Latest News

ᐋᖓᔮᓐᓇᑐᕐᓄᐊᖓᔪᑦ ᐃᖏᕐᕋᑎᑕᐅᔪᑦ

Friday, May 5, 2017
 
ᑲᑎᕕᐅᑉ ᐳᓖᓯᖏᑦ ᐱᓇᓱᐊᖃᑎᖃᕐᓱᑎᒃ ᐋᓰᐃᐊᒻᐲᒃᑯᓂᒃ (A-CFSEU) ᐊᒻᒪᓗ ᑯᐯᑉ ᐳᓖᓯᖏᓐᓂᒃ ᑲᔪᓯᑎᑦᓯᖃᒻᒦᑦ ᐱᒻᒪᕆᓐᓂᒃ ᓰᑲᔨᐊᕐᓗᓂ ᒪᔨᔪᐊᓇᓂ ᑎᒍᔨᓐᓂᓚᕿᑦᓱᑎᒃ ᑰᑦᔪᐊᒥ. 

ᑲᑎᕕᐅᑉ ᐳᓖᓯᖏᑦ ᐱᓇᓱᐊᖃᑎᖃᕐᓱᑎᒃ ᐋᓰᐃᐊᒻᐲᒃᑯᓂᒃ (A-CFSEU) ᐊᒻᒪᓗ ᑯᐯᑉ ᐳᓖᓯᖏᓐᓂᒃ ᑲᔪᓯᑎᑦᓯᖃᒻᒦᑦ ᐱᒻᒪᕆᓐᓂᒃ ᓰᑲᔨᐊᕐᓗᓂ ᒪᔨᔪᐊᓇᓂ ᑎᒍᔨᓐᓂᓚᕿᑦᓱᑎᒃ ᑰᑦᔪᐊᒥ.  

ᒣ 4, 2017-ᒥ, 3 kilograms ᐅᖓᑖᓅᕐᑐᑦ ᓰᑲᔨᐊᕐᓗᐃᑦ ᑎᒍᔭᐅᓚᐅᕐᑐᑦ ᑭᖑᓂᖓᒍᑦ ᑎᒍᔭᐅᓂᖏᑦᑕ ᒪᕐᕉᒃ ᐃᓅᒃ ᓀᐱᑕᐅᑦᓱᑎᒃ ᓇᔪᕐᑎᖃᕐᑎᓗᒋᒃ ᓂᐅᕐᕈᑎᑦᓴᒥᓂᒃ. ᐸᓯᔭᑦᓴᐅᒋᐊᖏᒃ ᐃᓕᒪᒋᔮᒃ ᑎᒍᔭᐅᓚᐅᕐᑑᒃ ᑲᑎᕕᐅᑉ ᐳᓖᓯᖏᓐᓄᑦ ᑎᒻᒥᔫᕐᓂᐊᕕᒻᒧᑦ ᑎᑭᑦᑎᓗᒋᒃ. ᑭᖑᓂᖓᒍᑦ ᐅᓪᓗᓭᓐᓇᖅ, 2 kilograms-ᒋᐊᓪᓓᑦ ᓇᓂᔭᐅᓚᐅᕐᒥᔪᑦ ᕿᓈᔭᕐᕕᖃᕈᓐᓇᐅᑎᒃ ᐱᔭᐅᒌᕐᓯᒪᓕᕐᑎᓗᒍ.

ᑕᒪᖏᒃ ᐃᓅᒃ ᖃᐅᔨᓴᕐᑕᐅᓱᑎᒃ ᐊᐱᕐᓱᑕᐅᓚᐅᕐᑑᒃ ᐊᒻᒪᓗ ᐊᓂᑎᑕᐅᑦᓱᑎᒃ ᑎᒍᔭᐅᒪᕕᒻᒥᑦ ᐅᖃᓪᓚᕆᑦᑎᑕᐅᒌᕐᓱᑎᒃ ᐊᑐᐃᓐᓇᐅᒋᐊᖃᕐᓂᒥᓂᒃ ᐊᒻᒪᓗ ᑲᒪᒋᔭᐅᒋᐊᓪᓚᕆᐊᖃᕐᓂᒥᓂᒃ ᓱᕐᖁᐃᓯᑎᑕᐅᑦᓱᑎᒃ ᕿᓂᕐᓂᒥᒃ ᑲᔪᓯᑎᑦᓯᑎᓪᓗᒋᑦ ᐳᓖᓰᑦ.

ᑲᑎᕕᐅᑉ ᐳᓖᓯᖏᓐᓄᑦ ᑎᒍᔭᐅᔪᑦ $230,000 ᓴᓂᐊᓃᑦᑐᓂᒃ ᐊᑭᓪᓗᐊᖃᓚᐅᕐᑐᑦ. ᓂᐅᕐᕈᑕᐅᓲᑦ ᓰᑲᔨᐊᕐᓗᐃᑦ ᒪᔨᔪᐊᓀᑦ $40 ᐊᑕᐅᓯᖅ gram ᐊᑭᓪᓗᐊᖃᓲᑦ.

ʺᓇᑯᕐᒦᕈᒪᔪᖓ ᐱᓇᓱᐊᖃᑎᒌᑦᓯᐊᒪᕆᓚᐅᕐᒪᑕ ᑲᒪᒋᔭᖃᑦᓯᐊᓯᑏᑦ ᐳᓖᓰᑦ ᐊᒻᒪᓗ ᐱᓇᓱᐊᖃᑎᕗᑦ, ᒪᕐᕈᐃᒃ ᐱᒻᒪᕇᒃ ᐋᖓᔮᓐᓇᑐᓂᒃ ᑎᒍᔨᓐᓂᓚᕿᑦᓱᑎᒃ ᓄᓇᓕᓕᒫᓄᑦ ᑎᑭᐅᑦᔭᐅᔪᓂᒃ. ᑲᔪᓯᑎᑦᓯᓚᖓᔪᒍᑦ ᐱᒐᓱᐊᕈᑎᖃᑦᓯᐊᖏᓐᓇᓗᑕ ᓄᓪᓚᖓᓐᓇᑐᕐᑕᙯᓐᓇᖁᔨᒧᑦ ᐊᒻᒪᓗ ᓄᓇᓕᑦᑎᓂᒃ ᐊᑦᑕᓀᑦᑑᖁᔨᒧᑦ,ʺ ᓚᓚᐅᕐᑐᖅ ᒥᓯᐊᓪ ᒪᕐᑌᓐ, ᐳᓖᓰᑦ ᐊᖓᔪᕐᖄᖓ ᐊᒻᒪᓗ ᑭᓇᓕᒫᒃᑯᑦ ᐊᑦᑕᓀᑦᑐᒦᑦᑎᑕᐅᓂᖏᓐᓄᑦ ᐱᓇᓱᕝᕕᐅᑉ ᑲᒪᔨᒻᒪᕆᖓ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᖏᓐᓂ.

ᓄᓇᕕᒻᒥᐅᑦ ᓇᒧᑐᐃᓐᓇᖅ ᑐᓴᕐᑕᐅᒋᐊᖃᖕᖏᑐᓂᒃ ᑐᓴᕐᑕᐅᑎᑦᓯᒍᓐᓇᑐᑦ ᐱᖁᔭᓂᒃ ᓯᖁᒥᑦᓯᔪᓂᒃ ᖃᐅᔨᒍᑎᒃ ᑲᑎᕕᐅᑉ ᐳᓖᓯᖏᓐᓄᑦ ᐅᖄᒍᑎᖓᓄᑦ ᐊᑭᖃᖕᖏᑐᒧᑦ ᐅᕗᖓ 1-800-711-1800. ᐊᑭᓕᕐᑕᐅᓚᕿᒍᓐᓇᑐᑦ $2,000 ᑎᑭᓪᓗᒋᑦ ᑐᓴᕐᑎᓯᔪᑦ.