Latest News

ᒪᕐᕉᒃ ᑲᑎᕕᐅᑉ ᐳᓖᓯᒋᒃ ᐅᐱᒋᔭᐅᒍᑎᑖᕐᑎᑕᐅᔫᒃ ᑯᐯᒃ ᓯᑎᒥ

Tuesday, June 13, 2017
 
ᔫᓂ 8-ᒥ, ᑯᐯᒃ ᓯᑎᒥ, ᐳᓖᓰᑦ ᓯᕗᓕᕐᑎᖓ ᔮᓐ-ᕗᔮᓐᓱᐊ ᒧᐊᕌᓐ ᐊᒻᒪᓗ ᐳᓖᓰᑦ ᑭᒡᒐᑐᕐᑎᖓ ᒣᑯ ᕕᓪᑐ ᓴᕝᕕᒥᐅᑕᕐᑖᓚᐅᕐᑑᒃ ᐅᐱᒋᔭᐅᒍᑎᒥᒃ ᑲᑎᕐᓱᓯᒪᓕᕐᑐᓂ ᐊᕐᕌᒍᓂ ᑭᒡᒐᑐᕐᓯᒪᓕᕐᓂᒥᓄᑦ ᑲᑎᕕᐅᑉ ᐳᓖᓯᖏᓐᓂᒃ 2017-ᒥ ᑯᐯᒻᒥ ᓄᓇᖃᕐᖄᑐᕕᓃᑦ ᐳᓖᓰᑦ ᐊᖓᔪᕐᖄᖏᑦ ᐋᕐᕌᒍᑕᒫᕐᓯᐅᑎᒥᒃ ᑲᑎᒪᓂᒻᒪᕆᖃᕐᑎᓗᒋᑦ.

ᑕᒪᒋᒃ ᐱᓇᓱᑦᑎᒋᔭᐅᓯᒪᓕᕐᑑᒃ ᑲᑎᕕᐅᑉ ᐳᓖᓯᖏᓐᓄᑦ 15-ᓂ ᐊᕐᕌᒍᓂ.

ᐸᕐᓀᑕᐅᓯᒪᔪᖅ ᐊᑑᑎᔭᐅᓚᐅᕐᑐᖅ Ministère de la Sécurité publique-ᒧᑦ  ᔫᓂ 6-ᒥᑦ 8-ᒧᑦ, ᐊᒻᒪᓗ ᑲᒪᒋᔭᐅᓪᓚᕆᓚᐅᕐᑎᓗᒋᑦ ᐱᓇᓱᐊᕐᓯᒪᓂᖏᑦ 12 ᐳᓖᓰᑦ ᐱᓇᓱᐊᕐᑐᑦ ᓄᓇᖃᕐᖄᑐᕕᓃᑦ ᓄᓇᓕᖏᓐᓂ 15-ᓂ 30-ᓄᑦ ᐊᕐᕌᒍᓂ. ᒥᓯᐊᓪ ᒪᕐᑌ, ᑲᑎᕕᐅᑉ ᐳᓖᓯᖏᑦᑕ ᐊᖓᔪᕐᖄᖓ ᐊᒻᒪᓗ ᑲᒪᔨᒻᒪᕆᐅᑦᓱᓂ ᑭᓇᓕᒫᒃᑯᑦ ᐊᑦᑕᓀᑦᑐᒦᑦᑎᑕᐅᓂᖏᓐᓄᑦ ᐱᓇᓱᕝᕕᖓᓂ ᑲᑎᕕᒃ ᓄᓇᓕᓕᒫ ᑲᕙᒪᖓᓂ ᐊᒻᒪᓗ ᐱᓄᐊ ᐸᓛᓐᑦ, ᐳᓖᓰᑦ ᐊᖓᔪᕐᖄᖓᑕ ᑐᖓᓕᐊ ᐊᐅᓚᑦᓯᓂᕐᒥ, ᐃᓄᐃᑦ ᐊᑦᑕᓀᑦᑐᒦᑦᑎᑕᐅᓂᖏᓐᓄᑦ ᓴᐳᑦᔭᐅᓂᖏᓐᓄᓗ ᑲᑎᒪᔪᓃᖃᑕᐅᓚᐅᕐᒥᔪᖅ ᐃᓚᐅᑎᓪᓗᒍ ᑐᕐᖃᑕᕐᕕᒃ ᒪᕐᑌ ᑯᐊᑑ.

ᐳᓖᓰᑦ ᓯᕗᓕᕐᑎᖓ ᔮᓐ-ᕗᔮᓐᓱᐊ ᒪᐊᕌ ᐱᓇᓱᐊᕐᑐᖅ ᐳᕕᕐᓂᑐᒥ, ᐊᒻᒪᓗ ᐳᓖᓰᑦ ᑭᒡᒐᑐᕐᑎᖓ ᒣᑯ ᕕᓪᑑ, ᑰᑦᔪᐊᒥ ᐱᓇᓱᐊᕐᑎᓗᒍ.