Latest News

ᐃᕐᖃᐅᒪᑦᓯᓂᖅ ᐳᓖᓯᒥᒃ ᔅᑏᕝ ᑌᕆᒥᒃ

Monday, March 12, 2018
 
ᓂᕿᑦᓯᑐᓂ, ᒫᑦᓯ 2-ᒥ, ᑲᑎᕕᐅᑉ ᐳᓖᓯᖏᑦ ᐊᕐᕌᒍᑕᒫᕐᓯᐅᑎᒥᒃ ᐃᕐᖃᐅᒪᖃᑎᒌᓚᐅᕐᑐᑦ ᐳᓖᓯᒥᒃ ᔅᑏᕝ ᑌᕆᒥᒃ, ᐱᓇᓱᐊᕐᓱᓂ ᐃᓅᒍᓐᓀᓚᐅᕐᓯᒪᑎᓪᓗᒍ ᐊᕐᕌᒍᐃᑦ ᑕᓪᓕᒪᑦ ᐊᓂᒍᕐᓯᒪᓕᕐᑐᑦ.

ᒫᑦᓯ 2-ᒥ, 2013-ᒥ, ᔅᑏᕝ ᑌᕆ ᐅᑭᐅᖃᓚᐅᕐᓯᒪᔪᖅ 27-ᓂᒃ ᐊᒻᒪᓗ ᑲᑎᕕᐅᑉ ᐳᓖᓯᖏᓐᓄᑦ ᐱᓇᓱᑦᑎᐅᓯᒪᓕᕐᓱᓂ ᐊᕐᕌᒍᓂ ᐱᖓᓱᓂ. ᐱᓇᓱᐊᖃᑎᖓᓗ ᑰᑦᔪᐊᒥ ᐊᓇᕐᕋᕆᔭᒧᑦ ᐱᒋᐊᖃᑦᑕᑐᖃᕐᑎᓗᒍ ᐁᕕᖃᓚᐅᕐᓯᒪᔫᒃ ᓯᕙᓂᕐᑐᖃᕐᒪᑦ. ᑎᑭᑦᓱᑎᒃ ᑖᕗᖓ, ᐳᓖᓯ ᑌᕆ ᐊᒻᒪᓗ ᐱᓇᓱᐊᖃᑎᖓ ᐋᓐᓂᓚᕿᓚᐅᕐᓯᒪᔫᒃ ᒪᓗᒋᔭᒧᑦ ᖁᑭᐅᑎᒧᑦ ᓱᒋᐊᖃᑦᑕᑕᐅᑦᓱᑎᒃ. ᒪᕐᕉᒃ ᐳᓖᓰᒃ ᐋᓐᓂᐊᕕᓕᐊᕐᑎᑕᐅᑲᐱᓚᐅᕐᓯᒪᔫᒃ ᑐᓚᑦᑕᕕᒻᒧᑦ, ᑌᑲᓃᑦᓱᓂ ᔅᑏᕝ ᐃᓅᒍᓐᓀᓚᐅᕐᓯᒪᔪᖅ.

ᐊᑎᖃᕐᑎᑕᐅᖕᖑᐊᖃᑦᑕᓚᐅᕐᓯᒪᔪᖅ "ᓲᐸᒫᒥᒃ", ᔅᑏᕝ ᖃᐅᔨᒪᔭᐅᓚᐅᕐᓯᒪᔪᖅ ᓄᓇᓕᓐᓂᒃ ᐃᓱᒪᑦᓯᐊᕆᐊᖓ ᐊᒻᒪᓗ ᐱᖕᖑᐊᑐᓄᑦ ᑌᒪᖕᖓᑦ ᐃᓚᐅᖕᖑᐊᐸᑦᓱᓂ. ᐋᑐᕗᐊᒥᓪᓗ ᐃᕐᖃᐅᒪᔭᐅᓂᖓ ᑲᑎᒍᑕᐅᓚᐅᕐᓯᒪᒻᒥᔪᖅ.