Latest News

ᑲᖏᕐᓱᐊᓗᑦᔪᐊᒥ 473 ᐄᒉᑦ ᓄᓪᓚᖓᒍᑎᑦᓴᔦᑦ Mehtamphetamine ᑎᒍᔨᓐᓂᒍᑕᐅᔪᑦ

Tuesday, April 21, 2020
 
ᑲᑎᕕᐅᑉ ᐳᓖᓯᖏᑦ ᑲᔪᓯᑎᑦᓯᓚᐅᕐᑐᑦ ᕿᓈᔭᕈᑎᒥᒃ ᑲᖏᕐᓱᐊᓗᑦᔪᐊᒥ ᐁᐸᔭᓕ 19-ᒥ, ᑎᒍᔨᓐᓂᓚᕿᑦᓱᑎᒃ 473-ᓂᒃ ᐄᒐᕐᓂᒃ ᓄᓪᓚᖓᒍᑎᑦᓴᔭᓂᒃ Methamphetamine. ᓂᐅᕐᕈᑕᐅᒍᑎᒃ ᐊᑭᓕᓐᓂᒃ ᑎᒍᔨᓐᓂᓚᐅᕐᑐᑦ  $23,650 ᓴᓂᐊᓃᑦᑐᓂᒃ.

ᐁᐸᔭᓕ 18-ᒥ, ᑲᑎᕕᐅᑉ ᐳᓖᓯᖏᑦ ᐃᓄᓐᓄᑦ ᑐᓴᕐᑎᑕᐅᓚᐅᕐᑐᑦ ᐃᓕᒪᓇᕐᑐᖃᓕᕐᓂᖓᓂᒃ, ᐳᓖᓰᑦ ᕿᓄᒍᑎᖃᓯᓚᐅᕐᑐᑦ ᕿᓈᔭᕈᑎᒥᒃ ᐁᑦᑐᑕᐅᒍᒪᑦᓱᑎᒃ. ᕿᓈᔭᕈᑎᒃ ᐱᔭᐅᓚᐅᕐᑐᖅ ᐊᒻᒪᓗ ᐊᑐᕐᑕᐅᑎᑕᐅᑦᓱᓂ ᐁᐸᔭᓕ 19-ᒥ.  

ᐃᓪᓗᕆᔭᐅᔪᒥ, ᐳᓖᓰᑦ ᑎᒍᔨᓐᓂᓚᐅᕐᑐᑦ 473-ᓂᒃ ᐄᒐᕐᓂᒃ methamphetamine-ᓂᒃ ᑎᒍᔨᓐᓂᓚᐅᕐᑐᑦ ᓂᐅᕐᕈᑕᐅᒍᑎᒃ ᐊᑭᓕᓐᓂᒃ ᑎᒍᔨᓐᓂᓚᐅᕐᑐᑦ $23,650 ᓴᓂᐊᓃᑦᑐᓂᒃ.

"ᑲᖏᕐᓱᐊᓗᑦᔪᐊᒥ ᐱᓇᓱᐊᕈᓯᕐᒥ ᑎᒍᔨᓐᓂᓚᐅᕐᑐᑦ ᑐᖓᓕᐊᓂ", ᓚᓚᐅᕐᑐᖅ ᐳᓖᓰᑦ ᓯᕗᓕᕐᑎᖓ ᒫᒃᓰᒻ ᒥᐊᕐᓭ. "ᑖᓐᓇ ᑎᒍᔨᓐᓂᓂᖅ ᐃᓄᓐᓂᒃ ᑫᓪᓗᑐᐃᓚᕿᐅᑕᐅᓚᖓᔪᖅ ᑲᔪᓯᖁᔭᐅᒻᒪᑕ ᐃᓕᒪᓇᕐᑐᓂᒃ ᑐᓴᕐᑕᐅᑎᑦᓯᕙᖁᔭᐅᑦᓱᑎᒃ ᓄᓇᓕᓐᓂ ᐊᑦᑕᓀᑦᑐᖃᕐᓂᓴᐅᓚᖓᒻᒪᑦ".

ᖃᐅᔨᓴᕐᓂᖅ ᑲᔪᓯᔪᖅ.


ᖃᓄᑐᐃᓐᓇᖅ ᑐᑭᓯᐅᑎᑦᓭᑦ ᐱᑦᔪᑎᒋᓗᒋᑦ ᐃᓕᒪᓇᕐᑐᓂᒃ ᐱᓇᓱᐊᕐᑐᑦ, ᐃᓚᐅᑎᓪᓗᒋᑦ ᐱᖁᔦᑦ ᓯᖁᒥᑦᓱᒋᑦ ᓂᐅᕐᕈᓭᔪᑦ ᐋᖓᔮᓐᓇᑐᓂᒃ ᐊᒻᒪᓗ ᐃᒥᐊᓗᓐᓂᒃ, ᐅᖃᕈᑎᖃᕈᓐᓇᐳᑦ Crime Stoppers-ᑯᓄᑦ ᓯᕙᓂᕐᓗᒋᑦ ᐅᕗᖓ: 1-800-711-1800. ᑐᑭᓯᐅᑎᑦᓴᑖᕐᑎᓯᔪᖅ ᐁᑦᑐᑕᐅᓚᕿᒍᓐᓇᑐᖅ ᐊᑭᓕᕐᑕᐅᓗᓂ $2,000 ᑎᑭᓪᓗᒋᑦ.​