ᐃᑉᐱᒋᔭᐅᑦᓯᐊᓕᑦ
ᑐᑭᓯᐅᑎᑦᓭᑦ ᑖᒃᑯᓇᓃᑦᑐᑦ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᒻᒥ ᓯᖏᑦᓯᔭᖏᑦᑐᑦ ᐊᓪᓚᓯᒪᔪᕐᑕᖏᓐᓂᒃ ᐱᖁᔭᐅᑉ, ᐱᖁᔭᖅ ᐊᐅᓚᑦᓯᒍᑎᓪᓚᕆᐅᒻᒪᑦ.
ᑳᓈᐱᔅᒥᒃ ᓇᔪᕐᑎᖃᕐᓂᖅ
ᖃᑦᓯᓂᒃ ᐅᑭᐅᖃᓕᕈᒪ ᓰᑲᔨᐊᕐᓗᖃᕈᓐᓇᐳᖓ ᐊᒻᒪᓗ ᓂᐅᕕᕈᓐᓇᐳᖓ?
ᑯᐯᒻᒥ, ᐅᑭᐅᓖᑦ ᐃᑭᓐᓂᐹᓂᒃ ᓰᑲᔨᐊᕐᓗᖃᕈᓐᓇᑐᑦ ᐅᕝᕙᓘᓐᓃᑦ ᓂᐅᕕᕈᓐᓇᓱᑎᒃ ᓰᑲᔨᐊᕐᓗᒥᒃ 21-ᓂᒃ. ᐃᓄᐃᑦ 21 ᐊᑖᓃᑦᑐᓂᒃ ᐅᑭᐅᓖᑦ ᑳᓈᐲᔅᒥᒃ ᓰᑲᔨᐊᕐᓗᒥᒃ ᐱᑕᖃᕆᐊᖃᖕᖏᑐᑦ.
ᐃᓄᑦᑕᖃᓲᓂ ᖃᓄᐃᓪᓗᐊᑐᓂᒃ ᓰᑲᔨᐊᕐᓗᓂᒃ ᓇᔪᕐᑎᖃᕈᓐᓇᐳᖓ?
ᓇᔪᕐᑎᒋᔭᐅᒍᓐᓇᑐᑦ ᐊᖏᓂᕐᐹᑦ 30 ᑯᔮᒻᔅ grams ᐸᓂᕐᑐᐃᑦ ᓰᑲᔨᐊᕐᓗᐃᑦ ᐅᕝᕙᓘᓐᓃᑦ ᑌᒣᓪᓗᐊᑐᓂᒃ ᓈᒻᒪᖁᐊᓖᑦ ᐃᓄᑦᑕᖃᓲᓂ.
ᐊᓇᕐᕋᕆᔭᐅᔪᓂ ᖃᓄᐃᓪᓗᐊᑐᓂᒃ ᓰᑲᔨᐊᕐᓗᓂ ᓇᔪᕐᑎᖃᕈᓐᓇᐳᖓ?
ᓇᔪᕐᑎᒋᔭᐅᒍᓐᓇᑐᑦ ᐃᑭᓐᓂᐸᐅᓗᑎᒃ ᓇᒻᒥᓂᕆᔭᕐᓂ ᐊᓇᕐᕋᕆᔭᐅᔪᓂ 150 grams ᐸᓂᕐᑐᐃᑦ ᓰᑲᔨᐊᕐᓗᐃᑦ ᐅᕝᕙᓘᓐᓃᑦ ᑌᒣᓪᓗᐊᑐᓂᒃ ᓈᒻᒪᖁᐊᓖᑦ, ᐃᓄᖏᑦ ᐃᓪᓘᑉ ᖃᑦᓯᑐᐃᓐᓇᐅᒐᓗᐊᕐᐸᑕ.
ᐆᑦᑑᑎᒋᓗᒋᑦ, ᐱᖓᓱᑦ ᐃᓄᐃᑦ 21-ᓂᒃ ᐅᑭᐅᓖᑦ ᐅᕝᕙᓘᓐᓃᑦ ᐅᖓᑖᓄᑦ ᑕᕝᕙᓂᑦᓭᓇᖅ ᐊᓇᕐᕋᓖᑦ, ᐱᑕᖃᕈᓐᓇᑐᑦ ᑲᑎᓂᓕᓐᓂᒃ ᐃᓘᓐᓇᑎᒃ 150 grams-ᓂᒃ.
ᐃᓄᒃ 21-ᓂᒃ ᐅᑭᐅᓕᒃ ᐅᖓᑖᓄᓘᓐᓃᑦ ᐱᑕᖃᕐᖃᔭᖕᖏᑐᖅ 150 grams ᐅᖓᑖᓅᕐᑐᓂᒃ ᐸᓂᕐᑐᓂᒃ ᓰᑲᔨᐊᕐᓗᓂ ᐅᕝᕙᓘᓐᓃᑦ ᑌᒣᓪᓗᐊᑐᓂᒃ ᓈᒻᒪᖁᐊᓕᓐᓂᒃ ᐊᓇᕐᕋᒥᑕ ᐃᓗᐊᓂᓕᒫᖅ.
ᓰᑲᔨᐊᕐᓗᒥᒃ ᑳᓈᐱᔅᒥᒃ ᐱᕈᕐᓰᒍᓐᓇᐳᖓ?
ᓰᑲᔨᐊᕐᓗᒥᒃ ᐱᕈᕐᓰᔪᖃᕆᐊᖃᖕᖏᑐᖅ ᓇᒻᒥᓂᖅ ᐱᒋᓛᕐᑕᒥᓂᒃ. ᐱᕈᕐᓯᐊᖃᕐᑐᖃᕆᐊᖃᕋᓂᓗ ᓰᑲᔨᐊᕐᓗᒥᒃ ᓇᒻᒥᓂᖅ ᐱᒋᓛᕐᑕᒥᓂᒃ.
ᓰᑲᔨᐊᕐᓗᐃᑦ ᑳᓇᐱᔅ ᓇᓂ ᓇᔪᕐᑎᒋᔭᐅᒋᐊᖃᖕᖏᑐᑦ?
ᐃᓄᑦᑕᖃᓲᑦ ᐃᓚᖏᓐᓂ ᓰᑲᔨᐊᕐᓗᒥᒃ ᓇᔪᕐᑎᖃᕐᕕᐅᒋᐊᖃᖕᖏᑐᑦ, ᐱᓗᐊᕐᑐᒥᒃ ᓇᔪᓲᖏᓐᓂ ᐃᓄᐃᑦ 21 ᐊᑖᓂ ᐅᑭᐅᓖᑦ. ᐆᑦᑑᑎᒋᑦᓱᒋᑦ:
- ᓄᓇᖁᑎᖏᓐᓂ ᐅᕝᕙᓘᓐᓃᑦ ᐃᓗᖏᓐᓂ ᐯᕆᑦᓯᕖᑦ;
- ᓄᓇᖁᑎᖏᓐᓂ ᐅᕝᕙᓘᓐᓃᑦ ᐃᓗᖏᓐᓂ ᐃᓕᓴᕐᕖᑦ (ᐃᓚᐅᑎᓪᓗᒋᑦ ᐃᓄᒻᒪᕇᑦ ᐃᓕᓴᕐᕕᖏᑦ);
- ᓯᓚᑖᖏᓐᓂ ᐊᒻᒪᓗ ᐃᓗᖏᓐᓂ ᑎᒍᔭᐅᒪᕖᑦ.
ᓰᑲᔨᐊᕐᓗᒥᒃ ᓂᐅᕐᕈᓭᓂᖅ
ᓇᑭᑦ ᓰᑲᔨᐊᕐᓗᒥᒃ ᓂᐅᕕᕈᓐᓇᐳᖓ?
ᐱᖁᔦᑦ ᓯᖁᒥᒍᓐᓀᓗᒋᑦ ᓰᑲᔨᐊᕐᓗᒥ ᓂᐅᕕᕐᕕᓴᑐᐊᖅ ᑯᐯᒻᒥ Société québécoise du cannabis (SQDC). ᐱᖁᔭᕐᓂᒃ ᓯᖁᒥᑦᓯᒍᑕᐅᔪᑦ ᓰᑲᔨᐊᕐᓗᒥᒃ ᓂᐅᕕᕐᓃᑦ ᓇᑭᑐᐃᓐᓇᖅ ᐅᕝᕙᓘᓐᓃᑦ ᑖᒃᑯᐊ ᐊᓯᖏᓐᓂᑦ ᐃᓄᒻᒥᑦ ᑭᓇᑐᐃᓐᓇᒥᑦ.
ᓰᑲᔨᐊᕐᓘᑉ ᐊᑐᕐᑕᐅᓂᖓ
ᓱᓇᐅᕙᑦ ᓰᑲᔨᐊᕐᓗᑐᕐᕕᐅᒋᐊᖃᖕᖏᑐᑦ?
ᓰᑲᔨᐊᕐᓗᑐᕐᑐᖃᕆᐊᖃᖕᖏᑐᖅ ᓇᓂᑐᐃᓐᓇᖅ ᐃᓄᑦᑕᖃᓲᓂ (ᐃᓗᖏᓐᓂ ᐊᒻᒪᓗ ᓯᓚᑎᖏᓐᓂ).
ᓱᓀᑦ ᐊᓯᑦᔨᔭᐅᓯᒪᖕᖏᑐᑦ?
- ᓰᑲᔨᐊᕐᓗᑐᕐᓯᒪᔪᑦ ᑳᓈᐱᔅᒥᒃ ᐊᖁᒋᐊᖃᖕᖏᑐᑦ.
- ᓰᑲᔨᐊᕐᓗᑐᕐᓯᒪᔪᑦ ᑳᓈᐱᔅᒥᒃ ᐃᑎᕐᓯᒪᒋᐊᖃᖕᖏᑐᑦ ᐃᓄᐃᑦ ᑲᑎᒪᕕᒋᓲᖏᓐᓂ ᓇᓂᑐᐃᓐᓇᖅ.
- ᓰᑲᔨᐊᕐᓗᖁᑎᖃᕆᐊᖃᖕᖏᑐᑦ ᐃᓄᐃᑦ 21 ᐊᑖᓂ ᐅᑭᐅᓖᑦ.
- ᓰᑲᔨᐊᕐᓗᒥᒃ ᑳᓈᐱᔅᒥᒃ ᐱᕈᕐᓭᔪᖃᕆᐊᖃᖕᖏᑐᖅ.
ᑖᒃᑯᐊ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕖᑦ ᑐᑭᓯᒋᐊᓪᓚᕈᒪᔪᓄᑦ ᑕᑯᒐᓱᐊᕐᑕᐅᒍᓐᓇᑑᒃ:
ᓰᑲᔨᐊᕐᓘᑉ ᒪᓕᒐᕐᓂᒃ ᓯᖁᒥᑦᓯᒍᓐᓀᑎᑕᐅᓯᒪᓂᖓ
ᓰᑲᔨᐊᕐᓘᑉ ᐃᓗᓯᕐᓱᓂᕐᒥᒃ ᓱᒃᑯᐃᒍᓐᓇᓂᖓ
ᓰᑲᔨᐊᕐᓗᑐᕐᑐᓯᒪᔪᑦ ᐊᖁᑦᑐᑦ; ᖃᐅᔨᒪᒋᐊᓕᑎᑦ
