ᐳᓖᓯᑦᓵᐲᑦ

 

ᓇᓗᓀᕐᓯᐅᑏᑦ

ᑲᑎᕕᐅᑉ ᐳᓖᓯᖏᑦ ᐃᖏᕐᕋᑎᑦᓯᔪᑦ ᐳᓖᓯᑦᓭᑦ ᐱᓇᓱᐊᕐᑎᑕᐅᓂᖏᓐᓂᒃ ᓄᓇᓕᓕᒫᓂ. ᐊᑯᓃᕐᑐᓴᖅ ᑐᕌᒐᖓ ᐳᓖᓯᑦᓴᖃᕐᓂᓄᑦ ᐱᓇᓱᒐᐅᑉ ᐅᓄᕐᓰᒋᐊᕐᓂᖅ ᐃᓄᓐᓂᒃ ᐳᓖᓯᓂᒃ ᐱᓇᓱᐊᕐᑐᓂᒃ ᑲᑎᕕᐅᑉ ᐳᓖᓯᖏᓐᓂ. ᐱᓇᓱᒐᖅ ᐃᓕᓭᕕᐅᕙᑦᑐᖅ ᐅᕕᒃᑲᓂᒃ ᐃᓚᐅᔪᓄᑦ ᐳᓖᓰᑦ ᑲᒪᒋᒋᐊᓕᖏᓐᓂᒃ ᐊᕐᖁᑎᒋᑦᓱᒋᑦ ᓄᓇᓕᓐᓂᒃ ᑭᒡᒐᑐᕐᓃᑦ, ᐃᓕᓭᕕᐅᑉ ᐃᓗᐊᓂ ᐃᓕᓭᓃᑦ, ᐊᒻᒪᓗ ᑎᒥᑎᒍᑦ ᓄᓇᒦᑦᓱᑎᓪᓗ ᐱᓇᓱᐊᕐᓃᑦ. ᐃᓚᐅᔪᑦ ᑐᑭᓯᐅᑎᑦᓴᑖᖃᑎᒌᑉᐸᒥᔪᑦ ᐃᓄᐃᑦ ᐊᑦᑕᓀᑦᑐᒦᑦᑎᑕᐅᓂᖏᓐᓄᑦ ᖃᐅᔨᒪᔭᐅᒋᐊᓕᓐᓂᒃ ᓄᓇᓕᒥᓂ.

 

ᐱᓇᓱᐊᕐᑕᐅᕙᑦᑐᑦ

ᐊᕐᕌᒍᓂ ᐊᒥᓱᓂ, ᑲᑎᕕᐅᑉ ᐳᓖᓯᖏᑦᑕ ᐳᓖᓯᑦᓴᖏᑦ ᐃᓚᐅᕙᓕᕐᑐᑦ ᐊᒥᓱᐃᓄᑦ ᐊᑦᔨᒌᖕᖏᑐᓄᑦ ᐱᓇᓱᒐᕐᓄᑦ ᐊᒻᒪᓗ ᐱᓇᓱᐊᕐᑎᑕᐅᓂᕐᓄᑦ, ᐃᓚᐅᑎᓪᓗᒋᑦ ᐅᑯᐊ:

  • ᑲᔪᓯᑎᑦᓯᓂᖅ ᓱᓇᐅᑦᓴᖏᒻᒧᑦ ᐃᕐᓯᓵᕆᓂᕐᓂᒃ ᐃᑉᐱᒍᓱᑦᑎᓯᒋᐊᕈᑎᓂᒃ ᐱᓇᓱᒐᕐᓂᒃ ᓄᓇᓕᓐᓂ ᐃᓕᓴᕐᕕᓂ;
  • ᓄᓇᓕᓕᒫᓂ ᐃᓄᓐᓅᙯᓂᖅ ᐊᑭᖃᖕᖏᑐᓂᒃ ᖁᑭᐅᑏᑦ ᓯᒃᑭᕈᑎᖏᑦᑕ ᐸᓓᕐᓯᒪᒍᑎᖏᓐᓂᒃ ᖁᑭᐅᑏᑦ ᐊᑦᑕᓀᑦᑑᒋᐊᖃᕐᓂᖏᓐᓂᒃ ᐃᑉᐱᒍᓱᑦᑎᓯᒋᐊᕐᓂᓂ ᐊᑑᑎᑎᑕᐅᓕᐅᒥᔮᕐᐸᑐᓂ ᐃᓚᒋᑦᓱᖏᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐊᓯᖏᑦ ᐱᓇᓱᕝᕕᖏᑦ;
  • ᓄᓇᓕᓐᓂ ᐊᑑᑎᑎᑦᓯᓃᑦ, ᐆᑦᑑᑎᒋᑦᓱᒋᑦ ᐊᕐᕌᒍᑕᒫᑦ ᑰᑦᔪᐊᒥ ᐯᓯᑰᖃᑎᒌᑦᑎᓯᓃᑦ.