑦ ᓵᓪ ᐱᓇᓱᐊᕈᑕᐅᓂᖓᓄᑦ “ᐊᓯᑦᔨᑐᐃᔨ”. ᑐᕌᒐᕆᔭᖃᓚᐅᕐᑐᖅ ᐱᓇᓱᐊᕈᑕᐅᔪᖅ ᐊᖏᓕᒋᐊᕆᒐᓱᐊᕐᓂᖅ ᓈᒃᑭᒋᔭᐅᓂᖏᓐᓂᒃ ᐊᓯᐅᖃᑦᑕᓯᒪᓕᕐᑐᑦ ᐃᓄᐊᕐᑕᐅᖃᑦᑕᓯᒪᓕᕐᑐᐃᓗ ᐊᕐᓀᑦ ᓂᕕᐊᕐᓯᐊᓗ ᐊᒻᒪᓗ ᑕᐅᕐᓯᐅᑎᖃᑦᑕᐅᑎᖃᕐᓂᒃᑯ ᐱᐅᔪᓂᒃ ᐅᖃᐅᓯᑦᓴᓂᒃ ᒪᒥᓴᕐᓂᒨᓕᖓᔪᓂᒃ.

ᓴᑐᕐᕖᑦ ᑭᒡᒐᑐᕐᑐᑦ ᓄᓇᕕᒻᒥᐅᑦ ᐊᕐᓇᖏᓐᓂᒃ ᐅᑭᐅᓕᓐᓂᒃ 15 ᐅᖓᑖᓂ ᐊᒻᒪᓗ ᓂᐱᖃᕐᑎᓯᑦᓱᑎᑦ. ᑲᑐᑦᔨᖃᑎᒌᖑᔪᖅ ᓴᐳᑦᔨᓂᖃᖅᑯᖅ ᓄᓇᓖᑦ ᐱᓇᓱᐊᕐᑎᓯᒍᑎᖏᓐᓂᒃ, ᐃᓂᓪᓚᑎᕆᓲᑦ ᓱᖃᑦᓯᑎᑦᓯᓂᐅᔪᓂᒃ ᐱᓗᑲᑦᑌᓕᑎᑦᓯᓂᕐᒧᑦ ᐊᕐᓇᓄᑦ ᐱᐊᕋᕐᓄᓗ ᐊᒻᒪᓗ ᑐᓂᓯᓲᖑᑦᓱᓂ ᓴᓇᕐᕈᑎᑦᓴᓂᒃ ᐃᓚᒋᔭᐅᑎᑦᓯᓂᒃᑯᑦ ᐱᓂᐊᕐᓂᓕᕆᓂᐅᔪᓂᒃ, ᒪᑭᑕᒐᓱᐊᕐᓂᓕᕆᓂᕐᓂᒃ ᐊᒻᒪᓗ ᐃᓅᖃᑎᒌᑦ ᖃᓄᐃᓕᖓᐅᓯᖏᓐᓂᒃ.