Latest News

ᐊᖑᑎᒃ ᐃᓄᑦᔪᐊᑉ ᓴᓂᐊᓂ ᐃᒫᕐᑐᖅ

Tuesday, August 29, 2017
 
ᐊᐅᒍᓯᑎ 24-ᒥ, ᐅᓐᓄᓴᒃᑯᑦ, ᐊᖑᑎᒃ ᐃᒫᓚᐅᔫᖅ ᖃᔭᕆᐊᖅ ᐃᑯᒪᕕᖓ ᖃᔭᐅᑎᓪᓗᒍ, 10-ᓂᒃ ᑭᓗᒥᑕᓂᒃ ᐅᖓᓯᓐᓂᓕᒻᒥ ᐃᓄᑦᔪᐊᒥᑦ.

ᐱᖓᓱᑦ ᐃᓄᐃᑦ ᖃᔭᕆᐊᕐᑐᑐᑦ ᒪᙯᑦᓱᑎᒃ ᐃᑯᒪᕕᖓ ᖃᔭᐅᓚᐅᔫᖅ ᐅᓐᓄᓴᑐᖃᐅᓕᕐᑎᓗᒍ. ᒪᕐᕉᒃ ᐃᑯᒪᔫᒃ ᖃᔭᕆᐊᒥᒃ ᒪᑭᑎᑦᓯᒍᓐᓇᓯᔪᕕᓃᒃ, ᑭᓯᐊᓂ ᐱᖓᔪᒥᓂᒃ ᐊᓯᐅᔨᑦᓱᑎᒃ.

ᓈᔭᕐᑏᑦ ᕿᓂᕆᐊᕐᑎᑕᐅᓯᓚᐅᔫᑦ ᐊᒻᒪᓗ ᐊᖑᑎᒃ ᐅᓪᓛᑯᑦ ᑐᖁᖓᓕᕐᑎᓗᒍ ᑕᑯᔭᐅᑦᓱᓂ. ᑕᑯᔭᐅᓇᓵᕐᑐᕕᓂᖅ ᑖᕐᑑᓕᕐᓂᒪᑦ ᕿᓂᓯᑎᓪᓗᒋᑦ. ᖃᐅᔨᓴᕐᑕᐅᖏᓐᓈᑐᖅ ᖃᓄᐃᓕᓪᓚᕆᑦᓱᓂ ᑐᖁᓚᕿᓐᓂᒪᖔᑦ.

ᑲᑎᕕᐅᑉ ᐳᓖᓯᖏᑦ ᐃᕐᙯᑎᑦᓯᒋᐊᖃᑦᑕᓕᕐᑐᑦ ᖃᔭᕆᐊᕐᑐᓚᖓᔪᓂᒃ ᐳᑦᑕᐅᑎᒃᑲᕆᐊᖃᕐᓂᐅᑉ ᐱᒻᒪᕆᐅᓂᖓᓂᒃ.