ᐹᒪᓚ ᔅᑏᕙᓐᓇᓐ ᐃᓕᓴᕐᓂᒥᓂᒃ ᐱᔭᕇᓚᐅᕐᑐᖅ ᒣ 26, 2017-ᒥ ᐳᓖᓰᑦ ᐃᓕᓐᓂᐊᑎᑕᐅᕕᖓᓂ Ellis College-ᒥ ᐳᓖᓯᐅᒋᐅᕐᓴᕕᒻᒥ ᐃᓕᓴᖃᑎᓕᒫᒥᓂᑦ ᑭᑎᑦᔪᑎᑖᖏᑦ ᐅᓄᕐᓂᐸᐅᑎᓪᓗᒋᑦ, 4-ᒍᒍᑎᖏᓐᓂ ᐃᓕᓵᑦ ᑲᑎᒪᔪᑦ ᐳᓖᓯᐅᒋᐅᕐᓴᕕᒻᒦᑐᑦ.
ᐃᓕᓭᔨᖏᑦ ᐅᐱᒪᒋᔭᒻᒪᕆᖃᕆᐊᒥᒃ ᐅᖃᖃᑦᑕᓚᐅᕐᑐᑦ ᐱᑦᓯᐊᓚᕆᑉᐸᒪᑦ ᐊᕐᓇᖅ ᐅᕕᒃᑲᖅ ᑰᑦᔪᐊᕌᐱᒻᒥᐅᖅ, ᓂᕆᐅᒋᔭᐅᓛᓕᕐᑐᖅ
ᐃᓕᓛᕆᐊᖓ ᑲᑎᕕᐅᑉ ᐳᓖᓯᖏᓐᓄᑦ.
"ᐹᒪᓚ ᐅᕙᑦᑎᓂᒃ ᐱᓇᓱᐊᖃᑕᐅᓯᒪᓂᓕᒃ 2009-ᒥᓂᑦ ᐳᓖᓯᑦᓴᓄᑦ ᐱᓇᓱᒐᕐᒦᓱᓂ ᐊᒻᒪᓗ ᑕᑯᑦᓴᐅᕙᑦᓱᓂ ᐱᓯᑎᐅᓂᕐᒥᓂᒃ
ᐃᓕᕙᓪᓚᓯᐊᓚᖓᓂᕐᒥᓂᒃ. ᐊᓕᐊᒻᒪᕆᓕᕐᑐᒍᑦ ᐃᓕᓴᕐᓂᒥᓂᒃ ᑲᔪᓯᑎᑦᓯᓯᐊᕐᐸᒪᑦ ᑕᑯᑦᓴᐅᑎᑦᓯᕙᑦᓱᓂᓗ ᐱᒐᓱᐊᑦᓯᐊᕈᒪᓂᕐᒥᓂᒃ ᐃᓕᓴᕐᓱᓂ
Ellis College-ᒥ", ᓚᓚᐅᕐᑐᖅ ᒪᕐᓯᐊᓪ ᒪᕐᑌ, ᑲᑎᕕᐅᑉ ᐳᓖᓯᖏᑦᑕ ᐊᖓᔪᕐᖄᖓ ᐊᒻᒪᓗ ᑲᒪᔨᒻᒪᕆᐅᑦᓱᓂ ᑭᓇᓕᒫᒃᑯᑦ
ᐊᑦᑕᓀᑦᑐᒦᑦᑎᑕᐅᓂᖏᓐᓄᑦ ᐱᓇᓱᕝᕕᖓᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ. "ᓂᕆᐅᒍᒪᓚᖓᔪᒍᑦ ᐅᓄᕐᓂᓴᓂᒃ ᓄᓇᕕᒻᒥᐅᓂᒃ ᐹᒪᓚᑦᑎᑐᑦ
ᐱᒐᓱᐊᑦᓯᐊᑐᓂᒃ ᐃᒻᒥᓂᒃ ᐅᐱᒪᒋᔭᖃᓚᕿᓗᑎᒃ ᐊᒻᒪᓗ ᐅᓂᒃᑳᖃᑦᑕᖁᑦᓱᒍ ᐱᔪᑦᓴᐅᔮᕐᑎᓯᓚᖓᔪᓂᒃ ᐅᕕᒃᑲᓂᒃ".
ᐃᓕᓚᐅᕋᓂ ᓄᓇᕕᒻᒥ ᐳᓖᓯᓄᑦ ᓯᑉᑎᒻᐱᕆ 2017-ᒥ, ᐹᒪᓚ 15-ᓂ ᐱᓇᓱᐊᕈᓯᓂ ᐃᓕᓴᕆᐊᓪᓚᓛᕐᑐᖅ ᐱᒋᐊᓚᐅᕐᓱᓂ ᒣ
29-ᒥ ᐊᒻᒪᓗ ᑯᐯᒻᒥ ᐳᓖᓰᑦ ᐃᓕᓴᕐᑕᐅᕕᖓᓃᓪᓗᓂ ᓂᑯᓕᐊᑦᒥ.
