Latest News

ᑲᑎᕕᐅᑉ ᐳᓖᓯᖏᑦᑕ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᖓ ᑐᓴᕐᑕᐅᑎᑕᐅᔪᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ

Monday, June 5, 2017
 
ᒣ 30-ᒥ, ᐅᒥᐅᔭᒥ, ᑲᑎᕕᐅᑉ ᐳᓖᓯᖏᑦ ᑐᓴᕐᑕᐅᑎᑦᓯᓚᐅᕐᑐᑦ ᓄᑖᒥᒃ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᒋᓯᔭᒥᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ (ᑫᐋᔩᑉ) ᑲᑎᒪᔨᖏᑦ ᑲᑎᒪᓂᖃᕐᑎᓗᒋᑦ.

ᐋᕐᕿᓯᒪᓂᕆᓂᐊᓕᕐᑕᖓ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᐅᑉ ᑐᓴᕐᑕᐅᑎᑕᐅᓚᐅᕐᑐᖅ ᒥᓯᐊᓪ ᒪᕐᑌᒧ, ᑲᑎᕕᐅᑉ ᐳᓖᓯᖏᑦᑕ ᐊᖓᔪᕐᖄᖓᓄᑦ ᐊᒻᒪᓗ ᑲᒪᔨᒻᒪᕆᐅᑦᓱᓂ ᑭᓇᓕᒫᒃᑯᑦ ᐊᑦᑕᓀᑦᑐᒦᑦᑎᑕᐅᓂᖏᓐᓄᑦ ᐱᓇᓱᕝᕕᖓᓂ ᑫᐋᔩᑉ ᐊᒻᒪᓗ ᐱᓄᐊ ᐸᓛᑦᒧᑦ, ᐊᐅᓚᑦᓯᕕᒻᒥ ᐊᖓᔪᕐᖄᑉ ᑐᖓᓕᐊᓄᑦ, ᐃᓄᐃᑦ ᐊᑦᑕᓀᑦᑐᒦᑦᑎᑕᐅᓂᖏᓐᓂ ᐊᒻᒪᓗ ᓴᐳᑦᔭᐅᓂᖏᓐᓂ. ᑲᑎᒪᓂᖅ ᓄᓇᕕᓕᒫᒥ ᑐᓴᕐᓴᐅᑎᑕᐅᖃᑦᑕᑐᖅ ᓈᓚᐅᑎᒃᑯᑦ, ᐱᕕᑦᓴᓯᐊᒍᓚᐅᕐᑐᖅ ᑕᑯᔭᐅᑎᑕᐅᑎᓪᓗᒋᑦ ᐊᑦᔨᒌᖕᖏᑐᑦ ᓴᓇᕐᕈᑎᐅᓚᖓᓕᕐᑐᑦ ᐊᒻᒪᓗ ᐃᑲᔪᕐᓯᐅᑕᐅᓚᖓᓕᕐᑐᑦ ᐊᑐᐃᓐᓇᖑᕐᓗᑎᒃ ᓄᑖᒥ ᑐᓴᐅᒪᑎᑦᓯᕕᒻᒥ.

ᑕᕐᕿᑦ ᐱᖓᓱᑦ ᓈᒻᒪᑕ ᑕᒫᑦ, ᑲᑎᕕᐅᑉ ᐳᓖᓯᖏᑦ ᑐᓴᕐᑎᓯᕙᑦᑐᑦ ᑲᑎᒪᔨᓂᒃ ᐊᒻᒪᓗ ᒪᓂᔨᑦᓱᑎᒃ ᑐᑭᓯᐅᑎᑦᓴᓂᒃ ᐱᑦᔪᑎᓕᓐᓂᒃ ᐆᑦᑑᑎᒋᑦᓱᒋᑦ ᐃᓕᓐᓂᐊᑎᓯᓂᖅ, ᐱᓇᓱᑦᑎᑖᕐᓂᖅ, ᐱᓂᕐᓗᑎᑦᓯᑌᓕᓂᕐᓄᑦ ᐱᓇᓱᐊᕐᑌᑦ, ᐊᒻᒪᓗ ᐱᖁᔦᑦ ᓯᖁᒥᑕᐅᓂᖏᓐᓂᒃ ᑭᑎᑦᓯᓯᒪᐅᑎᓂᒃ. ᑲᑎᒪᔩᑦ ᐅᖃᐅᓯᖃᕐᐸᒥᔪᑦ ᐃᓱᐃᓪᓕᖓᔪᓂᒃ ᐊᒻᒪᓗ ᐊᐱᕐᓲᑎᑦᓴᒥᓂᒃ ᓂᓪᓕᕈᑎᖃᕐᐸᓱᑎᒃ ᐃᓕᖓᔪᓂᒃ ᑭᓇᓕᒫᒃᑯᑦ ᐊᑦᑕᑌᑦᑐᒦᑦᑎᑕᐅᓂᖏᓐᓄᑦ.