Latest News

ᑕᓯᐅᔭᒥ ᐃᒫᕐᑐᖅ

Wednesday, June 7, 2017
 
ᒣ 24-ᒥ, 3:20 ᓴᓂᐊᓂ ᐅᓪᓗᑯᑦ, ᑲᑎᕕᐅᑉ ᐳᓖᓯᖏᑦ ᓯᕙᓂᕐᑕᐅᓚᐅᔫᑦ ᐃᑲᔪᕐᑕᐅᒍᒪᔪᒧᑦ ᐊᓯᐅᔪᖃᕐᑎᓗᒍ. ᖃᒧᑎᑲᓪᓚᒃ ᑕᑯᔭᐅᓚᐅᔫᖅ ᑰᑉ ᓴᓂᐊᓂ ᓴᓂᕌᖓᔪᖅ ᐃᑯᒪᔪᕕᓂᕐᓗ ᑕᑯᑦᓴᐅᔭᒐᓂ.

ᑕᑯᓐᓈᑐᕕᓃᑦ ᑐᓴᕐᑎᓯᓚᐅᔫᑦ ᐊᖑᑎᒥᒃ ᖃᒧᑎᑲᓪᓚᑐᒥᒃ ᑕᑯᓐᓈᑐᕕᓂᐅᓂᕋᕐᓱᑎᒃ ᑰᒃᑯᑦ ᐅᓪᓗᓭᓐᓇᖅ. ᓄᓇᓖᑦ ᕿᓂᓯᓚᐅᔫᑦ ᑭᓯᐊᓂ ᓇᓂᔭᐅᓚᐅᔪᖕᖏᑐᖅ. ᐅᓇᑕᕐᑎᓭᑦ ᐱᒋᐊᕐᑎᑕᐅᓚᐅᔫᑦ 24-ᓂ ᐃᑲᐅᕐᓂᓂ ᕿᓂᓚᖓᑎᓪᓗᒋᑦ. ᐅᓇᑕᕐᑎᓭᑦ ᒣ 25-ᒥ ᕿᓂᕈᓐᓀᖁᔭᐅᓚᐅᔫᑦ ᐊᑦᑕᓇᕐᑐᒦᖃᑦᑕᓕᕐᓂᖏᓐᓄᑦ ᐊᒻᒪᓗ ᕿᓂᕐᑐᑦ ᑎᒥᒥᒃ ᕿᓂᖔᖁᔭᐅᓕᕐᓱᑎᒃ. ᐃᑲᔪᕐᑐᑦ 24-ᒥᓂᑦ ᑰᒻᒥ ᕿᓂᓚᐅᔫᑦ. ᖁᒻᒧᐊᔫᑦ ᐊᑦᔨᓕᐅᕈᑎᓖᑦ ᐊᑐᕐᑕᐅᓚᐅᔫᑦ ᖃᖓᑕᑎᑕᐅᑦᓱᑎᒃ ᕿᓂᕐᕕᐅᖃᑦᑕᑐᒥ ᐊᒻᒪᓗ ᔫᓂ 2-ᒥ ᖁᓖᒻᒥᒎᓕᒃ ᓵᑕᕐᑕᐅᓕᓚᐅᔫᖅ ᐃᑲᔪᓯᑎᓪᓗᒍ ᕿᓂᕐᑐᓂᒃ. ᑯᐯᒃᑯᑦ ᐳᓖᓯᖏᑦ ᐃᑲᔪᕐᖃᔭᓚᐅᔪᖕᖏᑐᑦ ᓯᑯᐃᑦ ᑰᒻᒥ ᓂᒪᕐᑐᑦ ᐊᑦᑕᓇᓚᐅᔪᒻᒪᑕ. ᕿᓂᕐᓂᖅ ᓄᕐᖃᑎᑕᐅᓚᐅᔫᖅ ᑌᒫᓪᓗ ᑐᓴᕐᑕᐅᑎᑕᐅᓚᐅᔪᑦᓱᓂ ᔫᓂ 6-ᒥ.