Latest News

ᐃᓚᑎᑦ ᐃᑯᐊᓚᒧᑦ ᐊᑦᑕᓇᕐᑐᒨᕐᓚᕿᑦᑌᓕᓪᓕᑦ

Wednesday, October 2nd, 2019
 
ᖃᐅᔨᒪᕖᑦ ᐃᑯᐊᓪᓚᑐᒐᓚᓕᒫᑦ ᐱᐊᕋᕐᓄᑦ ᐱᒋᐊᕐᑎᑕᐅᓯᒪᒻᒪᑕ?
KRG-ᑯᑦ ᐊᑦᑕᓇᖕᖏᑐᒦᑦᑎᓯᒋᐊᕐᓂᒧᑦ ᐱᑦᔪᔨᕕᖓ ᐱᒍᓐᓇᕕᓕᒫᒥᓄᑦ ᐱᐊᕋᕐᓂᒃ ᐃᑲᔪᕈᒪᔪᑦ. ᐊᑦᑕᓇᖕᖏᑐᒦᓪᓚᕆᒋᐊᖃᕐᓂᖏᑦ ᓯᕗᓪᓕᐸᐅᑎᓗᒍ. ᑌᒣᑎᒍᕕᒃᑭᑦ, ᐃᓚᑎᑦ ᐊᓂᕐᕋᒥ ᐃᑲᔪᕐᓯᓚᖓᔭᑎᑦ.
  • ᒫᑦᓴᓰᑦ ᐃᑭᑦᑕᐅᑏᓪᓗ ᐱᐊᕋᕐᓄᑦ ᐊᑐᐃᓐᓇᐅᑎᒍᓐᓀᓗᒋᑦ

     

ᐃᑭᑦᑕᐅᑏᑦ ᒫᑦᓴᓰᓪᓗ ᓴᓂᕐᕙᓯᒪᒋᐊᓖᑦ ᐊᑐᐃᓐᓇᐅᑎᒍᓐᓀᓗᒋᑦ ᐱᐊᕋᕐᓄᑦ. ᓄᑲᕐᓯᐊᐲᑦ ᐃᓕᑦᓯᑎᓗᒋᑦ ᐃᓄᒻᒪᕆᓄᑦ ᑲᒪᒋᔭᑦᓴᔭᐅᒋᐊᖏᑦ, ᐱᖕᖑᐊᖑᒐᑎᒃ.

ᐊᖓᔪᑦᓰᑦ ᐱᐊᕃᑦ ᐃᓕᑦᓯᑎᑕᐅᒋᐱᐊᓖᑦ ᒫᑦᓴᓯᓂᒃ ᐃᑭᑦᑕᐅᑎᓂᓘᓐᓃᑦ ᐃᓄᒻᒪᕆᓅᕐᓯᖃᑦᑕᖁᔭᐅᓗᑎᒃ ᐊᑦᑕᓇᕐᑐᒨᖁᓇᒋᑦ ᓄᑲᕐᓰᑦ.

  • ᐱᐊᕃᑦ ᐃᓕᑦᓯᑎᓗᒋᑦ ᐃᑯᐊᓚ ᖃᓄᑎᒋᑦ ᓱᒃᑯᐃᒍᓐᓇᓂᖓᓂᒃ ᕿᒪᒍᓐᓀᓗᒋᓗ ᑲᒪᒋᔨᖃᕐᑎᓇᒋᑦ

 

ᐊᒥᓱᑦ ᐃᑯᐊᓪᓚᓲᑦ ᐱᐊᕃᑦ ᑲᒪᒋᔭᐅᑎᓐᓇᒋᑦ. ᐱᐊᕃᑦ ᐊᔪᒉᓪᓘᓲᑦ ᐃᑯᐊᓚᒥᒃ, ᑌᒣᒻᒪ ᐃᓕᑦᓯᑎᒋᐊᓖᑦ ᐊᑦᑕᓇᕐᓂᖓᓂᒃ. ᐃᑯᐊᓚᒥᒃ ᐊᑐᕐᓂᓗᒋᐊᖃᖕᖏᒋᐊᖏᑦ ᐃᓕᑦᓯᑎᑦᓯᐊᓗᒋᑦ ᐊᒻᒪᓗ ᐊᑦᑕᓀᑦᑐᒦᑦᓯᐊᖃᑦᑕᖁᓗᒋᑦ.

  • ᐅᕐᓱᐊᓗᖃᐅᑏᑦ ᐃᓗᓕᓖᑦ ᓄᖑᑦᓯᒪᔪᐃᓪᓗ ᐃᓪᓗᐊᐱᒻᒥ ᐊᑦᑐᖏᕐᓯᒪᔪᒦᑦᑎᒋᐊᓖᑦ.

     

ᐃᓪᓗᐊᐱᒃ ᐊᑦᓱᖏᕐᓯᒣᓐᓇᕆᐊᓕᒃ ᐱᐊᕋᕐᓄᑦ ᐊᑐᐃᓐᓇᕆᔭᐅᖁᓇᒋᑦ!

ᑕᒡᒐᓂ ᑕᕐᕿᒥ, ᐃᓚᑎᑦ ᐃᑯᐊᓚᒧᑦ ᐊᑦᑕᓇᕐᑐᒨᓚᕿᑎᑦᑌᓕᒃᑭᑦ!