Latest News

ᑲᑎᕕᐅᑉ ᐳᓖᓯᒋᒃ ᓴᕝᕕᒥᐅᑦᓯᔭᐅᔫᒃ ᑯᐯᒃ ᓯᑎᒥ

Tuesday, June 19, 2018
ᓴᐅᒥᐊᓂᑦ ᑕᓕᕐᐱᐊᓄᑦ: ᐳᓖᓰᑦ ᑭᒡᒐᑐᕐᑎᖓ ᖃᐅᔨᓴᕐᑎ ᑭᐊᓂᔅ ᐹᓇᐱ, ᐊᖓᔪᕐᖄᖓ ᔮᓐ-ᐱᐊᕐ ᓚᕈᔅ ᐊᒻᒪᓗ ᐳᓖᓰᑦ ᓯᕗᓕᕐᑎᖓ ᑑᓂ ᐸᑭᐊᑦ.
2018-ᒥ ᑯᐯᒻᒥ ᓄᓇᖃᕐᖄᑐᕕᓂᕐᓂ ᐳᓖᓰᑦ ᐊᖓᔪᕐᖄᖏᑦ ᐊᕐᕌᒍᑕᒫᕐᓯᐅᑎᒥᒃ ᑲᑎᒪᓂᖃᕐᑎᓗᒋᑦ, ᐊᖓᔪᕐᖄᖅ ᑑᓂ ᐸᑭᐊᑦ ᐊᒻᒪᓗ ᐳᓖᓰᑦ ᓯᕗᓕᕐᑎᖓ ᖃᐅᔨᓴᕐᑎ ᑭᐊᓂᔅ ᐹᓇᐱ ᓴᕝᕕᒥᐅᓯᕐᐅᓚᐅᕐᑑᒃ ᑲᑎᕕᐅᑉ ᐳᓖᓯᖏᓐᓂ ᐃᓕᒪᓕᕐᓂᖏᓐᓄᑦ ᐊᕐᕌᒍᓂ ᐊᒥᓱᓂ.

ᑕᒪᖏᒃ ᐳᓖᓰᒃ ᑲᑎᕕᐅᑉ ᐳᓖᓯᖏᓐᓂ ᐱᓇᓱᑦᑎᐅᓯᒪᓕᕐᑑᒃ ᐊᕐᕌᒍᓂ 15-ᓂ.

ᐊᑑᑎᓂᖃᓚᐅᕐᑐᖅ ᐸᕐᓀᑕᐅᓯᒪᑦᓱᓂ Ministère de la Sécurité publique-ᒧᑦ, ᑲᑎᒪᓂᖅ ᔫᓂ 12-ᒥᑦ 14-ᒧᑦ, ᑲᒪᒋᔭᐅᓪᓚᕆᑦᑎᓗᒋᑦ ᑭᒡᒐᑐᕐᓯᒪᓕᕐᓂᖏᑦ 24 ᐳᓖᓰᑦ ᐱᓇᓱᐊᕐᓯᒪᓕᕐᑐᑦ ᓄᓇᖃᕐᖄᑐᕕᓃᑦ ᓄᓇᓕᖏᓐᓂ 15-ᓂᑦ 14-ᓄᑦ ᐊᕐᕌᒍᓂ. ᔮᓐ-ᐱᐊᕐ ᓚᕈᔅ, ᑲᑎᕕᐅᑉ ᐳᓖᓯᖏᑦᑕ ᐊᖓᔪᕐᖄᖓ ᐊᒻᒪᓗ ᑲᒪᔨᒻᒪᕆᒋᑦᓱᓂᐅᒃ ᓄᓇᓕᓐᓂ ᐊᑦᑕᓀᑦᑐᒦᑦᑎᓯᓂᕐᓄᑦ ᐱᓇᓱᕝᕕᖓᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐁᓯᒪᓚᐅᕐᒥᔪᖅ ᐃᓚᐅᑎᓪᓗᒋᒃ ᑐᕐᖃᑕᕐᕕᒃ ᑲᒪᒋᔭᓕᒃ ᓄᓇᖃᕐᖄᑐᕕᓂᓕᕆᓂᕐᓂᒃ, ᔨᐊᕗᔨ ᑭᐊᓕ ᐊᒻᒪᓗ ᓄᓇᓕᓕᕆᓂᕐᓄᑦ, ᓄᓇᓖᑦ ᐊᑦᑕᓀᑦᑐᒦᑦᑎᑕᐅᓂᖏᓐᓄᑦ ᐊᒻᒪᓗ ᑐᕐᖃᑕᕐᕕᒃ ᑲᒪᒋᔭᓕᒃ ᒪᓐᑐᔨᐊᓚᐅᑉ ᓄᓇᖓᓂᒃ, ᒪᕐᑌᓐ ᑯᐃᑐ.


ᐊᒥᓱᑦ ᑲᑎᒪᓃᑦ ᐊᒻᒪᓗ ᑲᑎᒪᓂᒻᒪᕇᑦ ᐃᓕᒃᑰᑎᕐᑐᑦ ᐸᕐᓀᑕᐅᓯᒪᓚᐅᕐᒥᑦ ᑲᑎᒪᓂᖃᕐᑎᓗᒍ ᐱᖓᓱᓂᒃ ᐅᓪᓗᑐᕐᑐᒥᒃ. ᐁᑦᑐᑐᐃᓂᖃᓚᐅᕐᑐᖅ ᐅᓪᓗᐃᑦ ᑭᖑᓪᓕᐹᖓᓂ, ᔫᓂ 14-ᒥ.

ᐳᓖᓰᑦ ᓯᕗᓕᕐᑎᖓ ᐸᑭᐊᑦ ᐱᓇᓱᐊᕐᑐᖅ ᓴᓪᓗᓂ, ᐊᒻᒪᓗ ᐳᓖᓰᑦ ᑭᒡᒐᑐᕐᑎᖓ ᖃᐅᔨᓴᕐᑎ ᐹᓇᐱ, ᐱᓇᓱᐊᕐᑐᖅ ᑰᑦᔪᐊᒥ.