ᑲᑎᕕᐅᑉ ᐳᓖᓯᖏᑦ ᑲᔪᓯᑎᑦᓯᓚᐅᕐᑐᑦ ᕿᓈᔭᕈᓐᓇᐅᑎᖃᕐᓱᑎᒃ ᑰᑦᔪᐊᒥ ᒣ 30-ᒥ ᐅᓐᓄᓴᒃᑯᑦ ᑎᒍᔨᓐᓂᓱᑎᒃ $42,876-ᓂᒃ ᑳᓯᓂᒃᖓ 1,294 grams-ᓂᒃ ᓰᑲᔨᐊᕐᓗᓂ ᑳᓈᐱᔅᓂᒃ ᐊᒻᒪᓗ 639 grams-ᓂᒃ ᕼᐊᓰᔅᓂᒃ.
ᑎᒍᔨᓐᓂᒍᓐᓇᓯᓚᐅᕐᑐᑦ ᑕᕐᕿᓕᒫᒥ ᖃᐅᔨᓴᕐᓂᖃᕐᓯᒪᓕᕐᑎᓗᒋᑦ
ᑲᑎᕕᐅᑉ ᐳᓖᓯᖏᑦᑕ ᐱᖁᔭᕐᓂᒃ ᓯᖁᒥᑦᓯᔪᓂᒃ ᖃᐅᔨᓴᕐᑎᖏᑦ, ᐃᑲᔪᕐᑕᐅᓱᑎᓪᓗ ᑯᐯᑉ ᐳᓖᓯᖏᓐᓄᑦ. ᐊᒥᓱᑦ ᑭᕝᕙᑲᑦᑕᐅᑏᑦ, ᒥᑭᔪᕐᓓᑦ
ᐴᑦᓴᔭᕐᓃᑐᑦ ᐊᒻᒪᓗ ᐊᓯᖏᑦ ᓱᓇᒐᓓᑦ ᑎᒍᔭᐅᓚᐅᕐᑐᑦ. ᓂᐅᕐᕈᑕᐅᓕᕈᑎᒃ ᑲᑎᑦᓱᑎᒃ ᑎᒍᔦᑦ ᐊᑭᖃᕋᔭᖕᖑᐊᑐᑦ $126,345 ᓴᓂᐊᓃᑦᑐᓂᒃ.
ᑲᑎᕕᐅᑉ ᐳᓖᓯᖏᑦ ᐃᕐᙯᑎᑦᓯᒋᐊᕐᐳᑦ ᐃᓄᐃᑦ ᑐᓴᕐᑎᓯᐅᑎᑦᓴᖃᕈᑎᒃ
ᐃᓕᒪᓇᕐᑐᓂᒃ ᐱᓇᓱᐊᕐᑐᖃᓕᕐᐸᑦ, ᐃᓚᐅᑎᓪᓗᒋᑦ ᐱᖁᔦᑦ ᓯᖁᒥᑦᓱᒋᑦ ᓂᐅᕐᕈᓭᔪᓂᒃ ᐋᖓᔮᓐᓇᑐᓂᒃ ᐊᒻᒪᓗ ᐃᒥᐊᓗᓐᓂᒃ, ᖃᐅᔨᑎᑦᓯᒍᓐᓇᒪᑕ
ᑭᓇᐅᒻᒪᖔᕐᒥᒃ ᐅᖃᕈᓐᓀᓗᑎᒃ Crime Stoppers-ᓂᒃ ᓯᕙᓂᕐᓗᑎᒃ ᐅᕗᖓ: 1-800-711-1800. ᑐᓴᕐᑎᓯᔪᑦ ᐊᑭᓕᕐᑕᐅᓚᕿᒍᓐᓇᑐᑦ
$2,000 ᑎᑭᓪᓗᒋᑦ ᐅᐱᒋᔭᐅᒍᑎᓂᒃ.
ᐳᐃᒍᑦᑌᓕᒋᐊᖃᕐᐳᓯ ᓰᑲᔨᐊᕐᓗᐃᑦ ᑳᓈᐱᔅ ᑭᓯᐊᓂ ᓂᐅᕐᕈᑕᐅᔪᑦ
Société québécoise du cannabis
(SQDC)-ᒧᑦ ᐱᖁᔭᓂᒃ ᓯᖁᒥᑦᓯᒍᑕᐅᖕᖏᒪᑕ ᐳᔮᕓᓐᓯᒥ. ᑐᑭᓯᒋᐊᓪᓚᐅᑎᑦᓭᑦ ᑳᓈᐱᔅ ᓰᑲᔨᐊᕐᓘᑉ ᐱᖁᔭᕐᓂᒃ ᓯᖁᒥᑦᓯᒍᑕᐅᒍᓐᓀᓯᒪᓂᖏᓐᓂᒃ,
ᐅᕙᓃᑉᐳᑦ ᖃᕆᑕᐅᔭᒃᑯᑦ http://www.krpf.ca/en/news/legislation-cannabis.
