Latest News

ᐳᕕᕐᓂᑐᖅ: ᑎᒍᔭᐅᔪᕕᓃᑦ ᐃᒥᐊᓗᐃᑦ ᐊᑭᖃᕋᔭᕐᑐᑦ $29,000 ᒥᑦᓵᓂ

Tuesday, June 30, 2020
 
ᐳᕕᕐᓂᑐᖅ, ᔫᓂ 30, 2020 - ᐃᑉᐸᓴᖅ, ᑲᑎᕕᒃ ᐳᓖᓯᖏᑦ ᕿᓂᕈᓐᓇᐅᑎᒥᒃ ᐊᑐᕐᓱᑎᒃ ᑎᒍᓯᒍᓐᓇᓯᓐᓂᖁᑦ ᐃᒥᐊᓗᓐᓂᒃ ᐊᑭᖃᕋᔭᕐᑐᓂᒃ $29,000 ᒥᓵᓂ. ᑲᑎᓕᒫᕐᓱᑎᒃ, 193 ᐳᓪᓚᐅᔦᑦ ᓲᖑᔪᔦᑦ (375 ml) ᑎᒍᔭᕕᓃᑦ.

ᐳᕕᕐᓂᑐᒥ ᐳᓖᓰᑦ ᑐᓴᕐᑎᑕᐅᓐᓂᖁᑦ ᐊᐅᓪᓚᑎᑕᐅᔪᓂᒃ ᐊᒥᓱᓂᒃ ᐃᑦᓯᕕᓐᓂᒃ ᐃᓗᓕᓕᓐᓂᒃ ᐃᒥᐊᓗᓐᓂᒃ ᐱᖁᔭᓂᒃ ᓯᖁᒥᑦᓯᒍᑎᐅᔪᓂᒃ ᑐᕌᕐᑐᓂᒃ ᐃᓄᓐᓄᑦ ᐅᕗᔨᒻᒦᑐᓄᑦ ᓴᓪᓗᓃᑦᑐᓄᓪᓗ. ᑲᑎᕕᒃ ᐳᓖᓯᖏᑦ ᑐᑦᓯᕋᕐᑐᕕᓂᐅᒐᒥᒃ ᕿᓂᕈᓐᓇᐅᑎᒥᒃ ᑐᓂᔭᐅᓐᓂᖁᑦ. ᐃᑦᓯᕕᓐᓂᒃ ᑎᒍᓯᔪᕕᓃᑦ ᐳᕕᕐᓂᑐᒥ ᐃᑦᓯᕖᑦ ᑖᕙᓃᓐᓂᒪᑕ ᑎᑭᐅᑎᒋᓕᒻᒥᓄᑦ ᑎᑭᐅᑎᓚᐅᕋᑎᒃ.​

ᑕᒪᓐᓇ ᖃᐅᔨᕐᓴᑕᐅᓂᕐᒦᖏᓐᓇᑐᖅ.

ᑐᓴᐅᒪᔭᐅᒋᐊᓕᓐᓂᒃ ᒪᓗᓐᓇᑐᓂᒃ ᐊᑑᑎᔪᖃᕐᐸᑦ, ᐃᓚᐅᑎᓪᓗᒋᑦ ᐱᖁᔭᓂᒃ ᓯᖁᒥᑦᓯᓱᑎᒃ ᓂᐅᕐᕈᓭᓃᑦ ᐋᖓᔮᓐᓇᑐᓂᒃ ᐃᒥᐊᓗᓐᓂᓗ, ᐅᖃᕈᑕᐅᒍᓐᓇᖁᑦ ᑭᓇᐅᓂᖓ ᖃᐅᔨᔭᐅᒍᓐᓀᑎᓪᓗᒍ ᐅᖃᕐᑑᑉ ᐱᖁᔭᓂᒃ ᓯᖁᒥᑦᓯᔪᓂᒃ ᓄᕐᖃᑎᑦᓯᔨᓄᑦ ᐅᖄᓚᓗᑎᑦ ᐊᑭᖃᖕᖏᑐᒧᑦ ᐅᕗᖓ: 1-800-711-1800. ᖃᐅᔨᑎᑦᓯᓱᓂ ᐅᖃᕐᑐᖅ ᑮᓇᐅᔭᕐᑖᑎᑕᐅᒍᓐᓇᑐᖅ ᐅᓄᕐᓂᐹᖑᑎᓪᓗᒍ $2,000.