Latest News

ᐃᓄᓐᓂᒃ ᖃᐅᔨᑎᑦᓯᒐᓱᐊᕐᓂᖃᓚᐅᔪᕗᖅ

Thursday, October 5, 2017
 
ᓯᑉᑎᒻᐱᕆᐅᑉ ᑕᕐᕿᖓᓃᑦᑎᓗᒍ, ᐃᓄᓐᓂᒃ ᖃᐅᔨᑎᑦᓯᒐᓱᐊᕐᓂᖃᓚᐅᔪᕗᖅ ᐊᕐᕿᓱᕐᑕᐅᓚᐅᔪᒥᒃ ᑲᑎᕕᐅᑉ ᐳᓖᓯᖏᓐᓄᑦ ᐱᓇᓱᐊᖃᑎᖃᕐᓱᑎᒃ ᑯᐯᒃᑯᑦ ᐳᓖᓯᖏᓐᓂᒃ ᐃᑉᐱᒋᔭᐅᖁᔨᑦᓱᑎᒃ ᑕᒪᒃᑯᐊ ᐊᖁᑦᑐᐃᑦ ᐃᑉᐱᒋᔭᖃᕆᐊᖃᕐᑎᓗᒋᑦ ᐊᕐᖁᑎᒥ ᐊᓐᓂᑌᓕᒪᒍᑎᐅᓲᓂᒃ.

ᐳᓖᓯᑦ ᐊᓐᓂᑌᓕᒪᒍᑎᑦᓴᓂᒃ ᐅᖃᖃᑦᑕᓚᐅᔪᕗᑦ ᐃᑉᐱᒋᔭᐅᖁᔨᑦᓱᑎᓪᓗ ᐊᑐᕐᑐᖃᓕᕐᐸᑦ ᐃᖏᕐᕋᐅᑎᒥᒃ, ᓄᕐᖃᕕᐅᒋᐊᓕᓐᓂᒃ ᐊᕐᖁᑎᒥ, ᐱᓱᑦᑐᓂᒃ ᐊᓯᖏᓐᓂᓗ.

ᓯᑉᑎᒻᐱᕆ 15-ᒥ, ᑯᐯᒃᑯᑦ ᐳᓖᓯᖏᑦᑕ ᑭᒡᒐᑐᕐᑎᖓᓂᒃ ᐊᑐᕐᑐᖃᓚᐅᔪᕗᖅ ᓱᑲᓐᓂᖏᓐᓂᒃ ᖃᐅᔨᒪᒍᑎᒥᒃ ᒪᓕᖃᑦᑕᓚᐅᔪᒥᒃ ᑲᑎᕕᐅᑉ ᐳᓖᓯᖏᓐᓂᒃ ᑰᔾᔪᐊᒥ ᐃᕐᙯᑎᑦᓯᒋᐊᖃᑦᑕᓱᑎᒃ ᓱᑲᓐᓂᐹᕆᔭᐅᒋᐊᓕᓐᓂᒃ ᐃᖏᕐᕋᓕᕈᑎᒃ ᓄᓇᓕᐅᑉ ᐃᓗᐊᓂ.  ᑲᑎᕕᐅᑉ ᐳᓖᓯᖏᑦ ᐊᑭᓕᕋᑦᓴᑖᕐᑎᓯᖃᑦᑕᓚᐅᔪᑦ ᓯᖁᒥᑦᓯᔪᓄᑦ ᑯᐯᒃᒥ ᐊᕐᖁᑎᒥ ᐊᓐᓂᑌᓕᒪᓂᕐᒧᑦ ᒪᓕᒐᖏᓐᓂᒃ.  ᓯᖁᒥᑕᐅᖃᑦᑕᓚᐅᔪᐃᑦ ᒪᓕᒉᑦ ᐊᖁᑎᒥᒃ ᐃᒣᓕᔪᖃᑐᐊᕐᒪᑦ:

  • ᓄᕐᖃᕕᐅᒋᐊᓕᒻᒥ ᓄᕐᖃᓚᕆᖕᖏᑐᐊᕐᒪᑦ.

ᐊᑭᓕᕋᑦᓴᑖᕐᑐᖅ: ᐃᑭᓐᓂᓴᐅᖏᑐᓂᒃ $189

 

  • ᓄᕐᖃᖏᑐᐊᕈᓂ ᐃᓕᓐᓂᐊᕕᐅᑉ ᐸᓯᖓ ᓄᕐᖃᖁᔨᒍᑎᖓ ᓄᐃᑕᑎᓗᒍ ᐅᕝᕙᓗᓐᓂ ᐊᐅᐸᓗᖏᑦ ᐃᑯᒻᒪᓛᓕᑐᐊᕐᒪᑕ

    ᐊᑭᓕᕋᑦᓴᑖᕐᑐᖅ: ᐃᑭᓐᓂᓴᐅᖏᑐᓂᒃ $311

     
  • ᓄᕐᖃᖏᑐᐊᕐᐸᑦ ᐱᓱᑦᑐᐃᑦ ᐃᑳᕈᓐᓇᕕᖓᒍᑦ ᐱᓱᑦᑐᐃᑦ ᐃᑳᕈᓐᓇᕕᖓᓂ.

    ᐊᑭᓕᕋᑦᓴᑖᕐᑐᖅ: ᐃᑭᓐᓂᓴᐅᖏᑐᓂᒃ $189

     
  • ᐃᖏᕐᕋᐅᑎᖓ ᖃᐅᒻᒪᔫᖃᑦᓯᐊᖏᑐᐊᕐᒪᑦ, ᑐᓄᐊᒍᑦ ᐃᑯᒪᖁᑎᖏᑦ ᐊᑐᖕᖏᑐᐊᕐᐸᑕ ᐅᕝᕙᓘᓐᓃᑦ ᓴᖑᓕᕈᓂ ᖃᐅᔨᒪᑎᑦᓯᒍᑎᖏᑦ ᐊᑐᖕᖏᑐᐊᕐᐸᑕ.

           ᐊᑭᓕᕋᑦᓴᑖᕐᑐᖅ: ᐃᑭᓐᓂᓴᐅᖏᑐᓂᒃ $189

ᐊᕐᖁᑎᒥ ᐊᓐᓂᑌᓕᒪᓂᕐᒥᒃ ᓯᕗᓪᓕᐸᐅᑎᑦᓯᒐᓱᐊᓲᑦ ᑲᑎᕕᐅᑉ ᐳᓖᓯᖏᑦ, ᑭᓯᐊᓂ ᓱᓕ ᑭᓇᓕᒫᒃᑯᓄᑦ ᐃᑉᐱᒋᔭᐅᒋᐊᖃᕐᒥᔪᖅ.  ᐃᑉᐱᒍᓱᑦᓯᐊᕆᑦ ᖃᐅᔨᒣᓐᓇᓯᐊᕐᓗᑎᓪᓗ.