Latest News

ᒪᕐᕉᒃ ᑲᐳᕐᑕᐅᔪᕕᓃᒃ ᐳᕕᕐᓂᑐᒥ

Monday, June 29, 2020
 
ᐳᕕᕐᓂᑐᖅ, ᔫᓂ 29, 2020 - ᐊᓪᓕᖏᓱᖓᕐᑎᓗᒍ, ᖁᓕᓪᓗ ᖁᓕᐅᖕᖏᒐᕐᑐᓗᓂᒃ ᐅᑭᐅᓕᒃ ᐊᖑᑎ ᒪᕐᕉᓂᒃ ᐃᓅᓐᓂᒃ ᑲᐳᕐᓂᔪᕕᓂᖅ, ᑲᐳᕐᑕᕕᓂᖓᑕ ᐁᑉᐸᒐ ᐃᓅᒍᓐᓀᕈᑎᐅᒍᓐᓇᑐᒥᒃ ᐋᓐᓂᑕᐅᓯᒪᔪᖅ.

ᑲᑎᕕᒃ ᐳᓖᓯᖏᑦ ᐅᖄᓚᕕᐅᔪᕕᓃᑦ ᐱᒍᑦᔭᐅᒍᒪᔪᒧᑦ 3:20 ᒥᑦᓵᓂ ᐅᓐᓄᐊᑯᑦ, ᑲᐳᕐᓂᔪᖃᕐᓂᕃᔪᒥᒃ. ᐊᕙᑎᓪᓗ ᒪᕐᕈᓗᓂᒃ ᐅᑭᐅᓕᒃ ᐊᖑᑎ ᑲᐳᕐᑕᕕᓂᖅ ᑐᓄᒃᑯᑦ ᖁᓕᐅᖕᖏᒐᕐᑐᕕᑦᑕᐅᓱᓂ, ᐊᕙᑎᑦ ᒪᕐᕉᒃ ᐱᖓᓱᓂᒃ ᐅᑭᐅᓕᒃ ᐊᕐᓇᖅ ᒪᕐᕈᕕᑦᓱᓂ ᑲᐳᕐᑕᕕᓂᖅ. ᐋᓐᓂᐊᕕᒻᒥ ᑲᒪᒋᔭᐅᔪᕕᓃᒃ, ᐁᑉᐸᖓ ᐃᓅᒍᓐᓀᕈᑎᐅᒍᓐᓇᑐᒥᒃ ᐋᓐᓂᑕᐅᓯᒪᔪᖅ. ᑲᐳᕐᑕᕕᖅ ᒫᓐᓇ ᐋᓐᓂᐊᔪᐹᓘᒐᐊᕐᓱᓂ ᐊᑦᑕᓇᕐᑐᒦᖕᖏᑐᖅ.

ᑲᑎᕕᒃ ᐳᓖᓯᖏᑦ ᑎᒍᓯᔪᕕᓃᑦ ᒪᓗᒋᔭᐅᔪᒥᒃ ᐱᓂᕐᓗᕕᐅᔪᕕᓂᕐᒥ. ᐱᓂᕐᓗᓂᕕᓂᐅᑉ ᖃᐅᔨᓴᕐᑕᐅᓂᖓ ᑐᓂᔭᐅᔪᕕᓂᖅ ᑯᐯᒃᑯᑦ ᐳᓖᓯᖏᓐᓄᑦ. ᒪᓗᒋᔭᐅᔪᖅ ᐃᕐᖃᑐᐃᕕᒃᑰᓚᖓᔪᖅ ᐅᖄᓚᐅᑎᒃᑯᑦ ᐅᓪᓗᒍᒻᒥᑕᕐᓇᕇᕐᓯᒪᓕᑐᐊᕐᐸᑦ.​