Latest News

ᐃᓄᑦᔪᐊᒥ ᖁᑭᐅᑎᒃᑲᑐᖅ

Wednesday, June 7, 2017
 
ᔫᓂ 2 ᐅᓐᓄᓴᖓᓂ, ᑲᑎᕕᐅᑉ ᐳᓖᓯᖏᑦ ᓯᕙᓂᕐᑕᐅᓚᐅᔫᑦ ᐃᑲᔪᕐᑕᐅᒍᒪᔪᒧᑦ ᖁᑭᐅᑎᒃᑲᑐᖃᕐᑎᓗᒍ ᐊᒻᒪᓗ ᑕᒉᓐᓇᖅ ᐃᓪᓗᒥᒃ ᖁᑭᐅᑎᒃᑲᑑᑉ ᐃᑎᕐᓯᒪᕕᖓᓂᒃ ᖃᓂᓪᓕᕇᒃᑯᓰᓚᐅᔫᑦ.

ᑲᑎᕕᐅᑉ ᐳᓖᓯᖏᑦ ᖃᓂᓪᓕᕇᒃᑯᑎᐅᑉ ᐃᓗᐊᓃᑦᓱᑎᒃ, ᐊᖑᑎᒃ ᐃᓄᒃ ᓯᒃᑮᖃᑦᑕᓚᐅᔫᖅ ᖁᑭᐅᑎᒥᒃ ᐊᒥᓱᕕᑦᓱᓂ ᐃᓪᓘᑉ ᐃᓗᐊᓃᑦᓱᓂ ᐊᒻᒪᓗ ᑎᒍᓯᓯᒪᑦᓱᓂ ᐊᕐᓇᒥᒃ. ᑲᑎᕕᐅᑉ ᐳᓖᓯᖏᑦ ᐳᕕᕐᓂᑐᒥᑦ ᑎᒻᒥᔫᒥᒃ ᓵᑕᓚᐅᔫᑦ ᐃᓄᑦᔪᐊᓕᐊᕐᑎᓱᒍ 3-ᓂᒃ ᐳᓖᓯᓂᒃ ᐃᑲᔪᓚᖓᔪᓂᒃ ᑎᑭᑎᑦᓯᓱᑎᒃ. ᑯᐯᒃᑯᑦ ᐳᓖᓯᖏᑦ ᑐᓴᕐᑎᑕᐅᑲᐱᓚᐅᔫᑦ ᐅᖄᕕᖃᕐᑎᒥᒃ ᐃᑲᔪᕐᑎᖃᕈᒪᑦᓱᑎᒃ ᐊᒻᒪᓗ ᖃᓄᐃᓕᖕᖓᑎᑦᓯᑌᓕᔨᓂᒃ. ᖁᑭᐅᓯᔭᕐᑐᖅ ᓴᐱᕐᕆᐊᓚᐅᔫᖅ 11:38-ᒥ ᐅᓪᓛᑯᑦ ᔫᓂ 3-ᒥ. ᐃᓕᒪᒋᔭᖅ ᐸᓯᔭᑦᓴᖑᕐᑎᑕᐅᓚᐅᔫᖅ 16-ᓂᒃ ᐊᒻᒪᓗ ᐃᕐᖃᑐᐃᕕᒃᑰᓛᕐᓱᓂ ᔫᓂ 8, 2017-ᒥ.