Latest News

ᓴᐳᒻᒥᔩᑦ ᐊᒻᒪᓗ ᓄᓇᓕᓕᒫᓂ ᑲᑎᕕᐅᑉ ᐳᓖᓯᖏᑦ ᒪᓐᑐᔨᐊᓚᒥ ᓇᓪᓕᐅᓂᕐᓯᐅᕆᐊᕐᑐᑐᑦ ᓇᓗᓀᕐᓯᕕᒻᒥ 30-ᐅᒍᑎᒋᓕᕐᑕᖓᓂᒃ ᓇᓪᓕᐅᓂᕐᓯᐅᓂᕐᒥᒃ CAVAC ᐱᓇᓱᐊᖃᑎᒌᕝᕕᒥᒃ

Wednesday, January 31, 2018
 
ᔭᓄᐊᔨ 24, ᑲᔪᓯᑎᑦᓯᔨᖓ ᓴᐳᒻᒥᔩᑦ ᐱᖁᔦᑦ ᓯᖁᒥᑦᓱᒋᑦ ᐱᓂᕐᓗᕕᐅᓯᒪᔪᑦ ᐃᑲᔪᕐᑕᐅᕕᖓᓂᒃ,  ᐳᔫᓄ ᐋᒥᓪ, ᐊᒻᒪᓗ ᐳᓖᓰᑦ ᐊᖓᔪᕐᖄᖏᑦᑕ ᑐᖓᓕᐊ - ᐊᐅᓚᑦᓯᕕᒻᒥ, ...

​ᓯᕗᓪᓕᐸᐅᓯᒪᔪᖅ ᐱᖁᔦᑦ ᓯᖁᒥᑦᓱᒋᑦ ᐱᓂᕐᓗᕕᐅᓯᒪᔪᑦ ᓴᐳᑦᔭᐅᕕᖓ ᓄᐃᑕᐅᓯᒪᔪᖅ ᑯᐯᒃ ᓯᑎᒥ 1988-ᒥ ᐊᖏᕐᑕᐅᓂᖓᑕ ᑭᖑᓂᖓᒍᑦ ᐱᖁᔭᐅᑉ ᐱᑦᔪᑎᓕᐅᑉ ᐃᑲᔪᕐᑕᐅᓂᖏᓐᓂᒃ ᐱᖁᔦᑦ ᓯᖁᒥᑦᓱᒋᑦ ᐱᓂᕐᓗᕕᐅᔪᑦ ᐅᖃᕐᕕᒪᕆᒻᒥ. ᐊᕐᕌᒍᐃᑦ 30 ᐊᓂᒍᕐᓯᒪᓕᕐᑎᓗᒋᑦ, 17 ᐱᓇᓱᐊᖃᑎᒌᕝᕕᒧᑦ ᐃᓚᐅᔪᑦ ᐁᓯᒪᓚᐅᕐᑐᑦ, ᓇᓗᓀᒃᑯᑕᕆᓂᐊᓕᕐᑕᖓ ᓄᑖᖅ ᒪᑐᐃᕐᑕᐅᓚᐅᕐᑐᖅ ᐊᒻᒪᓗ ᓄᑖᖅ ᑕᕐᓴᕆᓂᐊᓕᕐᑕᖓ ᑕᑯᔭᐅᑎᑕᐅᑦᓱᑎᒃ ᑲᑎᒪᓂᒻᒪᕆᖃᕐᑎᓗᒍ. ᐊᒥᓱᑦ ᑲᒪᖃᑕᐅᔪᑦ ᑐᓴᕐᑎᓯᓂᖃᓚᐅᕐᑐᑦ, ᐃᓚᐅᑎᓪᓗᒍ ᐃᕐᖃᑐᐃᕕᓕᕆᓂᐅᑉ ᑐᕐᖃᑕᕐᕕᖓ ᐊᒻᒪᓗ ᑯᐯᑉ ᐃᕐᖃᑐᐃᔨᒻᒪᕆᖓ, ᔅᑎᐊᕙᓂ ᕙᓓ, ᐱᓇᓱᒐᕐᒥᒃ ᓄᐃᑦᓯᓯᒪᔪᖅ ᐊᒻᒪᓗ ᐃᕐᖃᑐᐃᕕᓕᕆᓂᐅᑉ ᑐᕐᖃᑕᕐᕕᒋᓯᒪᔭᖓ, ᐃᐅᐳᑦ ᒫᒃᔅ, ᐊᒻᒪᓗ ᐱᓇᓱᕝᕕᒧᑦ ᑲᒪᔨᒻᒪᕆᒋᔭᐅᑦᓱᓂ, ᐱᖁᔦᑦ ᓯᖁᒥᑦᓱᒋᑦ ᐱᓂᕐᓗᕕᐅᓯᒪᔪᓂᒃ ᓴᐳᑦᔨᓂᕐᓂᒃ ᑲᒪᔨᐅᑦᓱᓂ ᐊᒻᒪᓗ ᐱᖁᔦᑦ ᓯᖁᒥᑦᓱᒋᑦ ᐱᓂᕐᓗᕕᐅᓯᒪᑦᓱᓂ.

 

ᐱᓄᐊ ᐸᓛᓐᑦ ᐊᐱᕐᓲᔭᕐᑕᐅᔪᖅ ᒪᓐᑐᔨᐊᓚᓕᐊᕐᓯᒪᑎᓪᓗᒍ

ᐊᑑᑎᓚᐅᕐᑐᖅ ᑲᔪᓯᒍᓐᓇᑎᑕᐅᓚᐅᕐᑐᖅ ᐃᓚᐅᔪᑦ ᐅᖃᐅᓯᖃᕐᓯᒪᒻᒪᑕ ᓄᑖᓂᒃ ᐃᓱᒪᑖᖃᑎᒌᒋᐊᕐᓱᑎᒃ ᐊᒻᒪᓗ ᖃᐅᔨᒪᔭᒥᓂᒃ, ᐊᒻᒪᓗ ᓄᓇᓕᓕᒫᓂ ᐱᓇᓱᕝᕕᒥᓂ ᐊᑑᑎᓯᒪᔭᒥᓂᒃ ᑐᓴᕐᑕᐅᑎᑦᓯᖃᑎᒌᑦᓱᑎᒃ.

ᐊᒃᑑᐸ 2017-ᒥ, ᑲᑎᕕᐅᑉ ᐳᓖᓯᖏᑦ ᐊᒻᒪᓗ ᓴᐳᒻᒥᔩᑦ ᓄᐃᑦᓯᓯᒪᔪᑦ ᒪᓕᒐᑦᓴᓂᒃ ᒪᓂᔭᐅᑦᓯᐊᐸᖁᓪᓗᒋᑦ ᑭᒡᒐᑐᕈᑏᑦ ᐱᓂᕐᓗᕕᐅᓯᒪᔪᑦ ᐱᖁᔭᓂᒃ ᓯᖁᒥᑦᓯᔪᓄᑦ ᐱᓂᕐᓗᕕᐅᑎᓗᒋᓪᓗ ᑭᒡᒐᑐᕈᑏᑦ ᑲᔪᓯᑎᑕᐅᑲᐱᑉᐸᒋᐊᖃᕐᓂᖏᓐᓄᑦ ᐃᕐᖃᑐᐃᕕᑎᒍᑦ ᐊᑑᑎᒋᐊᓕᓕᒫᑦ.

ᐊᖏᖃᑎᒌᒍᑎᖓ ᓴᐳᒻᒥᔩᑦ ᐊᒻᒪᓗ ᑲᑎᕕᐅᑉ ᐳᓖᓯᖏᑦᑕ

ᓴᐳᒻᒥᔩᑦ ᐃᓂᕐᓯᓯᒪᓕᕐᑐᑦ ᓄᑖᓂᒃ ᓇᓗᓀᕐᑐᐃᒍᑎᓂᒃ ᐃᓕᖓᔪᓂᒃ ᐱᖁᔦᑦ ᓯᖁᒥᑦᓱᒋᑦ ᐱᓂᕐᓗᕕᐅᔪᓄᑦ ᑲᑎᕕᐅᑉ ᐳᓖᓯᖏᓐᓄᑦ ᐃᓄᓐᓅᖃᕐᑕᐅᔪᑦᓴᓂᒃ.

ᖃᐅᔨᒋᐊᓪᓚᕈᒪᒍᕕᑦ ᓴᐳᒻᒥᔩᑦ ᑭᒡᒐᑐᕈᑎᖏᓐᓂᒃ ᖃᕆᑕᐅᔭᒃᑯᑦ ᐅᕙᓂ ᑕᑯᒐᓱᐊᕈᓐᓇᑐᑎᑦ: http://www.krpf.ca/en/assistance/crime-victims-assistance.