Latest News

ᐃᒥᐊᓗᒻᒥᒃ ᓂᐅᕐᕈᓯᕐᓂᖅ ᐱᖁᔭ ᓯᖁᒥᑦᓱᒍ ᑰᑦᔪᐊᒥ: ᑎᒍᔭᕕᓃᑦ $13,000 ᑮᓇᐅᔭᑐᐃᓐᓇᐃᑦ ᐳᓖᓯᓄᑦ

Tuesday, June 1st, 2021
ᐃᓪᓘᑉ ᐃᓗᐊᓂ ᕿᓂᕐᓂᖅ ᑰᑦᔪᐊᒥ ᓄᐃᑦᓯᒍᑎᐅᓚᕿᓐᓂᖁᖅ ᑎᒍᔨᓂᕐᒥᒃ $13,000ᓂᒃ ᑮᓇᐅᔭᑐᐃᓐᓇᓂᒃ ᐊᒻᒪᓗ ᑲᖕᖑᓇᕐᑐᑦ ᑐᓴᐅᒪᔭᐅᒋᐊᓖᑦ ᐱᖁᔭᓂᒃ ᓯᖁᒥᑦᓯᓂᕐᒨᓕᖓᔪᑦ.
 

ᒪᐃ 29ᒥ, ᑲᑐᑦᔨᔪᑦ ᓄᓇᕕᒻᒥ ᖃᐅᔨᓴᕐᑏᑦ, ᑯᐸᐃᒃᑯᑦ ᐳᓖᓯᖏᓐᓂᒃ ᐊᒻᒪᓗ ᐃᓐᐲᐃᔅᑯᑦ ᐳᓖᓯᖏᓐᓂᒃ ᐃᓚᓖᑦ, ᕿᓂᕐᓂᖁᑦ ᐃᓪᓗᒥ ᓇᒻᒥᓂᕆᔭᒥ ᑰᑦᔪᐊᒥ.  ᕿᓂᕐᓂᖅ ᐱᒍᓐᓇᑎᑕᐅᓐᓂᖁᖅ ᐱᖁᔭᖕᖑᑎᑕᐅᓯᒪᔪᒧᑦ ᓲᓱᑦᓴᓂᕐᒧᑦ ᐊᓐᓂᔭᕐᓂᓄᑦ ᐃᒥᐊᓗᓐᓅᓕᖓᔪᓄᑦ ᐃᒥᕋᕐᓄᑦ.

ᕿᓂᕐᓂᖅ ᑎᒍᔨᔭᐅᓚᕿᑎᑦᓯᓱᓂ ᐳᓪᓚᐅᔭᒥᒃ ᕚᑦᑲᒥᒃ, ᐊᒥᓱᒐᓚᓐᓂᒃ ᓂᐅᕕᕈᑎᕕᓂᕐᓂᒃ ᐊᓪᓚᕕᑦᓴᓂᒃ ᐊᒻᒪᓗ $13,000ᓂᒃ ᑮᓇᐅᔭᑐᐃᓐᓇᓂᒃ.  ᐊᐱᕐᓱᑕᐅᑦᓱᓂ, ᐃᓪᓗᒥᒃ ᓇᒻᒥᓂᓕᒃ ᖃᐅᔨᓴᕐᑎᓄᒃ ᐅᖃᕐᓂᖁᖅ ᐸᓯᔭᑦᓴᐅᖃᑕᐅᓂᕐᒥᓂᒃ.  ᐱᕋᔭᓐᓂᓅᓕᖓᔪᑦ ᐱᓪᓗᒋᑦ ᐊᓪᓚᕕᖓ ᐸᓯᔭᑦᓴᖑᕐᑎᓯᓂᐊᖕᖒᕆᔭᐅᕗᖅ ᐸᓯᔭᑦᓴᐅᓂᕋᕐᑕᐅᒍᑎᖓᑕ ᐊᓪᓚᑕᐅᓯᒪᐅᑎᖏᓐᓂᒃ ᐱᓯᒪᓕᕈᓂ ᖃᐅᔨᓴᕐᑎᓂᑦ.​