Latest News

ᓰᑲᔨᐊᕐᓘᑉ ᑳᓈᐱᔅ ᐱᖁᔭᕐᓂᒃ ᓯᖁᒥᑦᓯᒍᓐᓀᓂᖓ

Thursday, September 6, 2018
 
ᐱᒋᐊᕐᓗᓂ ᐊᒃᑑᐸ 17, 2018-ᒥ, ᓰᑲᔨᐊᕐᓗᒥ ᓇᔪᕐᑎᖃᕐᓂᖅ ᐱᖁᔭᕐᓂᒃ ᓯᖁᒥᑦᓯᒍᑕᐅᒍᓐᓀᓛᕐᑐᖅ ᑳᓇᑕᒥ ᑭᓇᓕᒫᒃᑯᓄᑦ ᐅᑭᐅᓕᓐᓄᑦ 18-ᓂᒃ ᐊᒻᒪᓗ ᐊᖓᔪᑦᓯᓄᑦ. ᓰᑲᔨᐊᕐᓗᖅ ᐱᖁᔭᓂᒃ ᓯᖁᒥᑦᓯᒍᑕᐅᖕᖏᑑᒍᓐᓇᓂᖓᓂ, ᓇᔪᕐᑎᖃᕐᓂᖅ ᓰᑲᔨᐊᕐᓗᒥᒃ ᐱᖁᔭᕐᓂᒃ ᓯᖁᒥᑦᓯᒍᑕᐅᖃᑦᑕᓚᖓᔪᖅ ᓄᓇᕕᒻᒥ ᐊᒻᒪᓗ ᐊᓯᖏᓐᓂ ᑳᓇᑕᒥ.

ᑯᐯᒻᒥ ᓱᓀᑦ ᐊᓯᑦᔨᓚᖓᔪᑦ?

  • ᑭᓇᑐᐃᓐᓇᖅ ᓇᔪᕐᑎᖃᕈᓐᓇᓯᓚᖓᔪᖅ 30 ᑯᔮᒻᔅᓂᒃ (grams) ᐸᓂᕐᑐᓂᒃ ᓰᑲᔨᐊᕐᓗᓂ ᐅᕝᕙᓘᓐᓃᑦ ᓈᒻᒪᖁᐊᖏᓐᓂᒃ ᐃᓄᑦᑕᖃᓲᓂ ᐊᒥᓱᓂᒃ, ᑭᓯᐊᓂ ᐅᑯᓇᖕᖓᑦ ᓂᐅᕕᐊᕕᓂᐅᑉᐸᑦ Société québécoise du cannabis (SQDC).
  • ᓇᒻᒥᓂᕆᔭᐅᔪᒥ ᐊᓇᕐᕋᕆᔭᐅᔪᒥ, ᓇᔪᕐᑎᒋᔭᐅᒍᓐᓇᖃᑦᑕᓚᖓᔪᑦ 150 ᑯᔮᒻᔅ ᐅᖓᑖᓅᖕᖏᑐᖅ ᐸᓂᕐᑐᐃᑦ ᓰᑲᔨᐊᕐᓗᐃᑦ ᐅᕝᕙᓘᓐᓃᑦ ᓈᒻᒪᖁᐊᖏᑦ (ᐃᓄᐃᑦ ᑖᑦᓱᒥᖓ ᐊᓇᕐᕋᓖᑦ ᐅᓄᕐᓂᖏᑦ ᑲᒪᒋᒍᓐᓀᓗᒋᑦ).

ᓱᓇᓄᑦ ᐱᖁᔭᕐᓂᒃ ᓯᖁᒥᑦᓯᒍᑕᐅᖏᓐᓇᓚᖓᔪᖅ?

  • ᓰᑲᔨᐊᕐᓗᑐᑐᖃᕆᐊᖃᓚᖓᖕᖏᑐᖅ ᑐᐹᑭᕝᕕᐅᒋᐊᖃᖕᖏᑐᓂ.
  • ᐱᔭᐅᖃᑦᑕᕆᐊᖃᓚᖓᖕᖏᑐᖅ ᐅᑯᓇᓂ:
    • ᓴᓂᖏᓐᓂ ᐃᓗᖏᓐᓂ ᐃᓗᓯᓕᕆᓂᕐᓄᑦ ᐊᒻᒪᓗ ᐃᓅᓯᓕᕆᓂᕐᓄᑦ ᑎᒥᐅᒍᑎᓖᑦ;
    • ᓴᓂᖏᓐᓂ ᐃᓗᖏᓐᓂ ᐱᓇᓱᐊᕆᐅᕐᓴᕕᐅᑦᓱᑎᒃ ᐃᓕᓴᕐᕖᑦ ᐊᒻᒪᓗ ᐃᓕᓴᕐᕕᔪᐊᑦ;
    • ᐯᓯᑰᕐᑐᑦ ᐊᕐᖁᑎᖏᓐᓂ;
    • ᐸᓯᓂᒃ ᐅᑕᕐᕿᕖᑦ ᐃᓗᐊᓂ ᐊᒻᒪᓗ ᐃᖏᕐᕋᐅᑎᓂᒃ ᐅᑕᕐᕿᕕᓐᓂ ᓇᐅᓕᒫᓄᑦ ᐃᑎᕐᓯᒪᕕᐅᓲᓂ.

ᓱᓀᑦ ᐊᓯᑦᔨᓚᖓᖕᖏᑐᑦ?

  • ᑌᒣᒋᐊᖃᕐᓂᕋᕐᑕᐅᒪᑕ ᓄᓇᓖᑦ ᐱᖁᔮᐱᖏᓐᓂ 2.6-ᒥ, ᐋᖓᔮᓐᓇᑐᕐᑐᓯᒪᔪᑦ ᐃᓄᑦᑕᖃᓲᓃᒋᐊᖃᓚᖓᖕᖏᑐᑦ ᐅᕝᕙᓘᓐᓃᑦ ᐃᓄᐃᑦ ᐁᓯᒪᕕᒋᓲᖏᓐᓂ.
  • ᓱᓕ ᐅᑭᐅᖏᑦ 18 ᐊᑖᓃᑦᑐᑦ ᓇᔪᕐᑎᖃᕆᐊᖃᖕᖏᑐᑦ ᐅᕝᕙᓘᓐᓃᑦ ᓰᑲᔨᐊᕐᓗᑐᕐᑎᑕᐅᒋᐊᖃᖕᖏᑐᑦ.
  • ᓱᓕ ᓰᑲᔨᐊᕐᓗᓂ ᐱᕈᕐᓰᔪᖃᕆᐊᖃᖕᖏᑐᖅ ᓇᒻᒥᓂᖅ ᐱᒐᑦᓴᒥᓂᒃ.
  • ᓱᓕ ᐃᖏᕐᕋᐅᑎᒥᒃ ᐊᖁᑦᑐᖃᕆᐊᖃᖕᖏᑐᖅ ᓰᑲᔨᐊᕐᓗᑐᕐᓯᒪᔪᒥᒃ.

ᓰᑲᔨᐊᕐᓗᓂᒃ ᓂᐅᕐᕈᓭᓂᖅ

ᓰᑲᔨᐊᕐᓗᖅ ᓂᐅᕐᕈᑕᐅᖃᑦᑕᓚᖓᔪᖅ Société québécoise du cannabis (SQDC)-ᒧᑦ.

ᑭᓇᑐᐃᓐᓇᑯᑦ 18-ᓂᒃ ᐅᑭᐅᓖᑦ ᐅᖓᑖᓄᓗ ᓂᐅᕕᕈᓐᓇᓚᖓᔪᑦ ᓰᑲᔨᐊᕐᓗᓂ, ᑎᑭᓪᓗᒋᑦ 30 ᑯᔮᔅ ᓂᐅᕕᕆᐊᕆᐊᑕᒫᑦ.

 

ᑕᕐᕿᓂ ᓯᕗᓂᑦᑎᓂ, ᑲᑎᕕᐅᑉ ᐳᓖᓯᖏᑦ ᑲᔪᓯᑎᑦᓯᖃᑦᑕᓚᖓᔪᑦ ᑐᑭᓯᑎᑦᓯᒋᐊᕈᑎᓂᒃ ᐊᒻᒪᓗ ᐃᑉᐱᒍᓱᓕᕐᑎᓯᒋᐊᕈᑎᓂᒃ ᓰᑲᔨᐊᕐᓗᒧᑦ ᓄᓇᕕᒻᒥ, ᑯᐯᒻᒥ ᐅᕝᕙᓘᓐᓃᑦ ᑳᓇᑕᒥ.

ᖃᐅᔨᒪᔭᐅᓕᑦ ᑖᓐᓇ ᖁᑉᐱᒐᖅ ᓄᑕᐅᓪᓕᑎᕐᑕᐅᖃᑦᑕᓚᖓᒻᒪᑦ ᓄᐃᑎᓪᓗᒋᓗ ᓄᑖᑦ ᓇᓗᓀᕐᓯᐅᑎᑦᓭᑦ ᐱᑦᔪᑎᓖᑦ ᓰᑲᔨᐊᕐᓘᑉ ᐱᖁᔭᓂᒃ ᓯᖁᒥᑦᓯᒍᓐᓀᑎᑕᐅᓂᖓᓄᑦ ᓄᓇᕕᒻᒥ, ᑯᐯᒻᒥ ᐅᕝᕙᓘᓐᓃᑦ ᑳᓇᑕᒥ.

ᑐᑭᓯᒋᐊᓪᓚᕈᒪᔪᓄᑦ

On the legislation of cannabis                                ᓰᑲᔨᐊᕐᓘᑉ ᐱᖁᔭᓂᒃ ᓯᖁᒥᑦᓯᒍᑕᐅᒍᓐᓀᓂᖓ

On the health risks of cannabis use                    ᓰᑲᔨᐊᕐᓗᒧᑦ ᐃᓗᓯᕐᓱᓂᐅᑉ ᖃᓄᐃᓕᖕᖓᑕᐅᒍᓐᓇᓂᖓ

On Cannabis-impaired driving                                ᓰᑲᔨᐊᕐᓗᑐᕐᓯᒪᓗᓂ ᐊᖁᑦᑐᑦ