Latest News

ᐃᓄᑦᔪᐊᒥ ᐳᓖᓯᓐᓂᐊᑕᐅᔪᖅ

Thursday, June 15, 2017
 
ᔫᓂ 14, 2017-ᒥ 12:30-ᒐᓛᒥ ᐅᓪᓗᑯᑦ ᐃᓄᑦᔪᐊᒥ, ᑲᑎᕕᐅᑉ ᐳᓖᓯᖏᑦ ᓯᕙᓂᕐᑕᐅᓚᐅᕐᑐᑦ ᐃᑲᔪᕐᑕᐅᒍᒪᔪᒧᑦ ᐱᑦᔪᑎᐅᑎᓪᓗᒍ ᐊᑦᑕᓇᕐᑐᖅ ᐃᓄᒃ ᓴᕕᓕᔭᕐᓱᓂ.

 ᐳᓖᓰᑦ ᐱᓂᕐᓗᕕᐅᔪᒧᑦ ᐁᑦᓱᑎᒃ, ᐃᓄᒃ ᑕᑯᑦᓴᐅᑎᑦᓯᓚᐅᕐᑐᖅ ᑲᑎᕕᐅᑉ ᐳᓖᓯᖓᓄᑦ ᐊᑦᑕᓇᕆᐊᒥᒃ ᓯᕙᓂᕈᑕᐅᔪᒥᒃ ᑲᒪᒋᐊᕐᑐᑐᒧᑦ, ᑭᒡᒐᑐᕐᑎᐅᓂᕐᒥᓄᑦ ᖁᑭᐅᑎᒥᓂᒃ ᐊᑐᕆᐊᖃᓯᓚᐅᕐᑐᖅ ᐃᓄᒃ ᐊᕐᓱᕈᓐᓇᑐᒃᑰᓂᓕᒃ ᓄᕐᖃᑎᓚᕿᒋᐊᖃᕋᒥᐅᒃ.

ᑕᒪᓐᓇ ᐊᓂᒍᕐᒥᑎᓪᓗᒍ, ᐃᓄᒃ ᑎᒻᒥᔫᒃᑯᑦ ᐊᐅᓪᓚᑎᑕᐅᓚᐅᕐᑐᖅ ᐃᓅᓕᑦᓯᕕᒃ ᐋᓐᓂᐊᕕᒻᒧᑦ ᐳᕕᕐᓂᑐᒧᑦ ᐅᐃᒪᓇᕐᓯᓱᓂ ᐋᓐᓂᐊᕕᓕᐊᕆᐊᖃᓚᐅᕐᒪᑦ.

ᖃᐅᔨᓴᕐᓂᖅ ᑐᓂᔭᐅᑲᐱᓚᐅᕐᑐᖅ ᑯᐯᑉ ᐳᓖᓯᖏᓐᓄᑦ ᐊᒻᒪᓗ Bureau de enquêtes indépendantes ᖃᐅᔨᓴᓯᑎᓪᓗᒋᑦ ᖃᓄᐃᓕᓪᓚᕆᑦᑐᕕᓂᐅᓂᖏᓐᓂᒃ.

ᑕᕐᕋᒥ ᓄᓇᓕᖓ ᐃᓄᑦᔪᐊᑉ, ᐃᓄᓕᒃ 1,750 ᓴᓂᐊᓃᑦᑐᓂᒃ, ᓄᓇᕕᒻᒥ ᑕᓯᐅᔭᕐᔪᐊᒦᑦᑐᖅ, ᐳᕕᕐᓂᑑᑉ ᓯᕿᓂᖓᓂ."