The KRPF and the coroner

ᐱᓇᓱᐊᕐᐸᒋᐊᓕᒃ ᐅᑯᐊ ᒪᓕᓪᓗᒋᑦ:

• ᐱᒻᒪᕆᑎᒍᑦ ᑎᒥᖏᑦ ᓱᒃᑯᓚᕿᓯᒪᔪᓂᒃ (ᐋᓐᓂᓱᑎᒃ, ᐃᒻᒥᓂᐊᕐᓱᑎᒃ, ᐁᑉᐸᒥᓄᑦ ᑐᖁᑕᐅᑦᓱᑎᒃ), ᓱᓐᓂᒪᖔᑕ ᖃᐅᔨᒪᔭᐅᖕᖏᑐᓂᒃ ᐅᕝᕙᓘᓐᓃᑦ ᑲᒪᒋᔭᐅᑦᓯᐊᖏᓐᓂᒥᓄᑦ;

• ᑐᖁᓚᕿᐅᑎᕕᓂᖏᑦ ᖃᐅᔨᒪᔭᐅᖕᖏᑐᓂᒃ;

• ᐃᓄᒃ ᑐᖁᖓᔪᖅ ᑭᓇᐅᒻᒪᖔᑦ ᖃᐅᔨᒪᔭᐅᖕᖏᒪᑦ;

• ᐃᓅᒍᓐᓀᑐᖃᕐᒪᑦ ᒪᒥᓴᕐᕕᒦᑦᑐᓂᒃ, ᑎᒍᔭᐅᒪᔪᓂᒃ ᐅᕝᕙᓘᓐᓃᑦ ᐊᓂᑎᑕᐅᑦᑌᓕᕕᒻᒦᑐᓂᒃ, ᐃᑉᐱᒋᔭᐅᒻᒪᕆᕝᕕᒦᑦᑐᓂᒃ ᑐᑭᖏᑦᑕ ᐃᓗᐊᓃᑦᑐᓂ ᐅᕕᒃᑫᑦ ᓴᐳᒻᒥᔭᐅᓂᖏᓐᓄᑦ ᐱᖁᔭᐅᑉ, ᐳᓖᓯᑦᑕᐅᒪᕕᒻᒥ, ᐯᕆᑦᓯᕕᒻᒥ, ᐃᓚᒥᑕ ᐊᓯᐊᓃᑦᑎᑕᐅᔪᓂᒃ ᐊᒻᒪᓗ ᑎᒍᔭᐅᒪᕕᑎᒍᑦ ᐋᓐᓂᐊᕕᒻᒦᑐᓂᒃ.

ᓱᓇᓂᒃ ᑎᓕᔭᐅᒪᒍᑎᖃᕐᐸ ᑐᖁᒍᑕᐅᔪᕕᓂᕐᓂᒃ ᖃᐅᔨᓴᕐᑎ?

10%-ᓗᐊᖏᑦ ᑐᖁᔪᑦ ᑯᐯᒻᒥ ᑐᓴᕐᑕᐅᑎᑕᐅᓲᑦ ᑐᖁᒍᑕᐅᔪᓂᒃ ᖃᐅᔨᓴᕐᑎᒧᑦ. ᑎᓕᔭᐅᒪᒍᑎᓂᒃ ᐅᑯᓂᖓ ᑕᓪᓕᒪᓂᒃ ᑭᐅᒋᐊᖃᕐᓱᓂ:

• ᑭᓇᐅᕙ ᑐᖁᔪᖅ?

• ᓇᓃᑦᓱᓂ ᑖᓐᓇ ᑐᖁᔪᕕᓂᖅ?

• ᖃᖓ ᑖᓐᓇ ᑐᖁᔪᕕᓂᖅ?

• ᓱᓇᒧᑦ ᑐᖁᓚᕿᔪᕕᓂᐅᔮᕐᐸ?

• ᖃᓄᐃᓕᑦᓱᓂ ᓇᓃᑦᓱᓂ ᑐᖁᓚᕿᓐᓂᖃ?

ᑭᐅᓗᒋᑦ ᑕᓪᓕᒪᑦ ᐊᐱᕐᓲᑏᑦ, ᑐᖁᒍᑕᐅᔪᓂᒃ ᖃᐅᔨᓴᕐᑎ ᑲᔪᓯᑎᑦᓯᓲᖅ ᕿᒥᕐᕈᓂᕐᓂᒃ ᐊᒻᒪᓗ ᐃᓄᐃᑦ ᐊᐱᕐᓱᑕᐅᓂᖏᓐᓂᒃ ᐊᒻᒪᓗ ᐊᑐᐃᓐᓇᕈᕐᑎᕆᑦᓱᓂ ᐃᓄᓐᓂᒃ ᑐᓴᕐᑎᓯᒍᑎᑦᓴᓂᒃ ᖃᐅᔨᔭᒥᓂᒃ. ᒋᐊᖃᕈᓂ, ᑐᖁᒍᑕᐅᔪᓂᒃ ᖃᐅᔨᓴᕐᑎ ᓯᕗᓂᕐᒥ ᑌᒫᑦᓭᓇᖅ ᑐᖁᓚᕿᔪᖃᕐᑎᓯᑦᑌᓕᒍᑎᑦᓴᓂᒃ ᑐᓴᕐᑎᓯᓲᖅ. ᑭᓯᐊᓂ, ᖃᓄᕐᓘᓃᑦ ᐃᓅᖃᑎᒌᓂ ᐅᕝᕙᓘᓐᓃᑦ ᐱᖁᔦᑦ ᓯᖁᒥᑦᓱᒋᑦ ᐊᑑᑎᔪᕕᓂᕐᓄᑦ ᐸᑦᓯᑎᑦᓴᓕᐅᕐᖃᔭᒐᓛᖕᖏᑐᖅ ᑐᑭᑖᕈᒍᓐᓇᕋᓂ ᓱᔭᐅᔪᖃᕆᐊᖃᕐᒪᖔᑦ.

ᖃᐅᔨᓴᕐᓂᖅ ᑲᔪᓯᑎᑕᐅᒍᓐᓇᑐᖅ ᐃᑲᔪᕐᑎᓗᒋᑦ ᐅᑯᐊ:

ᐃᓄᐊᕐᑕᐅᓯᒪᔪᓄᑦ ᓱᕐᖁᐃᓯᒍᑎᑦᓴᓄᑦ ᓱᑯᐃᔦᓂᐅᑉ ᖃᐅᔨᓴᕐᕕᖓ ᐊᒻᒪᓗ ᐋᓐᓂᐊᓯᐅᑏᑦ ᓱᕐᖁᐃᓯᒋᐊᕐᕕᖓ (LSJML)

ᑎᒥᒥᒃ ᕿᒥᕐᕈᓂᖅ, ᑎᒥᑎᒍᑦ ᓇᒻᒥᓂᕆᔭᐅᓪᓚᕆᑦᑐᓂᒃ ᕿᒥᕐᕈᓂᖅ, ᑐᖁᓚᕿᐅᑕᐅᔪᓂᒃ ᓱᕐᖁᐃᓯᒍᑕᐅᒍᓐᓇᑐᓂᒃ ᖃᐅᔨᓴᕐᓂᖅ ᐊᒻᒪᓗ ᑭᒍᑎᓐᓂᐊᓂᖅ ᐃᓚᒋᔭᐅᕗᑦ ᓱᑯᐃᔦᔩᑦ ᐱᔪᓐᓇᓚᕆᐅᑎᒋᔭᖏᓐᓄᑦ LSJML ᐱᓇᓱᐊᓲᕆᑦᓱᒋᑦ ᕿᓄᕕᐅᒐᒥᒃ ᐃᓅᒍᓐᓀᕈᑕᐅᔪᓂᒃ ᖃᐅᔨᓴᕐᑎᒧᑦ. ᖃᐅᔨᓴᕐᑎ ᐅᑕᕐᕿᒋᐊᖃᓲᖅ LSJML ᑐᓴᕐᑎᓯᐅᑎᖏᓐᓂᒃ ᐱᓇᓱᐊᓪᓚᕆᐅᑎᒋᑦᓱᒋᑦ ᓄᐃᑦᓯᖏᓐᓂᒥᓂ ᓇᒻᒥᓂᖅ ᑐᓴᕐᑎᓯᐅᑎᓕᐊᒥᓂᒃ.

ᓱᒃᑯᓇᕐᑐᓕᕆᕕᒃ ᐱᓇᓱᕝᕕᒃ ᑭᒡᒐᑐᕐᑎᐅᓱᓂ ᓇᓂᓕᒫᖅ ᑯᐯᒻᒥ ᑭᓇᓕᒫᒃᑯᓄᑦ ᐃᓗᓯᕐᓱᓂᓕᕆᕕᖓᑕ ᓱᒃᑯᓇᕐᑐᓕᕆᕕᒃ ᑲᔪᓯᑎᑦᓯᓲᖅ ᖃᐅᔨᓴᕐᓂᓂᒃ ᓱᕐᖁᐃᓯᒐᓱᐊᕐᓱᑎᒃ ᐃᓗᓕᖃᕐᒪᖕᖔᑦ ᑐᖁᖓᔪᖅ ᐋᖓᔮᓐᓇᑐᓂᒃ, ᐄᒐᕐᓂᒃ ᐅᕝᕙᓘᓐᓃᑦ ᐃᒥᐊᓗᒻᒥᒃ. ᑖᒃᑯᐊ ᖃᐅᔨᔭᖏᑦ ᐱᕐᖄᓗᒋᑦ ᐃᓅᒍᓐᓀᕈᑕᐅᔪᓂᒃ ᖃᐅᔨᓴᕐᑎᐅᑉ ᑭᓯᐊᓂᐅᒻᒥᔪᖅ ᑐᓴᕐᑎᓯᐅᑎᒥᓂᒃ ᐊᓪᓚᓚᐅᕋᓂ.

ᐊᑯᓃᕈᑕᐅᓲᑦ:

ᑖᒃᑯᐊᓕᒫᑦ ᖃᐅᔨᓴᕐᓃᑦ ᐆᑦᑐᕋᕐᓃᑦ ᐊᒻᒪᓗ ᕿᒥᕐᕈᓃᑦ ᐱᔭᕆᐊᑭᖕᖏᑐᑦ. LSJML ᖃᐅᔨᔭᖏᑦ ᐱᔭᐅᑲᐱᓲᒍᖕᖏᑐᖅ ᐊᕐᕌᒍᓕᒫᕈᓐᓇᓱᑎᐊᓪᓛᑦ ᑭᖑᓪᓕᐹᕐᓯᓇᓵᕈᑎᒋᒍᓐᓇᑕᖏᑦ ᐳᓖᓰᑦ ᑐᓴᕐᑎᓯᐅᑎᒥᓂᒃ ᐅᕝᕙᓘᓐᓃᑦ ᐃᓅᒍᓐᓀᕈᑕᐅᔪᓂᒃ ᖃᐅᔨᓴᕐᑎᐅᑉ.