Latest News

ᐳᕕᕐᓂᑐᖅ: ᐃᒥᐊᓗᐃᑦ ᑎᒍᔭᐅᔪᑦ ᐊᑭᓖᑦ $12,000 ᐅᖓᑖᓄᑦ

Wednesday, April 29, 2020
 
ᐊᓪᓕᕇᕐᑐᓂ ᐊᒻᒪᓗ ᐁᑉᐱᑐᓂ, ᐳᓖᓰᑦ ᐊᒥᓱᐃᓂᒃ ᕿᓈᔭᕐᕕᖃᕈᓐᓇᐅᑎᓂᒃ ᐊᑐᓚᐅᕐᑐᑦ ᑎᒍᔨᓐᓂᓚᕿᑦᓱᑎᒃ ᐃᒥᐊᓗᓐᓂᒃ ᐊᑭᓕᓐᓂᒃ $12,000-ᓂᒃ.

ᐊᒥᓱᕕᑦᓱᑎᒃ ᑐᓴᕐᑎᑕᐅᓕᕐᓱᑎᒃ ᐃᓄᓐᓄᑦ, ᐳᓖᓰᑦ ᕿᓄᒍᑎᖃᓚᐅᕐᑐᑦ ᐊᒥᓱᐃᓂᒃ ᕿᓈᔭᕐᕕᖃᕈᓐᓇᐅᑎᓂᒃ, ᐁᑦᑐᑕᐅᑦᓱᑎᓪᓗ ᓄᓪᓚᖓᓐᓇᑐᓄᑦ ᐃᕐᖃᑐᐃᕕᓕᕆᔨᓄᑦ. ᐅᓪᓘᓂ ᒪᕐᕉᓂ, ᐳᓖᓰᑦ ᐳᕕᕐᓂᑐᒥ ᐊᑐᓚᐅᕐᑐᑦ ᑲᔪᓯᑎᑦᓯᓱᑎᒃ ᓯᑕᒣᓂᒃ ᕿᓈᔭᕈᓐᓇᐅᑎᓂᒃ. ᑲᑎᑦᓱᑎᒃ, 55 ᐳᓪᓚᐅᔦᑦ ᓲᔪᑦᓴᔦᑦ, 4 ᐳᓪᓚᐅᔦᑦ ᐃᒥᐊᓗᑐᐃᓐᓀᑦ, ᐊᒻᒪᓗ 4 ᐃᕐᓯᕖᑦ ᐱᐊᔦᑦ ᑎᒍᔭᐅᓚᐅᕐᑐᑦ. ᐃᒥᐊᓗᐃᑦ ᐊᓪᓚᑎᑕᐅᒋᐊᕐᓯᒪᔪᑦ ᐳᕕᕐᓂᑐᒧᑦ ᐊᒻᒪᓗ ᐃᓄᑦᔪᐊᒧᑦ.

"ᓇᑯᕐᒦᒍᒪᔪᖓ ᐃᓘᓐᓀᓂᒃ ᑲᒪᖃᑕᐅᓚᐅᕐᑐᓂᒃ," ᓚᓚᐅᕐᑐᖅ ᐳᓖᓰᑦ ᓯᕗᓕᕐᑎᖓ ᒫᓯᐅ ᓵᕕᑦᔅ. "ᓄᓇᓕᒥᐅᑦ ᐱᒻᒪᕆᒻᒥᒃ ᐱᓇᓱᐊᖃᑕᐅᓚᐅᕐᑐᑦ ᓄᓇᓕᖁᑎᑦᑎᓂᒃ ᐃᒥᐊᓗᓐᓄᑦ ᐃᔨᕐᑐᐊᓄᑦ ᑎᑭᑕᐅᖕᖏᓚᖀᑦᓱᑎᒃ. ᑕᒪᓐᓇ ᐱᓇᓱᐊᖃᑎᒌᓄᑦ ᐱᔭᐅᑦᓯᐊᕈᓐᓇᓯᓚᐅᕐᑐᖅ, ᐊᒻᒪᓗ ᐅᓪᓗᒥ ᓇᑯᕐᓴᓕᕐᓱᖓ ᐃᓘᓐᓇᑎᒃ ᐱᒐᓯᐊᑦᓯᐊᓂᕐᒥᓄᑦ ᐱᓚᕿᓚᐅᕐᒪᑕ."

ᖃᓄᑐᐃᓐᓇᖅ ᑐᑭᓯᐅᑎᑦᓭᑦ ᐱᑦᔪᑎᒋᓗᒋᑦ ᐃᓕᒪᓇᕐᑐᓂᒃ ᐱᓇᓱᐊᕐᑐᑦ, ᐃᓚᐅᑎᓪᓗᒋᑦ ᐱᖁᔦᑦ ᓯᖁᒥᑦᓱᒋᑦ ᓂᐅᕐᕈᓭᔪᑦ ᐋᖓᔮᓐᓇᑐᓂᒃ ᐊᒻᒪᓗ ᐃᒥᐊᓗᓐᓂᒃ, ᐅᖃᕈᑎᖃᕈᓐᓇᐳᑦ Crime Stoppers-ᑯᓄᑦ ᓯᕙᓂᕐᓗᒋᑦ ᐊᑭᖃᖕᖏᑐᒧᑦ ᐅᕗᖓ: 1-800-711-1800. ᑐᑭᓯᐅᑎᑦᓴᑖᕐᑎᓯᔪᖅ ᐁᑦᑐᑕᐅᓚᕿᒍᓐᓇᑐᖅ ᐊᑭᓕᕐᑕᐅᓗᓂ $2,000 ᑎᑭᓪᓗᒋᑦ.​