Latest News

ᑐᖓᓕᐊ ᐊᑭᖃᖕᖏᑐᖅ ᐱᖁᔭᕐᓄᐊᖓᔪᓂᒃ ᐋᕐᕿᓱᐃᖃᑎᒌᓐᓂᖅ ᑰᑦᔪᐊᒥ

Monday, January 22, 2018
 
ᔭᓄᐊᔨ 17-ᒥᑦ 19-ᒧᑦ ᐊᑭᖃᖕᖏᑐᖅ ᐱᖁᔭᓄᐊᖓᔪᓂᒃ ᐋᕐᕿᓱᐃᒋᐊᕐᓂᖅ ᑲᔪᓯᑎᑕᐅᓚᐅᔫᖅ ᑰᑦᔪᐊᒥ Pro Bono Quebec-ᒧᑦ, ᖄᖏᕐᓂᑯᓕᐅᕐᑎᐅᖏᑦᑐᒧᑦ ᑎᒥᒧᑦ ᐱᒋᐊᕐᑎᓯᔨᒧᑦ, ᑲᔪᓯᑎᑦᓯᔨᒧᑦ ᐊᒻᒪᓗ ᐱᕙᓪᓖᒋᐊᕐᑎᒧᑦ ᐊᑭᖃᖕᖏᑐᓂᒃ ᐅᕝᕙᓘᓐᓃᑦ ᐊᑭᖏᑦ ᓱᒐᓗᓗᐊᖕᖏᑐᓂᒃ ᐱᓇᓱᑦᑎᒪᕆᓐᓄᑦ ᐱᖁᔭᓕᕆᓂᕐᓄᑦ ᑭᒡᒐᑐᕐᑎᒧᑦ ᑯᐯᒻᒥᐅᓂᒃ ᐱᕙᓪᓖᒋᐊᕐᑎᐅᓱᑎᒃ.

ᐱᖁᔭᕐᓄᐊᖓᔪᓂᒃ ᐋᕐᕿᓱᐃᖃᑎᖃᕐᓂᖅ ᑐᖓᓕᕆᓚᐅᔪᔭᖓ ᑲᔪᓯᑎᑕᐅᓯᒪᔫᑉ ᑰᑦᔪᐊᒥ. ᒫᑦᓯ 2017-ᒥ, ᐱᓇᓱᐊᖃᑎᒌᑦ ᑕᓪᓕᒪᑦ ᐱᖁᔭᓕᕆᔩᑦ ᑎᑭᓯᒪᓚᐅᔫᑦ ᐱᓇᓱᐊᕆᐊᕐᓱᑎᒃ ᐆᑦᑐᕋᐅᑎᒥᒃ ᒪᓂᑦᓱᒋᑦ ᓇᒻᒥᓂᓕᓐᓄᑦ ᐊᒻᒪᓗ ᑭᓇᓕᒫᒃᑯᓄᑦ ᑐᓴᕐᑕᐅᒋᐊᖃᕐᑎᓇᒋᑦ ᑐᑭᓯᓂᐊᕐᓂᓂᒃ ᐱᖁᔭᓕᕆᓂᕐᓄᐊᖓᔪᓄᑦ.   

ᑕᕝᕙᓂ ᔭᓄᐊᔨᒥ, ᐱᒋᐊᕐᑎᑕᐅᓯᒪᔪᖅ ᓄᑕᐅᓪᓕᑎᕐᑕᐅᓚᐅᕐᑐᖅ. ᐃᓕᒃᑰᑎᕐᑐᑦ ᑐᑭᓯᓂᐊᕐᑕᐅᑎᓪᓗᒋᑦ ᐱᖓᓱᓂ ᐅᓪᓗᓂ ᐊᒻᒪᓗ ᑐᓴᕐᑎᓯᓂᖃᕐᓱᓂ ᖃᓄᖅ ᐊᓪᓚᑕᐅᓲᒍᒻᒪᖔᑕ ᐃᓅᒍᓐᓀᕈᑎᒃ ᐱᐅᓕᓂᐊᒐᒥᓂᒃ ᓱᓇᖁᑎᒥᓂᒃ ᕿᒻᒪᖁᓯᕈᒫᕐᓂᐊᓂᒧᑦ ᓇᓗᓀᕐᑐᐃᒍᑎᓕᐅᕐᓃᑦ, ᐱᖁᔭᑎᒍᑦ ᐊᑭᓖᑎᑦᓯᒍᑎᓄᑦ ᐊᒻᒪᓗ ᐊᑐᐃᓐᓇᕈᕐᑎᕆᓂᕐᓄᑦ ᑲᑎᑎᑕᐅᒪᔪᑦ ᐁᑉᐸᕕᓂᕐᒥᓂᒃ ᐊᕕᑦᓯᔪᓄᑦ ᐱᑕᑦᓯᑐᒐᕐᓂᒃ ᑖᒃᑯᐊ ᐊᑑᑎᓚᐅᕐᑐᑦ ᑲᑎᑦᑕᕕᒃ ᓄᓇᓖᑦ ᑲᑎᒪᕕᖓᓂ. ᐃᓚᐅᔪᑦ ᐱᖁᔭᓕᕆᔨᓄᑦ ᐱᓇᓱᐊᖃᑎᒌᑦᑐᓄᑦ ᑲᑎᒪᑎᑦᓯᓚᐅᕐᒥᔪᑦ ᐃᓕᓵᓂᒃ ᔮᓂᒻᒪᕆᒃ ᐃᓕᓴᕐᕕᒥ.

2018-ᒥ, Pro Bono Quebec ᓯᕗᓂᓕᐅᕐᓯᒪᒻᒥᔪᖅ ᐊᑭᖃᖕᖏᑐᓂᒃ ᐋᕐᕿᓱᐃᓂᕐᒥᒃ ᓄᓇᕕᒻᒥ ᐱᖁᔭᓕᕆᓂᑎᒍᑦ ᑭᒡᒐᑐᕐᓂᓂᒃ ᐃᓄᓐᓄᑦ ᒪᓂᔨᖃᑦᑕᓛᕆᐊᒥᒃ. ᑎᒥ ᐸᕐᓀᓂᓯᒪᒻᒥᔪᖅ ᒪᕐᕈᒋᐊᓪᓛᓄᑦ ᓄᓇᓖᓐᓅᓛᕐᓂᒥᓂᒃ ᐊᕐᕌᒍ ᐃᓱᓕᓚᐅᕐᑎᓇᒍ, ᑕᓯᐅᔭᕐᔪᐊᑉ ᓯᑦᔭᖓᓂᐅᔪᑦᓴᐅᔪᖅ.