Latest News

ᑐᓴᕋᑦᓭᑦ: ᐳᓖᓯᒃᑯᑦ ᑐᓴᕐᑕᐅᑎᑕᖏᑦ

Tuesday, August 22, 2017
 
ᐊᐅᒍᓯᑎ 15, 2017-ᒥ, ᐅᔭᕋᕐᓂᐊᑐᑦ ᖁᓖᒻᒥᒎᓕᒃᑰᓱᑎᒃ ᑕᑯᔪᕕᓃᑦ ᐃᓄᕕᓂᕐᓂᒃ ᓴᓂᐊᓃᑦᑐᓂᒃ ᕿᒪᑦᑕᐅᓂᑰᑉ ᖃᒧᑎᑲᓪᓚᐅᑉ 25 ᑭᓗᒦᑕᓂᒃ ᐅᖓᓯᓐᓂᓕᒻᒥ ᑕᕐᕋᒥ ᓄᓇᓕᓐᓂ ᐃᕗᔨᕕᒻᒥᑦ.

ᑐᓴᕐᑎᑕᐅᑦᓱᑎᒃ, ᑲᑎᕕᐅᑉ ᐳᓖᓯᖏᑦ ᐁᕕᖃᓚᐅᔫᑦ ᐃᓕᔨᒋᐊᕐᑐᕕᒋᑦᓱᒍ ᐊᕙᑎᖓ ᐁᕕᐅᒌᒃᑯᑎᓂᒃ ᐊᒻᒪᓗ ᕿᒥᕐᕈᓯᐊᕐᓂᖃᕐᓱᑎᒃ ᓱᕐᖁᐃᓯᒐᓱᐊᕐᓱᑎᒃ ᖃᓄᐃᓕᑦᓱᑎᒃ ᑐᖁᓐᓂᒪᖔᑕ. ᕿᒥᕐᕈᓱᑎᓪᓗ ᑐᑭᓯᐅᑎᑦᓴᑕᕐᑕᐅᓯᒪᔪᓂᓪᓗ ᖃᐅᔨᒐᓱᐊᕐᓱᑎᒃ ᑐᑭᓯᐅᑎᑦᓴᑕᕐᕕᒥ ᐃᓄᓐᓂᒃ ᐊᓯᐅᓯᒪᔪᓂᒃ.

 ᖃᐅᔨᓴᕐᑕᐅᔪᑦ ᓱᓕ ᑭᓯᐊᓂ ᓯᕗᓪᓕᐹᒥ ᑕᑯᔭᐅᑦᓱᑎᒃ ᐳᓖᓯᓄᑦ, ᖃᓄᓕᒫᖅ ᓇᓗᓇᕐᑕᐅᔪᕕᓃᒃ ᐱᖁᔭᕐᓂᒃ ᓯᖁᒥᑦᓯᔪᒧᑦ ᑌᒣᓚᕿᔭᐅᓐᓂᖏᒋᐊᖏᑦ. ᖃᐅᔨᒪᔪᓪᓚᕆᖁᑎᖏᑦ Laboratoire de sciences judiciaires et de médecine légale (ᓱᑯᐃᔦᓂᑎᒍᑦ ᑐᖁᖓᔪᓂᒃ ᖃᐅᔨᒐᓱᐊᕐᕕᒃ) ᕿᒥᕐᕈᓛᕐᑐᑦ ᐃᓄᕕᓂᕐᓂᒃ ᓇᓗᓀᕐᓯᒋᐊᕐᓗᑎᒃ ᑭᓇᒃᑰᓂᕐᒪᖔᑕ. Laboratoire ᐃᒻᒥᒎᕐᑐᑦ ᑲᔪᓯᑎᑦᓯᓲᑦ ᖃᐅᔨᒪᓪᓚᕆᓐᓂᒥᒍᑦ ᑭᒡᒐᑐᕈᑎᓂᒃ ᓱᑯᐃᔦᓂᕐᓂ ᐊᒻᒪᓗ ᐃᓅᒍᓐᓀᕈᑎᕕᓂᕐᓂ ᐱᖁᔭᕐᓄᐊᖓᔪᑎᒍᑦ ᐱᓇᓱᒐᖃᕐᓱᑎᒃ.