Latest News

ᓴᓪᓗᓂ ᐃᓕᒪᓇᕐᑐᒥᒃ ᐃᓅᒍᓐᓀᑐᓕᒃ, ᑯᐯᑉ ᐳᓖᓯᖏᑦ ᖃᐅᔨᓴᓚᖓᔪᑦ

Monday, November 2nd, 2020
 
ᓅᕕᒻᐱᕆ 1-ᒥ, ᑲᑎᕕᐅᑉ ᐳᓖᓯᖏᑦ ᑕᑯᓚᐅᕐᑐᑦ ᐊᕐᓇᒥᒃ ᖃᐅᔨᕙᓪᓚᖃᔭᕈᓐᓀᑐᒥᒃ ᓴᓪᓗᓂ ᐊᓇᕐᕋᕆᔭᒥ. ᓄᓇᓕᓐᓂ ᐋᓐᓂᐊᓯᐅᑎᒃᑯᓅᕐᑕᐅᖃᒻᒥᐅᓱᓂ ᐃᓅᒍᓐᓀᕆᐊᖓ ᓱᕐᖁᐃᑕᐅᓚᐅᕐᑐᖅ.

ᐅᓐᓄᑐᒃᑯᑦ ᓅᕕᒻᐱᕆ 1-ᒥ, ᓴᓪᓗᓂ ᑲᑎᕕᐅᑉ ᐳᓖᓯᖏᑦ ᐅᐃᒪᓇᕐᑐᒧᑦ ᓯᕙᓂᕐᑕᐅᓚᐅᕐᑐᑦ ᐃᑯᐊᓪᓚᓕᕐᓂᕃᔪᒧᑦ. ᖃᒥᑎᕆᔩᑦ ᐊᒻᒪᓗ ᑲᑎᕕᐅᑉ ᐳᓖᓯᖏᑦ ᑖᕗᖕᖓᑲᐱᓚᐅᕐᑐᑦ ᐃᑯᐊᓪᓚᓕᕐᓂᕋᕐᑕᒧᑦ. ᐳᔪᕐᑐᖃᓚᐅᖕᖏᑐᖅ ᐅᕝᕙᓘᓐᓃᑦ ᐃᑯᐊᓚᔪᕐᑕᖃᕋᓂ ᐊᓇᕐᕋᕆᔭᐅᔪᖅ, ᑭᓯᐊᓂ ᐊᕐᓇᒥᒃ ᑕᑯᓚᐅᕐᑐᖅ ᓯᓂᕝᕕᑯᕕᒻᒥ ᐃᓪᓕᒥ ᓇᓚᔪᒥᒃ. ᐅᐃᒪᓇᕐᑐᓯᐅᑎᒧᑦ ᐊᕐᓇᖅ ᐋᓐᓂᐊᓯᐅᑎᒃᑯᓕᐊᕐᑎᑕᐅᓚᐅᕐᑐᖅ, ᑖᕙᓂᓗ ᑐᖁᒋᐊᖓ ᓱᕐᖁᐃᑕᐅᑲᐱᓚᐅᕐᓱᓂ.

ᐃᓅᒍᓐᓀᓂᖓ ᐃᓕᒪᓇᓚᐅᕐᒪᑦ, ᑲᑎᕕᐅᑉ ᐳᓖᓯᖏᑦ ᕿᓄᕕᖃᓚᐅᕐᑐᑦ ᑯᐯᑉ ᐳᓖᓯᖏᓐᓂᒃ Sûreté du Québec-ᒥᒃ ᖃᐅᔨᓴᕐᓂᒥᒃ ᑲᔪᓯᑎᑦᓯᖁᑦᓱᒋᑦ.

ᐃᓕᒪᒋᔭᐅᔪᖅ ᑌᒣᓚᕿᑎᑦᓯᔪᕕᓂᐅᒋᐊᖓ ᐅᓪᓗᒥ ᑎᒍᔭᐅᒪᔪᖅ.​